1 SAMUEL 17:26 - KA BAIBL

²⁶ Te u Dabid u la kren ha kita ki briew kiba ïeng hajan jong u, u da ong, “Yn leh aïu ïa uta u briew u ban pynïap ïa une u Philistia, bad u ban pynduh noh ïa kane kaba jahburom na Israel? naba uei une u Philistia uba khlem otsher, ba u beiñ ïa ki paidïapom jong U Blei u ba-im?”

Khasi CL Bible (BSI)

²⁶ U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:26 ပူးပေါင်းရင်းမြစ်များ

2 SYIEM 19:4

Lehse U Trai U Blei jong me un sngew ïa ki ktien u Rabshakeh baroh, uba u syiem ka Assyria u kynrad jong u, u la phah ban krenbeiñ ïa U Blei u ba-im, bad un sneng ïa kita ki ktien kiba U Trai U Blei jong me u la ïohsngew: namar kata, to pynkyntiew noh ïa la ka jingduwai na ka bynta kita kiba dang sah ïa kiba la iehnoh.’ ”

2 KHRONIKL 32:17

U la thoh ruh ki shithi ïa ka ban kren pynkheiñ burom ïa U Trai, U Blei ki Israel, bad ïa ka ban kren pyrshah ïa U, u da ong, “Kumba kita ki blei jong ki jaid bynriew jong ki ri, ki bym shym pyllait noh ïa la ki briew na ka kti jong nga, kumta U Blei u Hesekaïah un ym pyllait ïa ki briew jong u na ka kti jong nga.”

NEHEMAÏAH 5:9

Nga la ong ruh, “Kane kaba phi leh kam long ka babha: hato kam dei ïa phi ban ïaid ha ka jingsheptieng ïa U Blei jong ngi, namar ka jingrkhiebeiñ ki Jentil ki nongshun jong ngi?

SALM 44:13

Me pynlong ïa ngi ka jingibeiñ ïa ki paramarjan jong ngi, ka jingñiewbeiñ bad ka jingrkhiebeiñ ïa kita kiba baroh sawdong ïa ngi.

SALM 74:18

To kynmaw ïa kane, ba u nongshun u la krenbeiñ, A Trai, bad ba u paidbah uba bieit u la krenbeiñ blei ïa ka kyrteng jong me.

SALM 79:12

bad to siew hynñiew shah ïa ki paramarjan jong ngi haduh ka shadem jong ki ïa kata ka jingkrenbeiñ, kaba ki la krenbeiñ ïa me, A Trai.

ISAÏAH 37:23

“ ‘Ïano me la krenbeiñ bad me la kren sang? Pyrshah ïano ruh me la pynjam ïa la ka ktien bad me la khmied ïa la ki khmat sha jrong? Pyrshah ïa uta U Bakhuid jong u Israel keiñ.

JEREMAÏAH 10:10

Hynrei, U Trai u long U Blei uba shisha; u long U Blei u ba-im, bad u syiem u bajunom: ha ka jingbitar jong u ka khyndew ka khynñiuh, bad ki jaid bynriew kim lah shah ïa ka jingbitar baïaibat jong u.

JEREMAÏAH 9:25

“Ha khmih, ki sngi kin wan,” ong U Trai, “ha kiba ngan pynshitom ïa kita baroh ba la otsher ha la ka jingbym-otsher;

JEREMAÏAH 9:26

ïa ka Ijipt, bad ïa ka Judah, bad ïa ka Edom, bad ïa ki khun u Ammon, bad ïa ka Moab, bad ïa baroh kat kiba khap ïa ki dong u shñiuh jong ki, kiba shong ha ri khlaw: naba ki jaid bynriew baroh ki long kiba khlem otsher, bad ka ïing Israel baroh ki long ki bym shym la otsher la ka dohnud.”

ESEKIEL 28:10

Men ïap kumba ïap ki bym-otsher da ka kti ki nongwei: naba nga la kren ïa ka,” ong U Trai U Blei.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 6:27

U pyllait bad U pynim, bad U pynlong ïa ki dak khyllah bad ïa ki jingphylla ha ka bneng bad ha ka khyndew; Uba la pynim ïa u Daniel na ka bor ki sing.”

DANIEL 9:16

A Trai, nga kyrpad ïa me, katba kum ka jinglehhok jong me baroh, to ka jingbitar jong me bad ka jingotshla jong me kin phai noh na ka nongbah jong me ka Jerusalem, u lum u bakyntang jong me: namar na ka bynta ki pop jong ngi, bad na ka bynta ki jingleh bymhok ki kpa jong ngi, ka Jerusalem bad ki briew jong me ki la long ka jingibeiñ ha baroh kiba kylleng sawdong ïa ngi.

JOEL 2:19

Te U Trai u la ïathuh bad u la ong ha la ki briew, “Ha khmih, ngan phah Kew ha phi, bad ka Waiñ, bad ka umphniang, bad yn pynkdang ïa phi da kine: bad ngan ym pynlong ka jingrkhiebeiñ shuh ïa phi hapdeng ki jaid bynriew.

DEUTERONOMI 5:26

Naba uno na ka doh baroh, ba la ïohsngew ïa ka jingsawa ktien U Blei u ba-im, ba U da kren napdeng kata ka ding, kum ma ngi, bad uba la im keiñ?

1 THESSALONI 1:9

Namar ma ki hi, ki ïa-pynbna shaphang jong ngi kaba kumno ka jingpdiang jong phi ïa ngi, bad kumno phi la phai sha U Blei na ki bleithaw, ban shakri ïa U Blei ba-im bad bashisha,

JOSHUA 3:10

Bad u Joshua u la ong ruh, “Da kane phin tip ba U Blei u ba-im u don hapdeng jong phi, bad ba da shisha un beh ha shuwa jong phi ïa ki Kanaan, bad ïa ki Hit, bad ïa ki Hib, bad ïa ki Peris, bad ïa ki Girgash, bad ïa ki Amor, bad ïa ki Jebus.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

1 SAMUEL 11:2

Te u Nahash u nong Ammon u la ong ha ki, “Ngan pynlong ïa ka bad phi da kumne, ba ngan ïoh khlaw noh ïa ka khmat kamon jong phi baroh; bad ngan buh ïa kane ba kan long kaba jahburom halor ki Israel baroh.”

1 SAMUEL 14:6

Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”

1 SAMUEL 17:10

Bad uta u Philistia u la ong, “Nga la beiñ ïa ki paidïapom ki Israel ha kane ka sngi; to ai ïa u briew ha nga, ba ngin ïaleh.”

1 SAMUEL 17:30

Te u la phai noh na u sha uwei pat, bad u la ong ïa kajuh ka ktien: bad uta u paidbah u la ïathuh pat ha u da kijuh ki ktien kumba mynshuwa.

1 SAMUEL 17:36

Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”

1 SAMUEL 31:4

Ynda kumta, u Saul u la ong ha uta uba rah ïa ki atiar jong u, “To sei ïa la ka waitlam, bad to dung peib'la ïa nga da ka; ïoh kine ïa ki bym shym la otsher kin wan bad dung peib'la ïa nga, bad ba kin lehbeiñ ïa nga.” Hynrei, uta u nongrah atiar jong u um treh, namar ba u la sheptieng eh. Namar kata, u Saul u la shim ïa la ka waitlam, bad u la hap halor jong ka.