1 SAMUEL 19:1 - KA BAIBL

¹ Te u Saul u la kren ha u Jonathan u khun jong u, bad ha ki shakri jong u baroh, ba kin pynïap ïa u Dabid.

Khasi CL Bible (BSI)

¹ U Saul u ïathuh ha u Jonathan u khun jong u bad ha ki rangbah synshar jong u baroh ba u thmu ban pynïap ïa u Dabid. Hynrei u Jonathan u sngew jan eh ïa u Dabid,

1 SAMUEL 19:1 ပူးပေါင်းရင်းမြစ်များ

JENESIS 37:18

Bad ki la ïohi ïa u na jngai; te haba um pat poi hajan jong ki, ki la ïasylla lem ban pynïap noh ïa u.

2 SAMUEL 4:8

Bad ki la wallam ïa ka khlieh u Ishbosheth sha u Dabid ha Hebron, bad ki la ong ha u syiem, “Ha khmih ïa ka khlieh u Ishbosheth u khun u Saul u nongshun jong me, uba la wad ïa ka jingim jong me; te ha kane ka sngi U Trai u la pynhiar ïa ka kput u syiem kynrad jong nga halor u Saul, bad halor u symbai jong u.”

1 SAMUEL 18:1

Te ynda u la wai noh ban kren ha u Saul, u Jonathan bad u Dabid ki la ïa-ieit thep mynsiem, bad u Jonathan u la ieit ïa u kum la ka jong ka mynsiem.

1 SAMUEL 18:25

Te u Saul u la ong, “Kumne phin ong ha u Dabid, ‘U syiem um kwah hi ïa ka jingaiseng, hynrei, tang ban ïoh shispah tylli ki sher ki Philistia, ba yn pynhiar kput halor ki nongshun u syiem.’ ” Hynrei, u Saul u la thew khnang ban pynïap ïa u Dabid da ka kti ki Philistia.

1 SAMUEL 18:3

Ynda kumta, u Jonathan bad u Dabid ki la ïateh jutang, naba u la ieit ïa u kum la ka jong ka mynsiem.

1 SAMUEL 18:8

Te u Saul u la bitar lep, bad kane ka jingong ka la pynsngewsih ïa u; bad u la ong, “Ha u Dabid ki la ai phew hajar, te ha nga ki la ai tang ki hajar: sah sa aïu pat ba un ïoh, hynrei, sa tang ka jinglong syiem hi?”

1 SAMUEL 18:9

Te u Saul u la khmih sian ïa u Dabid naduh kata ka sngi artet.

1 SAMUEL 19:2

Hynrei, u Jonathan u khun u Saul u la ieit eh ïa u Dabid. Bad u Jonathan u la ïathuh ha u Dabid, u da ong, “U Saul u kpa jong nga u thew ban pynïap ïa me: namar kata te, nga kyrpad ïa me, to sumar ïa lade lashai mynstep, bad to sah ha ka jaka rieh, bad to buhrieh ïa lade:

1 SAMUEL 20:1

Te u Dabid u la phet noh na Naioth kaba ha Ramah, bad u la wan bad u la ong ha khmat u Jonathan, “Hato nga la leh aïu? Kaei ka jingbymman jong nga? Bad kaei ka pop jong nga ha khmat u kpa jong me, ba u wad kumne ïa ka mynsiem jong nga?”

1 SAMUEL 20:19

Te ynda me la sah lai sngi, men leit hiar kloi, bad to wan sha kata ka jaka ha kaba me la rieh mynba la long kata kawei ka kam, bad to sah hajan u maw Esel.