1 SAMUEL 17:20 - KA BAIBL

²⁰ Te u Dabid u la khie dang step, bad u la iehnoh ïa kita ki langbrot bad u nongsumar, bad u la shim, bad u la leit, kumba la hukum u Jesse ïa u; te u la poi sha kata ka jaka shong dara, katba ki paidïapom ki dang ïaleit mih sha kata ka jaka ïaleh, bad ki da ïarisa ban sa ïaleh.

Khasi CL Bible (BSI)

²⁰ Ha ka sngi kaba bud, u Dabid u khie dang step phyrngab, u ieh ïa ki langbrot ha uwei pat u nongsharai, u rah ïa kata ka jingbam, bad u leit kumba u Jesse u la bthah ïa u. U poi ha ka jaka sher dara hamar ba ki Israel ki dang leit sha ka madan thma, ki da ïarisa ha ka sur-thma.

1 SAMUEL 17:20 ပူးပေါင်းရင်းမြစ်များ

LOUKAS 19:43

Naba ki sngi kin jia ha pha, ba ki nongshun jong pha kin ïatih kharai sawdong ïa pha, bad kin ïaker tawiar ïa pha, bad kin ïaset kut ïa pha baroh sawdong,

JOSHUA 3:1

Te u Joshua u la khie dang step, bad ki la ïamih na Shittim, bad ki la ïapoi sha Jordan, ma u bad ki khun Israel baroh; bad ki la shong shuwa hangta, ki sa ryngkang sha shiliang.

1 SAMUEL 15:12

Te haba u Samuel u la khie dang step ïa ka ban ïashem bad u Saul kum lashai, te la ïathuh ha u Samuel da kaba ong, “U Saul u la leit sha Karmel, bad ha khmih, u la thung mawbynna ïa lade, bad u la ïaid kylleng, bad u la nang leit, bad u la leit hiar sha Gilgal.”

1 SAMUEL 17:19

Te u Saul, bad ki, bad kita ki paidbah Israel baroh, ki la don ha ka them Elah, ki da ïaleh thma bad kita ki Philistia.

1 SAMUEL 17:21

Namar ki Israel bad ki Philistia ki la ïakhreh riang ïa la ki paidïapom, ki da ïaïeng marpyrshah.

1 SAMUEL 17:28

Te u Eliab u hynmen nyngkong jong u, u la ïohsngew haba u la kren ha kita ki briew; bad ka jingbitar u Eliab ka la meh lep ïa u Dabid, bad u la ong, “Me la wan hiar shane balei? bad me la iehnoh badno ïa kita ki khyndiat ki langbrot ha ka ri khlaw? Nga ithuh ïa ka jingsarong jong me, bad ïa ka jingrunar ka dohnud jong me; namar me la wan hiar khnang tang ba men ïohi ïa ka thma.”

1 SAMUEL 26:5

Te u Dabid u la ïeng, bad u la wan poi sha kata ka jaka ha kaba u Saul u shong dara: bad u Dabid u la ïohi ïa ka jaka ha kaba u Saul u la thiah, bad u Abner u khun u Ner, u nongïalam u paidïapom jong u: te u Saul u la thiah hapdeng ka jaka shong dara, bad u paidbah u shong dara baroh sawdong ïa u.

1 SAMUEL 26:7

Kumta, u Dabid bad u Abishai ki la wan poi sha uta u paidbah mynmiet: te, ha khmih, u Saul u thiah ba u da ïohthiah ha kata ka jaka shong dara, bad u sum jong u ba la sieh ha ka khyndew hajan ka syngkhlieh jong u: bad u Abner bad uta u paidbah ki thiah baroh sawdong ïa u.