1 SAMUEL 18:10 - KA BAIBL

¹⁰ Te ha kaba lashai, ka la jia ba uta u mynsiem bymman uba na U Blei u la wan jur ha u Saul, bad u la ïathuhlypa hapdeng kata ka ïing; te u Dabid u la tem da la ka kti kumba mynshuwa: bad u sum u la don ha ka kti u Saul.

Khasi CL Bible (BSI)

¹⁰ Ha ka sngi kaba bud, u mynsiem bymman na U Blei kynsan kynsan u ïoh tylli ïa u Saul, bad u pynkulmar ha ïing la kum uba lamwir. U Dabid u dang tem ïa ka duitara, kumba u ju leh man ka sngi, bad u Saul u bat ïa la u sum.

1 SAMUEL 18:10 ပူးပေါင်းရင်းမြစ်များ

1 SYIEM 18:29

Te haba la palat shiteng sngi ruh, ki la ïathuhlypa haduh ka por ainguh ïa ka jingkñia la janmiet; hynrei, ym shym la don ktien ei ei, lymne uno uno ba jubab, lymne uno uno ba suidñiew.

1 SYIEM 22:12

Bad kita ki nongïathuhlypa baroh ki la ïathuhlypa kumta, ki ïa-ong, “To leit sha Ramoth-gilead, bad to man bha: naba U Trai un ai noh ïa ka ha ka kti u syiem.”

JEREMAÏAH 28:11

Bad u Hananaïah u la kren ha khmat u paidbah baroh, u da ong, “Kumne u ong U Trai: ‘Kumta keiñ ngan pynkheiñ ïa ka lyngkor u Nebukhadnessar u syiem ka Babilon hapdeng ar snem na ka ryndang ki jaid bynriew baroh.’ ” Te u Jeremaïah u nongïathuhlypa u la leit noh.

KI KAM 16:16

Ka la jia ruh, haba ngi dang ïaleit sha ka jaka duwai, ba kawei ka shakri kaba shong ksuid ba kren blei ka la ïakynduh bad ngi, kaba ju pynïoh shibun ka jingmyntoi ïa ki kynrad jong ka da kaba kren byrtong.

2 THESSALONI 2:11

Te namar kane, U Blei un phah ha ki, ïa ka jingtrei ka jingbakla, ba kin ngeit ïa ka lamler;

NONGBISHAR 16:20

Ka la ong ruh, “Ki Philistia kin sa kem ïa me, ko Samson.” U te u la khie joit na kaba ïohthiah, bad u la ong, “Ngan mih shabar kumba mynshuwa, bad ngan kynther ïa lade.” Hynrei, um shym tip ba U Trai u la kynriah na u.

1 SAMUEL 16:23

Te haba uta u mynsiem bymman uba na U Blei u la wan ha u Saul, kumta u Dabid u la shim ïa ka duitara, bad u la tem da la ka kti: te kumta, la pynshait ïa u Saul, bad la pynbha ïa u, bad uta u mynsiem bymman u la kynriah noh na u.

1 SAMUEL 18:9

Te u Saul u la khmih sian ïa u Dabid naduh kata ka sngi artet.

1 SAMUEL 19:10

Bad u Saul u la pyrshang ban sum lyngba ïa u Dabid haduh kata ka kynroh da uta u sum; hynrei, u la kynriah noh na khmat u Saul, u te u la sum ïa uta u sum sha kata ka kynroh: bad u Dabid u la phet ïap bad u la lait im ha kata ka miet.

1 SAMUEL 19:7

Te u Jonathan u la khot ïa u Dabid, bad u Jonathan u la ïathuh ha u ïa kine kiei kiei baroh. Bad u Jonathan u la ïalam ïa u Dabid sha u Saul, bad u la long ha khmat jong u, kumba mynhynnin mynshisngi.

1 SAMUEL 19:9

Te u mynsiem bymman uba na U Trai u la don ha u Saul, katba u la shong ha la ïing bad la u sum ha la ka kti: te u Dabid u la tem da la ka kti.

1 SAMUEL 26:19

Namar kata te, nga kyrpad ïa me, ko syiem kynrad jong nga, to sngap ïa ki ktien u shakri jong me. Lada dei U Trai uba la pynkhih ïa me pyrshah ïa nga, to un pdiang ïa ka jingkñia: hynrei, lada ki dei ki khun ki briew, to kin long kiba la tim ha khmat U Trai; namar ki la beh noh ïa nga ha kane ka sngi ba ngam ïoh shongneh ha ka jingïoh kynti U Trai, ki ïa-ong, ‘Khie leit shakri ïa kiwei pat ki blei.’