1 SAMUEL 16:5 - KA BAIBL

⁵ U te u la ïathuh, “Ïa kaba suk keiñ: nga la wan ïa ka ban kñia ha U Trai: to pynkyntang ïa lade, bad wan bad nga sha kata ka jingkñia.” Bad u la pynkyntang ïa u Jesse bad ïa ki khun shynrang jong u, bad u la khot ïa ki sha kata ka jingkñia.

Khasi CL Bible (BSI)

⁵ “Ho-oid” u jubab. “Nga la wan ban ai ka jingkñia ainguh ha U Trai. Pynkhuid ïa lade, bad wan bad nga.” U ong ruh ïa u Jesse bad ki khun shynrang jong u ban pynkhuid ïa lade, bad u khot sngewbha ïa ki sha kata ka jingkñia.

1 SAMUEL 16:5 ပူးပေါင်းရင်းမြစ်များ

JENESIS 35:2

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ;

1 SYIEM 2:13

Ynda kumta, u Adonijah u khun ka Haggith u la wan sha ka Bathsheba ka kmie u Solomon. Ka te ka la ong, “Me wan da kaba suk?” Bad u la ong, “Da kaba suk keiñ.”

1 KHRONIKL 12:18

Ynda kumta, U Mynsiem u la wan ha u Amasai, u rangbah ki laiphew ngut, bad u la ong, “Ngi ki jong me, ko Dabid, bad ha ka liang jong me, ko me u khun u Jesse: to ka jingsuk, ka jingsuk kan long ha me, bad ka jingsuk ha ki nongïarap jong me; naba U Blei jong me u ïarap ïa me.” Ynda kumta, u Dabid u la pdiang ïa ki, bad u la pynlong ïa ki, ki kaptan ka kynhun.

Ka Kitab U Job 1:5

Te haba la dep kita ki sngi ka jingkhawai jong ki, ynda kumta u Job u la ju phah bad u la pynkhuid ïa ki, bad u la khie dang step, bad u la ainguh da ki jingainguh thang katba kum ka jingkheiñ jong ki baroh: naba u Job u la ong, “Ki khun shynrang jong nga lehse ki la leh pop, bad ki la kyntait ïa U Blei ha la ka dohnud.” Kumta u Job u la ju leh ha la ka sngi.

EKSODOS 19:10

Te U Trai u la ong ha u Moses, “To leit sha u paidbah, to pynkhuid ruh ïa ki mynta bad lashai, bad kin sait de ïa la ki jaiñkup,

JOEL 2:16

to lum ïa u paidlang, to pynkyntang ïa ka jingïaseng, lum lang ïa ki tymmen, to lum ïa ki khynnah, bad ïa kita kiba dang buiñ: ai ba u nongleit-kurim un mih noh na la ka kamra, bad ka nongleit-kurim na la ka pulit.

SEPHANAÏAH 1:7

To sngap jar me ha khmat U Trai U Blei: naba ka sngi U Trai ka la jan: naba U Trai u la khreh ïa ka jingkñia, u la pynkyntang ïa kiba la wer jong u.

JINGKHEIÑ 11:8

Kita ki briew ruh, ki la ju leit kylleng kylleng, bad ki la ju ïalum ïa ka, bad ki la ju tylliat ïa ka ha ki mawtylliat, lane ki la ju dung ïa ka ha ki thlong, bad ki la ju shet ha ki pliang, ïa ka ban thaw kpu da ka: te haba mad ïa ka, ka la long kumba mad ïa ka umphniang bathymmai.

1 KORINTH 11:28

Hynrei, to ai ba u briew un ïit ïa lade: te ynda kumta, to ai ba un bam na uta u kpu, bad ba un dih na kata ka khuri.

JOSHUA 3:5

Te u Joshua u la ong ha u paidbah, “To pynkyntang ïa lade; namar lashai U Trai un leh ïa ki jingphylla hapdeng jong phi.”

JOSHUA 7:13

To ïeng noh, pynkhuid ïa u paidbah, to ong ruh, ‘To pynkhuid ïa lade hamar kaba lashai: naba kumne ong U Trai, U Blei ki Israel, “Don kata ka basang hapdeng jong me, ko Israel: mem lah ban ïeng ha khmat ki nongshun jong me, ha ban da phin pynmih noh ïa kata ka basang napdeng jong phi.”

1 SAMUEL 20:26

La kumta ruh, u Saul um shym ong ei ei ha kata ka sngi: namar u la mut, “Ade la jia ei ei ha u, um long khuid: shisha um khuid keiñ.”