1 SAMUEL 16:7 - KA BAIBL

⁷ Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”

Khasi CL Bible (BSI)

⁷ Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”

1 SAMUEL 16:7 ပူးပေါင်းရင်းမြစ်များ

JENESIS 4:5

hynrei, ha u Kain bad ha ka jingainguh jong u, um shym la khmih hun keiñ. Te u Kain u la sngewbitar eh bad ka khmat jong u ka la noh liaw.

2 SAMUEL 14:25

Te kat u Absalom ha Israel baroh ym shym don uba ïoh ïaroh namar ka jingbhabriew jong u: naduh ka sla'jat jong u haduh ka lyngkyrwiang khlieh jong u ym shym don jingduna ha u.

2 SAMUEL 7:20

Te u Dabid un lah ong aïu pat ïa me? naba ma me, A Trai U Blei, me ithuh ïa la u shakri.

1 SYIEM 8:39

te to sngew ma me ha bneng ka jaka shongneh jong me, bad to map, bad to leh, bad to ai ha u briew baroh katba kum ki lynti jong u baroh, uba ka dohnud jong u me tip; (naba me, tang ma me hi keiñ, me tip ïa ka dohnud ki khun bynriew baroh;)

1 KHRONIKL 17:18

Aïu pat u Dabid u lah ban dang ong shuh ha me shaphang ka burom ïa kaba la leh ha u shakri jong me? naba me ithuh ïa u shakri jong me.

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

2 KHRONIKL 16:9

Namar ki khmat jong U Trai ki shad kylleng ha ka pyrthei baroh, ban pynkhlaiñ ïa lade bad kita kiba ka dohnud jong ki ka janai ha u. Ha kane, me la leh bieit; namar naduh mynta men sa ïoh ki thma.”

2 KHRONIKL 6:30

te to sngap ma me na bneng ka jaka shong jong me, bad to map, bad ai ha uwei uwei baroh katba kum ki lynti jong u baroh, uba ka dohnud jong u me tip; (namar ma me, tang ma me hi, me ithuh ïa ki dohnud ki khun bynriew;)

Ka Kitab U Job 10:4

Me don ma me ki khmat doh, lane me ïohi ma me kumba ïohi u briew?

Ka Kitab U Job 35:5

To khmih ha ki bneng, bad to i; bad to khmih ïa ki suiñ kiba kham jrong ïa me.

SALM 139:2

Me tip ïa kaba shong jong nga bad ïa kaba ïeng jong nga, me sngewthuh ïa ka jingmut jong nga na jngai.

SALM 7:9

A to ai ba ka jingleh bymman jong ki bymman kan kut noh, hynrei, to pynskhem ma me ïa u bahok: naba U Blei u bahok u tynjuh ïit ïa ki dohnud bad ïa ki khyllai.

PROBERB 15:11

Ka jingtep bad ka jingjot ki don ha khmat U Trai: te katno tam lei lei ki dohnud u khun bynriew!

PROBERB 16:2

Ki lynti baroh ki jong u briew, ki long ki bakhuid ha khmat jong u hi: hynrei, U Trai u thew ïa ki mynsiem.

PROBERB 24:12

Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

PROBERB 31:30

Ka jingitynnad ka long ka jingshukor, bad ka jingbhabriew ka long kaba thala: hynrei, ka kynthei kaba sheptieng ïa U Trai, kata ka ban ïoh ïaroh.

JEREMAÏAH 11:20

Hynrei, A Trai ki paid, uba bishar hok, uba tynjuh ïa ki khyllai bad ïa ka dohnud, to ai ngan ïohi ïa ka jingpynhiar kput halor jong ki: naba ha me nga la pynpaw ïa la ka kam.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

JEREMAÏAH 20:12

Hynrei, A Trai ki paid, uba tynjuh ïa ki bahok, uba ïohi ïa ki khyllai bad ïa ka dohnud, to ai ngan ïohi ïa ka jingpynhiar kput jong me halor jong ki; naba ha me nga la pynpaw ïa la ka kam.

LOUKAS 16:15

Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

ÏOANNIS 7:24

Phi wat bishar tang na sla, hynrei, bishar da ka jingbishar kaba hok.”

ÏOANNIS 8:15

Ma phi kat kum ka rukom ka doh phi bishar; nga ngam bishar ïano ïano ruh;

KI KAM 1:24

Bad ki la ïaduwai, ki la ong, “A me, U Trai uba ithuh ïa ki dohnud baroh, to pyni uno na kine ar ngut ba me la jied,

2 KORINTH 10:10

“Naba, ki shithi jong u”, ki ong, “kiba khia bad kiba jur, hynrei, kata ka jingdon jong u ha khmat ka long ka batlot, bad ka jingkren jong u kaba la ñiewbeiñ.”

2 KORINTH 10:7

Hato phi ïakhmih ïa kita kiei kiei ruh kumba ki paw habar? Lada uno uno ruh u shaniah ha lade hi ba u long u jong U Khrist, to un pyrkhat na lade hi ïa kane pat, ba kumba ma u, u long u jong U Khrist, kumta ruh, ma ngi ki jong U Khrist.

HEBRU 4:13

Bad ym don ka jingthaw ba khlem paw ha khmat jong u; hynrei, kiei kiei baroh ki long lyngkhuit bad kiba paw pyrshah ha ki khmat jong u, bad uba ngi ïadonkam.

1 PETROS 2:4

Ha uba haba phi ïawan, kum ha u maw ba-im, ïa uba la kyntait noh shisha da ki briew, hynrei, ïa uba la jied da U Blei, bad u bakordor,

1 PETROS 3:4

hynrei, to ai ba kan long uta u briew ba la rieh jong ka dohnud, ha ka jingpynibha ka bymsep ka jong ka mynsiem bajemnud bad ba jar jar, kaba long ha khmat U Blei ka bakordor eh.

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

1 SAMUEL 2:3

Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.

1 SAMUEL 9:2

Bad u la don u khun, uba kyrteng “u Saul”, u samla uba itynnad bad babhabriew: bad na ki khun Israel ym shym la don uwei uba kham bhabriew ban ïa u; u la long uba ka rynïeng ba uno uno na kita ki briew u kot tang ha tyrpeng.