1 SAMUEL 17:10 - KA BAIBL

¹⁰ Bad uta u Philistia u la ong, “Nga la beiñ ïa ki paidïapom ki Israel ha kane ka sngi; to ai ïa u briew ha nga, ba ngin ïaleh.”

Khasi CL Bible (BSI)

¹⁰ Hangne mynta nga kob ïa ka kynhun ïapom ki Israel. Nga kob ïa phi ba phin phah da uno uno ban ïaleh bad nga!”

1 SAMUEL 17:10 ပူးပေါင်းရင်းမြစ်များ

2 SAMUEL 21:21

Te haba u la beiñ ïa ki Israel, u Jonathan u khun u Shimei uba u para u Dabid u la pynïap ïa u.

2 SAMUEL 23:9

Te uba bud ha u, u la long u Eleasar u khun u Dodo u khun u kynja Ahohi, uwei na ki lai ngut ki rangbah badonbor kiba bad u Dabid, mynba ki la beiñ ïa kita ki Philistia kiba la lum lang ïa ka thma, bad ba ki rangbah Israel ki la leit noh:

2 SYIEM 19:4

Lehse U Trai U Blei jong me un sngew ïa ki ktien u Rabshakeh baroh, uba u syiem ka Assyria u kynrad jong u, u la phah ban krenbeiñ ïa U Blei u ba-im, bad un sneng ïa kita ki ktien kiba U Trai U Blei jong me u la ïohsngew: namar kata, to pynkyntiew noh ïa la ka jingduwai na ka bynta kita kiba dang sah ïa kiba la iehnoh.’ ”

NEHEMAÏAH 2:19

Hynrei, haba u Sanballat u nong Horon, bad u Tobiah u shakri, u nong Ammon, bad u Geshem u nong Arab, ki la ïohsngew ïa kata, ki la rkhiebeiñ ïa ngi, bad ki la ibeiñ ïa ngi, ki la ong ruh, “Kaei kane ba phi leh? Phin ïaleh pyrshah ïa u syiem?”

PROBERB 16:18

Ka jingsarong ka leit ha shuwa ka jingpynjot, bad ka mynsiem basngewmeng ha shuwa ka jingkyllon.

JEREMAÏAH 9:23

Kumne u ong U Trai, “Wat ai ba u riewstad un sarong ha la ka jingstad, lymne u bakhrawbor un ym sarong ha la ka bor, u riewspah to un ym sarong ha ki spah jong u:

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

1 SAMUEL 17:11

Haba u Saul bad ki Israel baroh ki la ïohsngew ïa kita ki ktien jong uta u Philistia, ki la khaw-eit, bad ki la sheptieng shikatdei.

1 SAMUEL 17:36

Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”

1 SAMUEL 17:45

U Dabid te u la ong ha uta u Philistia, “Me, me wan ha nga da ka waitlam, bad da u sum, bad da ka stieh: nga te nga wan sha me ha ka kyrteng U Trai ki paid, U Blei ki paidïapom ki Israel keiñ, ïa uba me la krenbeiñ.