1 SAMUEL 16:14 - KA BAIBL

¹⁴ Hynrei, U Mynsiem U Trai u la kynriah noh na u Saul, bad u mynsiem bymman na U Trai u la pynsheptieng ïa u.

Khasi CL Bible (BSI)

¹⁴ U Mynsiem jong U Trai u la iehnoh ïa u Saul, bad u mynsiem bymman ba la phah da U Trai u pynjynjar ïa u.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

hynrei, ka jingisynei jong nga kan ym kynriah noh na u, kumba nga la shim noh na u Saul, ïa uba nga la kyntait noh ha khmat jong me.

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

1 SYIEM 22:22

U Trai te u la ong ha u, ‘Da kumno?’ U te u la ong, ‘Ngan leit mih, bad ngan long u mynsiem balamler ha ka shyntur ki nongïathuhlypa jong u baroh.’ U te u la ong, ‘Men shukor ïa u, bad men lah ruh: to leit mih, bad to leh kumta.’

SALM 51:11

Wat bred noh ïa nga na khmat jong me; bad wat shim noh ïa la U Mynsiem Bakhuid na nga.

HOSIA 9:12

La ki ri ïa la ki khun, te ngan pynduh noh ïa ki, ban ym pynsah briew uwei ruh: shisha ruh, kordit ïa ki haba ngan leit noh na ki!

NONGBISHAR 16:20

Ka la ong ruh, “Ki Philistia kin sa kem ïa me, ko Samson.” U te u la khie joit na kaba ïohthiah, bad u la ong, “Ngan mih shabar kumba mynshuwa, bad ngan kynther ïa lade.” Hynrei, um shym tip ba U Trai u la kynriah na u.

NONGBISHAR 16:29

Bad u Samson u la bat ïa kita ki ar tylli ki rishot pdeng ha kiba la neh ka ïing, bad u la snoh ha ki, uwei da ka kti kamon, bad uwei da kadiang.

NONGBISHAR 9:23

Te U Blei u la phah ka mynsiem bymman hapdeng u Abimelekh bad ki nong Shekhem; bad ki nong Shekhem ki la ïasiar kylla ïa u Abimelekh:

1 SAMUEL 11:6

Te U Mynsiem U Blei u la wan jur ha u Saul haba u la ïohsngew ïa kita ki ktien, bad ka jingbitar jong u ka la meh shikatdei.

1 SAMUEL 16:15

Bad ki shakri u Saul ki la ïa-ong ha u, “Ha khmih, pleng u mynsiem bymman na U Blei u pynsheptieng ïa me.

1 SAMUEL 16:16

To ai te ba u kynrad jong ngi un hukum ïa la ki shakri, kiba ha khmat jong me, ba kin wad da u briew uba nang tem duitara: te kan jia, haba uta u mynsiem bymman uba na U Blei u wan ha me, ba u ruh un tem da la ka kti, bad me ruh men bha.”

1 SAMUEL 16:23

Te haba uta u mynsiem bymman uba na U Blei u la wan ha u Saul, kumta u Dabid u la shim ïa ka duitara, bad u la tem da la ka kti: te kumta, la pynshait ïa u Saul, bad la pynbha ïa u, bad uta u mynsiem bymman u la kynriah noh na u.

1 SAMUEL 18:10

Te ha kaba lashai, ka la jia ba uta u mynsiem bymman uba na U Blei u la wan jur ha u Saul, bad u la ïathuhlypa hapdeng kata ka ïing; te u Dabid u la tem da la ka kti kumba mynshuwa: bad u sum u la don ha ka kti u Saul.

1 SAMUEL 18:12

Te u Saul u la sheptieng ïa u Dabid, namar ba U Trai u la don lem bad u, bad u la kiar noh na u Saul.

1 SAMUEL 28:15

Te u Samuel u la ong ha u Saul, “Balei ba me la pynkhih ïa nga, ïa ka ban pynmih ïa nga?” Te u Saul u la ïathuh, “Ma nga, nga la shipa noh khop; namar ki Philistia ki ïaleh thma ïa nga, bad U Blei u la kynriah noh na nga, bad um ïathuh shuh ïa nga, lymne da ki nongïathuhlypa, lymne da ki jingphohsniew; namar kata, nga la khot ïa me, ba men pyntip ïa nga ïa kaei kaba nga dei ban leh.”