1 SAMUEL 19:5 - KA BAIBL

⁵ namar u la kheiñduh ïa la ka jingim, bad u la pynïap ïa uta u Philistia, bad U Trai u la pynlong ïa ka jinglait im bakhraw ïa ki Israel baroh; te me la ïohi ïa kata bad me la shadkmen; na ka balei te men leh pop ïa ka snam kaba lui lui, da kaba pynïap ïa u Dabid khlem daw?”

Khasi CL Bible (BSI)

⁵ U la kheiñduh ïa la ka jingim mynba u pynïap ïa u Goliath, bad U Trai u la pynïoh ïa ka jingjop kaba khraw na ka bynta ki Israel. Mynba phi ïohi ïa kata, phi la sngewkmen. Balei te mynta, phi kwah ban leh bymdei ïa u briew uba lui lui bad ban pynïap ïa u Dabid khlem kano kano ka daw?”

1 SAMUEL 19:5 ပူးပေါင်းရင်းမြစ်များ

2 SAMUEL 23:10

u la ïeng, bad u la shoh ïa ki Philistia, haduh ba la thait ka kti jong u, bad ka kti jong u ka la dait skhem ha ka waitlam: te U Trai u la pynlong ïa ka jingjop kaba khraw ha kata ka sngi; bad u paidbah u leit phai hadien jong u tang ban shu lute.

1 KHRONIKL 11:14

Bad ki la ïeng hapdeng kata ka lyngkha, bad ki la ïada ïa ka, bad ki la pynïap ïa ki Philistia; bad U Trai u la pyllait im ïa ki da ka jingjop ka bakhraw.

1 KHRONIKL 11:18

Bad kine ki lai ngut ki la tur lyngba u paidïapom ki Philistia, bad ki la tong um na ka pukri Bethlehem, kaba hajan ka khyrdop, ki la shim ïa ka, bad ki la wallam sha u Dabid: hynrei, u Dabid um treh ban dih ïa ka, hynrei, u la theh noh ïa ka ha U Trai,

SALM 109:5

Bad ki la siew ïa nga da ka basniew namar ka babha, bad da ka jingshun namar ka jingieit jong nga.

SALM 119:109

Ka mynsiem jong nga ka ha ka kti jong nga ha la ka sngi: pynban, ngam klet ïa ka aiñ jong me.

SALM 25:3

Shisha ym don mano mano uba ap kyrmen ha me u ban ïoh lehrain: kita keiñ ki ban ïoh lehrain kiba shetkylla khlem daw.

SALM 69:4

Kita kiba shun ïa nga khlem daw ki kham bun ïa u shñiuh ka khlieh jong nga: kita kiba kwah ban ot noh ïa nga, kiba long ki nongshun jong nga da ka bymhok, ki long ki bakhrawbor; hangta nga la buria ïa kaba ngam shym la shim.

SALM 94:21

Ki ïalum lang pyrshah ïa ka mynsiem jong u bahok, bad ki ïa-pynrem ïa ka snam balui lui.

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

JEREMAÏAH 26:15

Tang ba phin tip skhem ba lada phin pynïap ïa nga, phin pynhap ïa ka snam balui lui halor lade, bad halor kane ka shnong, bad halor kiba shong ha ka: naba da shisha, U Trai u la phah ïa nga ha phi ban kren ïa kine ki ktien baroh ha ki shkor jong phi.”

MATHAÏOS 27:24

Haba u Pilat u ïohi te ba um lah ei ei ruh, hynrei, tang ba long ka jingkhihwin pynban, u la shim ka um, bad u la thet ïa la ki kti ha khmat uta u paidbah, u da ong, “Ngam don jingrem na ka snam une u bahok: phin khmih hi ma phi.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

ÏOANNIS 15:25

Hynrei, kane ka jia, ba yn ïoh pyndep ïa kata ka ktien kaba la thoh ha Ka Hukum jong ki, ‘Ki la shun ïa nga khlem daw.’

KI KAM 20:24

Hynrei, nga kheiñduh ïa la ka jingim, bad ngam ñiewkor shuh ïa ka, ba kumta ngan ïoh pyndep noh ïa ka jingphet jong nga, bad ïa kata ka kam U Blei kaba nga la ïoh na U Trai Jisu, ïa ka ban phla ïa ka gospel ka jingaiei U Blei.

PHILIPPI 2:30

naba na ka bynta ka kam U Khrist, u la poi hajan ka jingïap, haba u la kheiñduh ïa la ka jingim ba un ïoh pyndap noh ïa kata ka jingduna ka jinglehbha jong phi ïa nga.

HEBRU 2:3

kumno ngi ngin ïohlait keiñ, lada ngi lyndet ïa ka jingpynim bakhraw katta katta? haba la kren ïa ka ha kaba mynnyngkong da U Trai, la pynskhem ïa ka ha ngi da kita kiba la ïohsngew;

NONGBISHAR 12:3

Te haba nga la ïohi ba phim shym la pyllait ïa nga, nga la kheiñduh ïa la ka mynsiem, bad nga la leit sha shiliang pyrshah ïa ki khun u Ammon, bad U Trai u la ai noh ïa ki ha ka kti jong nga: te namar balei ba phi la wan ha nga ha kane ka sngi, ban ïaleh thma ïa nga?”

NONGBISHAR 9:17

(naba u kpa jong nga u la ïaleh thma na ka bynta jong phi, bad u la kheiñduh ïa la ka jingim, bad u la pyllait ïa phi na ka kti ki Midian:

1 SAMUEL 11:13

Te u Saul u la ong, “Yn ym pynïap ïano ïano ha kane ka sngi: naba ha kane ka sngi, U Trai u la pynlong ka jingpynim ha Israel.”

1 SAMUEL 14:45

Te kita ki briew ki la ong ha u Saul, “Hato un ïap u Jonathan, uba la pynlong ka jingpynim kaba khraw kat kane ha Israel? Kan ym long kumta, em: katba im U Trai, in ym hap iwei na ki 'ñiuh khlieh jong u ha ka khyndew; namar u la trei ryngkat bad U Blei ha kane ka sngi.” Kumta, kita ki briew ki la pynim ïa u Jonathan, ba um shym ïap.

1 SAMUEL 19:6

Bad u Saul u la shahshkor ïa ka ktien u Jonathan: bad u Saul u la smai, “Katba im U Trai, yn ym pynïap ïa u.”

1 SAMUEL 20:32

Te u Jonathan u la ïathuh ha u Saul u kpa jong u, bad u la ong ha u, “Un ïap namar balei? u la leh aïu?”

1 SAMUEL 22:14

Te u Ahimelekh u la ïathuh ha u syiem, bad u la ong, “Napdeng ki shakri jong me baroh, uei uba bit ban shaniah kat u Dabid, uba long ruh u pyrsa kurim u syiem, bad uba leit ha ka hukum jong me, bad uba donburom ha ka ïing jong me?

1 SAMUEL 28:21

Te kata ka kynthei ka la wan sha u Saul, bad ka la ïohi ba u la sngewtriem shikatdei, bad ka la ong ha u, “Ha khmih, ka shakri jong me ka la shahshkor ïa ka ktien jong me, bad nga la kheiñduh ïa la ka jingim, bad nga la kohnguh ïa kita ki ktien kiba me la kren ha nga.