1 SAMUEL 18:22 - KA BAIBL

²² Te u Saul u la hukum ïa la ki shakri kumne, “To ïakren harieh bad u Dabid, da kaba ong, ‘Ha khmih, u syiem u sngewbha ïa me, bad ki shakri jong u baroh ki ieit ïa me: mynta te namar kata, to men long u pyrsa kurim u syiem.’ ”

Khasi CL Bible (BSI)

²² U hukum ïa la ki rangbah synshar ban ïakren jar jar bad u Dabid bad ban ïathuh ha u, “U syiem u shem sngewbha ïa phi bad ki rangbah synshar jong u baroh ki sngewtynnat ïa phi; mynta ka dei ka por kaba biang ba phin shongkurim ïa ka khun jong u.”

1 SAMUEL 18:22 ပူးပေါင်းရင်းမြစ်များ

SALM 55:21

Ka shyntur jong u ka long jlih kum ka makhon, hynrei, ka dohnud jong u ka la long ka thma: ki ktien jong u ki la kham jem ïa ka umphniang, pynban, ki la long ki waitlam ba la sei.

PROBERB 29:12

Lada u nongsynshar u pynsngew ïa ka lamler, ki shakri jong u baroh ki long bymman.

1 SAMUEL 18:21

Bad u Saul u la ong, “Ngan ai ïa ka ha u, ba kan ïoh long ka jingriam ïa u, bad ba ka kti ki Philistia kan long pyrshah ïa u.” Kumta, u Saul u la ong ha u Dabid, “Ha kane ka sngi men ïoh long u pyrsa kurim jong nga sa shi sien pat.”

1 SAMUEL 18:23

Bad ki shakri u Saul ki la kren ïa kine ki ktien ha ki shkor u Dabid. Te u Dabid u la ong, “Phi ñiew sting mo ban long u pyrsa kurim u syiem, haba nga ruh u baduk, bad u bapoh?”