1 SAMUEL 19:4 - KA BAIBL

⁴ Bad u Jonathan u la kren bha shaphang u Dabid ha u Saul u kpa jong u, bad la ong ha u, “To u syiem un ym leh pop ïa la u shakri, ïa u Dabid keiñ; namar um shym leh pop ma u ïa me, bad namar ba ki jingleh jong u ki long ki babha eh ïa me:

Khasi CL Bible (BSI)

⁴ U Jonathan u ïaroh ïa u Dabid ha u Saul bad u ong, “Pa kynrad, wat leh bymdei ïa u shakri jong phi u Dabid. Um pat ju leh palat ïa phi; ha kawei ka liang, kat kaba u la leh ka la long ka jingïarap bakhraw ïa phi.

1 SAMUEL 19:4 ပူးပေါင်းရင်းမြစ်များ

JENESIS 42:22

Te u Reuben u la phai ktien ïa ki, u da ong, “Nga ngam shym la ong ha phi, haba nga la kren, ‘Wat leh pop ïa une u samla;’ te phim sngap satia? Bad namar kata te, ha khmih, yn sa pan ïa ka snam jong u.”

JENESIS 9:6

“Jar uba pynmih ïa ka snam u briew, da u briew keiñ yn sa pynmih ïa ka snam jong u ruh: naba ha ka dur U Blei la thaw ïa u briew.

2 KHRONIKL 6:22

“Lada u briew u leh pop ïa la u paramarjan, bad ba la buh ka jingsmai halor jong u ïa ka ban pynsmai ïa u, bad u wan ban smai ha khmat ka duwan jong me ha kane ka ïing,

SALM 35:12

Ki siew ïa nga da ka basniew namar ka babha, kat ban lute ïa ka mynsiem jong nga.

SALM 59:4

Ki ïaphet bad ki ïakhreh ïa lade ha bymdon ka pop ha nga: to peit ma me ban ïarap ïa nga, bad to khmih.

PROBERB 17:13

Jar uba ai nong da ka basniew namar ka babha, ka jingsniew kan ym kynriah na ka ïing jong u.

JEREMAÏAH 18:20

Hato yn siew kylliang da ka basniew ïa ka babha? Naba ki la tih thliew ïa ka mynsiem jong nga. To kynmaw kumno nga la ïeng ha khmat jong me ban kren ïa ka babha na ka bynta jong ki, ban pynphai noh na ki ïa ka jingbitar jong me.

1 KORINTH 8:12

Hynrei, haba phi leh pop kumta ïa kita ki parabangeit, bad pynmong ïa ka jingïatiplem batlot jong ki, phi ïaleh pop ïa U Khrist keiñ.

1 ÏOANNIS 3:15

Uwei pa uwei baroh uba shun ïa la u parabangeit u long u nongshohnoh briew: bad phi tip ba ym don u nongshohnoh briew uba don ka jingim bymjukut kaba sah ha u.

1 SAMUEL 2:25

Lada u briew un leh pop ïa u parabriew, U Blei un bishar ïa u; hynrei, lada u briew un leh pop ïa U Trai, uei u ban ïasaid na ka bynta jong u?” Pynban, kim shym sngap ïa ka ktien u kpa jong ki, naba U Trai u la thew ban pynïap noh ïa ki.

1 SAMUEL 20:32

Te u Jonathan u la ïathuh ha u Saul u kpa jong u, bad u la ong ha u, “Un ïap namar balei? u la leh aïu?”

1 SAMUEL 22:14

Te u Ahimelekh u la ïathuh ha u syiem, bad u la ong, “Napdeng ki shakri jong me baroh, uei uba bit ban shaniah kat u Dabid, uba long ruh u pyrsa kurim u syiem, bad uba leit ha ka hukum jong me, bad uba donburom ha ka ïing jong me?