1 SAMUEL 18:1 - KA BAIBL

¹ Te ynda u la wai noh ban kren ha u Saul, u Jonathan bad u Dabid ki la ïa-ieit thep mynsiem, bad u Jonathan u la ieit ïa u kum la ka jong ka mynsiem.

Khasi CL Bible (BSI)

¹ U Saul bad u Dabid ki la dep ka jingïakren hapdeng jong ki. Hadien kata, u Jonathan u khun jong u Saul u la sngew jan eh ïa u Dabid bad u sngewieit ïa u kumba u ieit ïa lade hi.

1 SAMUEL 18:1 ပူးပေါင်းရင်းမြစ်များ

JENESIS 44:30

Mynta te, haba nga poi ha u kpa jong nga, u shakri jong me, khlem da don une u samla bad ngi: haba la khum ïa ka mynsiem jong u lem bad une;

2 SAMUEL 1:26

Nga khuslai sat namar jong me, ko Jonathan, u para jong nga: nga la sngewtynnad eh ïa me: ka jingieit jong me ïa nga ka la long kaba phylla, kaba palat ïa ka jingieit ki kynthei keiñ.

1 KHRONIKL 12:17

Bad u Dabid u la leit tan ïa ki, bad u la ïathuh u ong ruh ha ki, “Lada phi wan sha nga da kaba suk ban ïarap ïa nga, ka dohnud jong nga kan ïasoh ha phi: hynrei, lada phi wan ban die noh ïa nga ha ki nongïaleh pyrshah jong nga, haba ym don jingsniew ha ki kti jong nga, to U Blei ki kpa jong ngi un khmih ïa kata, bad un sneng ïa ka.”

SALM 86:11

To hikai ha nga ïa ka lynti jong me, A Trai; ngan ïaid ha ka jingshisha jong me: to pynïasoh lang ïa ka dohnud jong nga ïa ka ban sheptieng ïa ka kyrteng jong me.

PROBERB 18:24

Uta uba bun lok, ka long ba un jot ïa lade: hynrei, don u lok uba neh kham skhem ban ïa u para.

DEUTERONOMI 13:6

“Lada u para jong me, uba u khun ka kmie jong me, lane u khun jong me, lane ka khun jong me, lane ka tnga bashong lem jong me, lane u lok jong me, uba long kum ka mynsiem jong me hi, u ïapah ïa me ha kaba rieh, u da ong, ‘Ïa ngin ïaleit shakri ïa kiwei pat ki blei,’ ïa kiba mem ju ithuh, ma me, lymne ki kpa jong me;

KOLOSSAI 2:2

ba yn ïoh pyntngen ïa ki dohnud jong ki, haba la pynïasoh lang ïa ki ha ka jingïa-ieit, bad ha ka jingkynrei spah baroh jong ka jingsngewskhem ba-dap biang jong ka jingshemphang, ba kin ïoh tip ïa ka jingmaïan jong U Blei, kaba long U Khrist;

NONGBISHAR 20:11

Kumta, ki rangbah Israel baroh ki la ïalang ban ïaleh ïa kata ka shnong, ba la syrdoh lang kum kawei.

1 SAMUEL 14:45

Te kita ki briew ki la ong ha u Saul, “Hato un ïap u Jonathan, uba la pynlong ka jingpynim kaba khraw kat kane ha Israel? Kan ym long kumta, em: katba im U Trai, in ym hap iwei na ki 'ñiuh khlieh jong u ha ka khyndew; namar u la trei ryngkat bad U Blei ha kane ka sngi.” Kumta, kita ki briew ki la pynim ïa u Jonathan, ba um shym ïap.

1 SAMUEL 18:3

Ynda kumta, u Jonathan bad u Dabid ki la ïateh jutang, naba u la ieit ïa u kum la ka jong ka mynsiem.

1 SAMUEL 19:1

Te u Saul u la kren ha u Jonathan u khun jong u, bad ha ki shakri jong u baroh, ba kin pynïap ïa u Dabid.

1 SAMUEL 19:2

Hynrei, u Jonathan u khun u Saul u la ieit eh ïa u Dabid. Bad u Jonathan u la ïathuh ha u Dabid, u da ong, “U Saul u kpa jong nga u thew ban pynïap ïa me: namar kata te, nga kyrpad ïa me, to sumar ïa lade lashai mynstep, bad to sah ha ka jaka rieh, bad to buhrieh ïa lade:

1 SAMUEL 20:17

Bad u Jonathan u la pynsmai pat ïa u Dabid ruh, namar ka jingieit jong u ïa u: naba u la ieit ïa u kumjuh kumba u la ieit ïa la ka jong ka mynsiem.

1 SAMUEL 20:8

Namar kata, to leh isynei ïa la u shakri; naba me la ïalam ïa la u shakri lem bad me ha ka jutang U Trai: hynrei, lada don ei ei ka basniew ha nga, to pynïap ma me ïa nga; namar ïa ka ban lei ba men ïalam ïa nga sha u kpa jong me?”

1 SAMUEL 22:8

ba phi baroh phi la ïabuit lem pyrshah ïa nga, bad ba ym don u ban ïathuh ha nga haba u khun jong nga u la ïateh jutang bad une u khun u Jesse, bad ba ym don uno uno na phi uba sngewsih na ka bynta jong nga, lymne uba ïathuh ha nga ba u khun jong nga u la pynkhih ïa u shakri jong nga, ban ap thap, kumba ha kane ka sngi?”

1 SAMUEL 23:18

Te ki baroh ar ngut ki la ïateh ka jutang ha khmat U Trai: te u Dabid u la shong sah ha kata ka 'law lynnong, bad u Jonathan u la leit noh sha la ïing.