1 SAMUEL 16:12 - KA BAIBL

¹² U te u la phah, bad u la wallam ïa u. Te u la long uba saw syntiew, bad uba bhabriew ka khmat bad uba ibha ban khmih ïa u. U Trai te u la ong, “To khie, to pynsleh ïa u: namar u long une keiñ.”

Khasi CL Bible (BSI)

¹² Kumta u Jesse u phah khot ïa u. U long uba bhabriew, u samla bakoit bakhiah bad ki khmat kiba phyrnai. U Trai u ong ha u Samuel, “Dei une — pynsleh ïa u!”

1 SAMUEL 16:12 ပူးပေါင်းရင်းမြစ်များ

JENESIS 39:6

Te u la iehnoh ïa kiei kiei baroh katba u la don hapoh ka kti u Joseph; bad um shym la tip shaphang kaei kaei ruh ba u la don, hynrei, tang ïa ka jingbam ïa kaba u la ju bam. U Joseph u la long ruh uba ibhabriew eh.

2 SAMUEL 23:1

Te kine ki long ki ktien ki bakhatduh ki jong u Dabid. U Dabid u khun u Jesse u ong, bad uta u briew ïa uba la kyntiew sha jrong u ong, uta uba la sleh jong U Blei u Jakob, bad u nongrwai babang jong u Israel:

2 SAMUEL 7:8

Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

1 SYIEM 1:34

bad to u Sadok lyngdoh bad u Nathan u nongïathuhlypa kin pynsleh ïa u hangta ban long u syiem halor ki Israel: bad to put phi da ka turoi, bad to ong, ‘U Blei un pynim ïa u Solomon syiem.’

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

SALM 78:70

U la jied ruh ïa u Dabid u shakri jong u, bad u la shim ïa u na kita ki jingker langbrot:

EKSODOS 2:2

Bad kata ka kynthei ka la punkhun, bad ka la kha khun shynrang de; te haba ka la ïohi ba u long uba bhabriew, ka la buhrieh ïa u, lai bnai.

JINGRWAI SOLOMON 5:10

U ba-ieit jong nga u long u balieh bad u basaw kyr-ang, uba kongsan tam hapdeng ki shiphew hajar.

SNGEWSYNEI 4:7

Ki bakhraw batri jong ka ki la kham khuid ban ïa ka ïor, ki la kham lieh ïa ka dud, ki la kham saw ka met ban ïa ki maw Rubi, ka jingpynphyrnai jong ki ka la long kum ka jong u maw Sapphir:

SEKHARAÏAH 4:14

Ynda kumta, u la ong, “Kine ki long kita ki ar ngut ïa kiba la sleh, kiba ïeng ha khmat U Trai jong ka khyndew baroh.”

KI KAM 4:27

“Namar da shisha ha kane ka shnong, u Herod bad u Pontios Pilat, lem bad ki Jentil bad ki paidbah Israel, ki la ïalum lang ïa ka ban ïaleh ïa U Jisu U Khun u bakhuid jong me, ïa uba me la pynsleh,

KI KAM 7:20

Ha kata ka por, la kha ïa u Moses, bad u la long uba bhabriew shikatdei eh. Bad la ri ïa u, lai bnai, ha ka ïing u kpa jong u;

HEBRU 11:23

Da ka jingngeit, ïa u Moses haba la kha ïa u, la buhrieh da ki kmie ki kpa jong u lai bnai, naba ki la ïohi ba u long u khunlung babha lymphuin; bad kim shym sheptieng ïa ka hukum u syiem.

1 SAMUEL 16:18

Te uwei na kita ki shakri u la ïathuh, bad u la ong, “Ha khmih, nga la ïohi ïa uwei u khun u Jesse u nong Bethlehem, uba nang ha kaba tem bad uba khlaiñ bor, bad u long u nongïaleh thma, bad uba stad ktien, bad uba bhabriew lymphuin, bad U Trai ruh u don ryngkat bad u.”

1 SAMUEL 17:42

Te haba uta u Philistia u la khmih, bad ba u la ïohi ïa u Dabid, u la ibeiñ ïa u: naba u dang samla, bad uba saw syntiew, bad uba bhabriew.

1 SAMUEL 17:55

Te haba u Saul u la ïohi ïa u Dabid ba u da leit mih ban ïaleh bad uta u Philistia, u la kylli ïa u Abner u nongïalam u paidïapom, “Une u samla u khun jongno, ko Abner?” Te u Abner u la ïathuh, “Katba ka im ka mynsiem jong me, ko syiem, ngam tip.”

1 SAMUEL 9:17

Bad haba u Samuel u la ïohi ïa u Saul, U Trai u la ong ha u, “Ha khmih uta u briew uba nga la ïathuh ha me shaphang jong u! une keiñ u ban synshar halor ki briew jong nga.”