1 SAMUEL 17:51 - KA BAIBL

⁵¹ Ynda kumta, u Dabid u la mareh, bad u la ïeng halor uta u Philistia, bad u la shim ïa ka waitlam jong u, bad u la sei noh ïa ka na kata ka jingsop, bad u la pynïap khoit ïa u, bad u la khrai noh ïa ka khlieh jong u da ka. Te haba kita ki Philistia ki la ïohi ba u la ïap u riewradbah jong ki, ki la phet ïap noh.

Khasi CL Bible (BSI)

⁵¹ U mareh sha u, u ïeng halor jong u, u sei ïa ka waitlam u Goliath na ka jingsop jong ka, bad u ot ïa ka khlieh jong u bad u pynïap ïa u. Haba ki Philistia ki ïohi ba u rangkynsai jong ki u la shah pynïap, ki phet krad.

1 SAMUEL 17:51 ပူးပေါင်းရင်းမြစ်များ

2 SAMUEL 23:21

Bad u la pynïap ïa u nong Ijipt, u rangbah babhabriew: te uta u nong Ijipt u la don u sum ha la ka kti; hynrei, u la leit hiar sha u da u diengduh, bad u la knieh ïa uta u sum na ka kti uta u nong Ijipt, bad u la pynïap ïa u da u sum jong u hi.

2 SAMUEL 4:7

Naba u dang thiah ha la ka jingthiah ha ka kamra thiah jong u, haba ki la rung shapoh ïing, bad ki la shoh pynïap ïa u, bad ki la khrai ïa ka khlieh jong u, bad ki la shim ïa kata ka khlieh, bad ki la ïaid ïa kata ka madan baroh shi miet.

ESTHER 7:10

Kumta, ki la phasi ïa u Haman ha kata ka dieng phasi kaba u la khreh ïa u Mordekai. Kumta, la pynjem ïa ka jingbitar u syiem.

HEBRU 11:34

ki la pynlip ïa ka bor ka ding, ki la lait na ka syrti waitlam, ha ka jingtlot la ai bor ïa ki, ki la nang ïoh bor ha ki jingïaleh thma, ki la pynphet ïap ïa ki paidïapom jong ki nongwei.

HEBRU 2:14

Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

1 SAMUEL 17:50

Kumta, u Dabid u la jop ïa uta u Philistia da ka jingshat maw bad da u maw, bad u la shoh ïa uta u Philistia, bad u la pynïap ïa u; la um don ka waitlam ruh ha ka kti u Dabid.

1 SAMUEL 21:10

Bad u Dabid u la ïeng, bad u la phet noh ha kata ka sngi ba u sheptieng ïa u Saul, bad u la leit sha u Akhish u syiem ka Gath.

1 SAMUEL 21:9

Te uta u lyngdoh u la ong, “Kata ka waitlam u Goliath u nong Philistia, ïa uba me la pynïap ma me ha ka them Elah, ha khmih, ka don hangne ha lyndet kata ka ephod ba la sop ha ka jaiñ: lada men shim ïa kata, to shim: namar ym don kawei pat, sa tang kata hi.” Bad u Dabid u la ong, “Kat kata ym ju don shuh; to ai ïa ka ha nga.”

1 SAMUEL 31:9

Te ki la khrai ïa ka khlieh jong u, bad ki la loit noh ïa ki atiar jong u, bad ki la phah sha ka ri ki Philistia baroh kylleng, ïa ka ban pynbna ïa kata ha ki ïing ki bleithaw jong ki, bad ha ki paidbah.