1 SAMUEL 17:18 - KA BAIBL

¹⁸ bad to rah ïa kine ki shiphew tylli ki ktung dud ha uta u rangbah shihajar jong ki, bad to leit jngoh ïa la ki hynmen, la ki koit ki khiah ne em, bad to pyllait ïa ka bynda jong ki.”

Khasi CL Bible (BSI)

¹⁸ Bad shim kine ki ktung dud shiphew tylli sha u nongïalam rangbah. Wad jingtip kumno ki hynmen jong phi ki long bad wanrah dak ei ei ban pyn-i ba phi la ïohi ïa ki bad ba ki koit ki khiah.

1 SAMUEL 17:18 ပူးပေါင်းရင်းမြစ်များ

JENESIS 37:13

Bad u Israel u la ong ha u Joseph, “Ki hynmen jong me kim ïasharai ïa ki kynhun ha Shekhem? To ale, bad ngan phah ïa me sha ki.” U ruh u la ong, “To, ha khmih ma nga.”

JENESIS 37:14

Bad u la ong ha u, “To khie leit, nga kyrpad ïa me, to khmih la ka suk bha ne em bad ki hynmen jong me, bad ka bha bad ki kynhun; bad to wallam ktien pat ïa nga.” Kumta, u la phah ïa u na ka pynthor Hebron, bad u la leit poi haduh Shekhem.

2 SAMUEL 17:29

bad ka ngap, bad ka makhon, bad ki langbrot, bad ka ktung dud masi, ha u Dabid bad ha uta u paidbah uba bad u, ba kin ïoh bam: naba ki la ong, “U paidbah u thngan bad u la thait, bad u sliang, ha kane ka ri khlaw.”

ESTHER 2:11

Te u Mordekai u la ïaid kai ha la ka sngi ha khmat ka phyllaw ka ïing ki kynthei, ban tip ka Esther ka la leh kumno, bad kumno kan jia ïa ka.

Ka Kitab U Job 10:10

Mem shym theh ïa nga kum ka dud, bad pynlang ïa nga kum ka ktung?

EKSODOS 18:7

Te u Moses u la mih ban leit tan ïa la u kthaw kurim, bad u la nguh ïa u, bad u la doh ïa u; te haba ki la ïakylli shaphang ka bakoit bakhiah, ki la ïawan sha ka ïingjaiñ.

KI KAM 15:36

Te ynda khyndiat sngi, u Paul u la ong ha u Barnabas, “Ïa ngin ïaleit phai pat mynta, ba ngin ïakhmih ïa kita ki parabangeit ha man la ka shnong ha kaba ngi la ïalap ïa ka ktien U Trai, kumno ki ïalong.”

NONGBISHAR 18:15

Bad ki la phai shata, bad ki la wan sha ka ïing uta u samla u Lebi, sha ïing u Mikah keiñ, bad ki la ïakhublei ïa u.

1 SAMUEL 16:20

Te u Jesse u la shim shi khung u kpu, bad shi lywa ka Waiñ bad u khun blang, bad u la phah ïa ki ha u Dabid u khun jong u, sha u Saul.

1 SAMUEL 17:19

Te u Saul, bad ki, bad kita ki paidbah Israel baroh, ki la don ha ka them Elah, ki da ïaleh thma bad kita ki Philistia.

1 SAMUEL 25:5

Bad u Dabid u la phah shiphew ngut ki samla, bad u Dabid u la ong ha kita ki samla, “Khie leit kiew sha Karmel bad leit ha u Nabal, bad to khublei ïa u ha ka kyrteng jong nga:

1 SAMUEL 30:21

Te u Dabid u la wan poi sha kita ki arspah ngut ki rangbah, kiba la thait eh ba kumta te kim lah shuh ban bud ïa u Dabid, bad ba la pynsah ïa ki ha kata ka wah Besor: ki ruh ki la ïamih ban leit tan ïa u Dabid, bad ban tan ïa uta u paidbah uba la don lem bad u: bad haba u Dabid u la wan hajan uta u paidbah, u la khublei ïa ki.