1 SAMUEL 16:13 - KA BAIBL

¹³ Te u Samuel u la shim ïa kata ka reng umphniang, bad u la pynsleh ïa u hapdeng kita ki hynmen jong u: bad U Mynsiem U Trai u la wan jur ha u Dabid naduh kata ka sngi. Ynda kumta, u Samuel u la khie, bad u la leit sha Ramah.

Khasi CL Bible (BSI)

¹³ U Samuel u shim ïa ka umphniang Olib bad u pynsleh ïa u Dabid ha khmat ki hynmen jong u. Hangta hi U Mynsiem U Trai u wan borbah ha u Dabid bad u long ryngkat bad u naduh kata ka sngi. Nangta u Samuel u leit phai noh sha Ramah.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

U Nathan te u la ong ha u Dabid, “Me long ma me uta u briew. Kumne u ong U Trai, U Blei ki Israel, ‘Nga la pynsleh ïa me ban long u syiem halor ki Israel, nga la pynim ruh ïa me na ka kti u Saul;

2 SAMUEL 2:4

Bad ki Judah ki la ïawan, bad ki la pynsleh hangta ïa u Dabid ban long syiem halor ka ïing Judah. Te ki la ïathuh ha u Dabid, ki ïa-ong, “Dei ki Jabesh-gilead kiba la tep ïa u Saul.”

2 SAMUEL 23:1

Te kine ki long ki ktien ki bakhatduh ki jong u Dabid. U Dabid u khun u Jesse u ong, bad uta u briew ïa uba la kyntiew sha jrong u ong, uta uba la sleh jong U Blei u Jakob, bad u nongrwai babang jong u Israel:

2 SAMUEL 5:3

Kumta, ki tymmen basan ki Israel baroh ki la ïawan ha u syiem sha Hebron; bad u syiem Dabid u la teh jutang bad ki ha Hebron ha khmat U Trai: bad ki la pynsleh ïa u Dabid ban long syiem halor ki Israel.

2 SYIEM 9:6

Te u la ïeng joit, bad u la leit shapoh ïing; bad u la theh ïa kata ka umphniang halor ka khlieh jong u, bad u la ong ha u, “Kumne ong U Trai, U Blei ki Israel, ‘Nga la pynsleh ïa me ban long syiem halor u paidbah jong U Trai, halor ki Israel keiñ.

1 KHRONIKL 11:3

Kumta, ki tymmen basan ki Israel baroh ki la wan sha u syiem ha Hebron; bad u Dabid u la ïateh jutang bad ki ha Hebron ha khmat U Trai; bad ki la pynsleh ïa u Dabid ban long syiem halor ki Israel, katba kum ka ktien U Trai da ka kti u Samuel.

SALM 89:20

Nga la shem ïa u Dabid u shakri jong nga; da la ka umphniang bakyntang nga la pynsleh ïa u:

SALM 89:21

Bad u yn pynskhem ïa ka kti jong nga; ka ksang'ti jong nga kan pynkhlaiñ ruh ïa u.

JINGKHEIÑ 11:17

Naba ngan wan hiar, bad ngan kren ha me hangta: bad ngan shim na kata ka mynsiem kaba don ha me, bad ngan buh ïa ka ha ki: kumta kin ïabah lem bad me, ïa ka jingkit jong kine ki briew, ba men ym bah marwei ïa ka.

JINGKHEIÑ 27:18

Te U Trai u la kren ha u Moses, “To shim ha me ïa u Joshua u khun u Nun, u briew ha uba don uta u mynsiem, bad men buh ïa la ka kti halor jong u;

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

KI KAM 13:22

Te ynda u la pynduh syiem ïa u, u la pynmih ïa u Dabid ban long u syiem jong ki, ïa uba u la phla ruh bad u la ong, ‘Nga la shem ïa u Dabid u khun u Jesse, u briew uba kum ka dohnud jong nga, u ban leh ïa ka mon jong nga baroh.’

HEBRU 1:9

Me la ieit ïa ka hok, bad me la isih ïa ka bymhok; namar kata, U Blei, U Blei jong me keiñ, u la pynsleh ïa me da ka umphniang ka jingkmen tam ïa ki paralok jong me.”

HEBRU 11:32

Te ïa kaei ngan dang ong shuh? namar kan ym dap ka por ïa nga lada ïathuh shaphang u Gideon, u Barak, u Samson, u Jepthah; shaphang u Dabid ruh bad u Samuel bad kita ki nongïathuhlypa;

NONGBISHAR 11:29

Hamar kata, U Mynsiem U Trai u la wan ha u Jephthah, bad u la ïaid lyngba ïa ka Gilead bad ïa ka Manasseh, bad u la ïaid lyngba ïa ka Mispeh jong ka Gilead, bad na ka Mispeh jong ka Gilead u la ïaid sha shiliang sha ki khun u Ammon.

NONGBISHAR 13:25

Bad U Mynsiem U Trai u la sdang ban pynskuiñ ïa u ha Mahaneh-dan, hapdeng ka Sorah bad ka Eshtaol.

NONGBISHAR 14:6

Te U Mynsiem U Trai u la wan borbah halor jong u, bad u la kad ïa u kumba kad ïa i khun blang, te um shym don ei ei ha ka kti jong u: hynrei, um shym la ïathuh ïa u kpa lane ïa ka kmie ïa kaba u la leh.

NONGBISHAR 3:10

U Mynsiem U Trai te u la wan ha u, bad u la bishar ïa ki Israel; bad u la mih ha ka thma, U Trai te u la ai noh ïa u Kushan-rishathaim u syiem ka Mesopotamia ha ka kti jong u: bad ka kti jong u ka la jop ïa u Kushan-rishathaim.

1 SAMUEL 1:19

Te ki la khie la dang step, bad ki la ïamane ha khmat U Trai, ki la leit wan noh ruh, bad ki la poi ha la ïing ha Ramah: bad u Elkanah u la ithuh ïa ka Hannah ka tnga jong u; bad U Trai u la kynmaw ïa ka.

1 SAMUEL 10:1

Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

1 SAMUEL 10:6

bad U Mynsiem U Trai un wan jur ha me, bad ma me hi ruh men ïathuhlypa lem bad ki, bad yn pynkylla kum uwei pat u briew ïa me.

1 SAMUEL 11:6

Te U Mynsiem U Blei u la wan jur ha u Saul haba u la ïohsngew ïa kita ki ktien, bad ka jingbitar jong u ka la meh shikatdei.

1 SAMUEL 16:18

Te uwei na kita ki shakri u la ïathuh, bad u la ong, “Ha khmih, nga la ïohi ïa uwei u khun u Jesse u nong Bethlehem, uba nang ha kaba tem bad uba khlaiñ bor, bad u long u nongïaleh thma, bad uba stad ktien, bad uba bhabriew lymphuin, bad U Trai ruh u don ryngkat bad u.”

1 SAMUEL 18:12

Te u Saul u la sheptieng ïa u Dabid, namar ba U Trai u la don lem bad u, bad u la kiar noh na u Saul.

1 SAMUEL 2:35

Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.