1 SAMUEL 18:30 - KA BAIBL

³⁰ Ynda kumta, ki rangbah ki Philistia ki la leit mih: te katba ki leit mih, u Dabid u la ju kham leh sian ïa lade ban ïa ki shakri u Saul baroh; kumta la ñiewkor eh ïa ka nam jong u.

Khasi CL Bible (BSI)

³⁰ Ki shipai Philistia ki ju wan ban ïaleh thma, hynrei ha man ki jingïaleh, u Dabid u kham jop ïa ki ban ïa uno uno u rangbah shipai jong u Saul. Kumta u Dabid u la pawnam shibun.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

Bad ynda ha kawei ka snem, ha ka aïom ba ki syiem ki ju leit mih ban ïaleh thma, u Dabid u la phah ïa u Joab, lem bad ki shakri jong u, bad ki Israel baroh de; ki ruh ki la pynjot noh ïa ki khun u Ammon, bad ki la ker kut ïa ka Rabbah. Hynrei, u Dabid u la sah ha Jerusalem.

2 SAMUEL 7:9

Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

2 SYIEM 1:13

Bad u la phah pat sa ïa u rangbah ka sanphew ka balai, lem bad la ki sanphew ngut. Te uta u rangbah sanphew u balai u la leit kiew, bad haba u la poi u la dem khrup ïa la ki khohsiew ha khmat u Elijah, bad u la kyrpad ïa u, bad u la ong ruh ha u, “A u briew jong U Blei, nga duwai ïa me, to shah ba ka jingim jong nga, lem bad ka jingim jong kine ki sanphew ngut ki shakri jong me, kin long kordor ha khmat jong me.

SALM 116:15

Ka bakordor ha khmat U Trai long ka jingïap ki riewkhuid jong u.

SALM 119:99

Ka kham khraw ka jingshemphang jong nga ban ïa ka jong ki nonghikai jong nga baroh; naba ki jingphla jong me ki long ka jingpyrkhat jong nga.

PROBERB 12:8

Ïa u briew yn ïaroh katba kum ka jingstad jong u: hynrei, ïa uba mutlop ka dohnud, yn ñiewbeiñ.

DANIEL 1:20

Bad ha ka jingstad bad ka jingshemphang baroh, shaphang kiba u syiem u la kylli ïa ki, u la shem ba ki la kham nang shiphew shah ban ïa ki riewstad bad ki nongleh byrtong baroh kiba ha ka hima jong u baroh.

LOUKAS 21:15

naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang.

EPHESOS 5:15

To khmih bha te kumno phi ïaid, ym kum ki bymstad, hynrei, kum ki bastad;

1 PETROS 2:4

Ha uba haba phi ïawan, kum ha u maw ba-im, ïa uba la kyntait noh shisha da ki briew, hynrei, ïa uba la jied da U Blei, bad u bakordor,

1 PETROS 2:7

Ïa phi, namar kata, kiba ngeit, don kata ka jingkordor: hynrei, ha ki bymngeit, “Ïa u maw ïa uba ki nongtei ki la kyntait noh, ïa une keiñ, la pynlong ha khlieh ka dong,”

1 SAMUEL 18:29

Bad u Saul u la nang kham sheptieng pynban ïa u Dabid; bad u Saul u la long u nongshun u Dabid ha la ka sngi.

1 SAMUEL 18:5

Te u Dabid u la leit shano shano kat sha kaba u Saul u la phah ïa u, bad u la ïaid leh sian ïa lade: bad u Saul u la buh ïa u halor ki paidïapom, bad u la long uba la sngewbha ïa u ha khmat kita ki paidbah baroh, bad ha khmat ki shakri u Saul ruh de.

1 SAMUEL 19:8

Te ka la don ka thma pat; bad u Dabid u la leit mih noh, bad u la ïaleh ïa ki Philistia, bad u la pynïap ïa ki da ka jingpynïap kaba khraw; te ki la phet ïap na khmat jong u.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.

1 SAMUEL 26:21

Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”

1 SAMUEL 26:24

Te, ha khmih, kumba ka jingim jong me ka la long ka bakordor ha khmat jong nga ha kane ka sngi, kumta to ai ba ka jingim jong nga kan long ka bakordor ha khmat U Trai, bad to ai ba un pyllait ïa nga na ki jingshipa khop baroh.”