1 SAMUEL 16:1 - KA BAIBL

¹ Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

Khasi CL Bible (BSI)

¹ U Trai u ong ha u Samuel, “Sa katno slem men dang ïai sngewsih ïa u Saul? Nga la kyntait ïa u kum u syiem ki Israel. Hynrei mynta pynïoh katto katne ka umphniang Olib bad leit sha Bethlehem, sha u briew uba kyrteng u Jesse, namar nga la jied ïa uwei na ki khun shynrang jong u ban long syiem.”

1 SAMUEL 16:1 ပူးပေါင်းရင်းမြစ်များ

1 SYIEM 8:16

‘Naduh kata ka sngi ba nga la wallam noh ïa u paidbah jong nga – ki Israel – na Ijipt, ngam shym la jied kano kano ka shnong na ki jaid Israel baroh ban tei ïa ka ïing, ba ka kyrteng jong nga kan ïoh long hangta; hynrei, nga la jied ïa u Dabid ban long halor u paidbah jong nga, ki Israel.’

2 SYIEM 9:1

Te u Elisha u nongïathuhlypa, ynda u la khot ïa uwei na ki khun ki nongïathuhlypa, u la ong ïa u, “To panpoh ïa la ka syngkai, bad to shim ïa une u khiew umphniang ha la ka kti, bad khie leit sha Ramoth-gilead.

2 SYIEM 9:3

Ynda kumta, to shim ïa uta u khiew umphniang, bad theh ïa ka ha ka khlieh jong u, bad to ong ruh, ‘Kumne ong U Trai, “Nga la pynsleh ïa me ban long syiem halor ki Israel.” ’ Te haba me la plie ïa ka jingkhang, to phet ïap, bad wat sangeh shuh.”

2 SYIEM 9:6

Te u la ïeng joit, bad u la leit shapoh ïing; bad u la theh ïa kata ka umphniang halor ka khlieh jong u, bad u la ong ha u, “Kumne ong U Trai, U Blei ki Israel, ‘Nga la pynsleh ïa me ban long syiem halor u paidbah jong U Trai, halor ki Israel keiñ.

1 KHRONIKL 11:3

Kumta, ki tymmen basan ki Israel baroh ki la wan sha u syiem ha Hebron; bad u Dabid u la ïateh jutang bad ki ha Hebron ha khmat U Trai; bad ki la pynsleh ïa u Dabid ban long syiem halor ki Israel, katba kum ka ktien U Trai da ka kti u Samuel.

1 KHRONIKL 28:4

La kumta ruh, U Trai, U Blei ki Israel, u la jied ïa nga na baroh ka ïing u kpa jong nga ban long u syiem halor ki Israel junom: naba u la jied ïa u Judah ban long u nongïalam; bad ha ka ïing u Judah, ka ïing u kpa jong nga; bad napdeng ki khun u kpa jong nga u la sngewbha ïa nga ban pynlong syiem ïa nga halor ki Israel baroh:

ISAÏAH 11:1

Te un mih u tnat lung na ka metbah u Jesse, bad u tnat na ki thied jong u un sei soh:

ISAÏAH 11:10

Te kan jia ha kata ka sngi, ba u thied u Jesse, uba long kum ka lama ïa ki kynja bynriew; ha u ki jaid bynriew kin ïawad; bad ka jaka shongthait jong u kan long kaba donburom.

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

JEREMAÏAH 11:14

“Namar kata, wat duwai na ka bynta kine ki briew, lymne wat pynmih ka jinglynñiar lymne ka jingduwai na ka bynta jong ki: namar ngan ym sngap ïa ki ha ka por ba ki lynñiar ha nga namar ka jingjynjar jong ki.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 6:30

‘Ka rupa kyntait’ ki briew kin khot ïa ki, naba U Trai u la kyntait ïa ki.”

JEREMAÏAH 7:16

“Namar kata, me to wat duwai na ka bynta une u paidbah, lymne wat pynjam ka jingpyrta lane ka jingduwai na ka bynta jong ki, lymne wat pynlong ka jingïasaid ha nga: naba ngan ym sngap ïa me.

SEKHARAÏAH 4:14

Ynda kumta, u la ong, “Kine ki long kita ki ar ngut ïa kiba la sleh, kiba ïeng ha khmat U Trai jong ka khyndew baroh.”

Ka Shithi U Paul Sha Ki Nong Rom 15:12

Pat ruh, u Isaïah u ong, “Yn sa long u thied u jong u Jesse, bad uta u ban sa mih ban synshar ïa ki Jentil; ha u keiñ, ki Jentil kin ïakyrmen.”

HEBRU 11:32

Te ïa kaei ngan dang ong shuh? namar kan ym dap ka por ïa nga lada ïathuh shaphang u Gideon, u Barak, u Samson, u Jepthah; shaphang u Dabid ruh bad u Samuel bad kita ki nongïathuhlypa;

1 ÏOANNIS 5:16

Lada uno uno ruh u da ïohi ïa la u parabangeit ba u da leh pop ïa ka pop ym sha ka ban ïap, un pan, te U Blei un ai ha u ïa ka jingim, ïa kita keiñ kiba leh pop ym sha ka ban ïap. Don ka pop sha ka ban ïap; shaphang kata, ngam ong ba un kyrpad.

1 SAMUEL 10:1

Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”

1 SAMUEL 15:26

Te u Samuel u la ong ha u Saul, “Ngan ym leit phai bad me: naba me, me la kyntait ïa ka ktien U Trai, bad U Trai ruh u la kyntait ïa me na kaba long syiem halor ki Israel.”

1 SAMUEL 15:35

Te u Samuel um shym wan shuh ban khmih ïa u Saul haduh ka sngi ka jingïap jong u; pynban, u Samuel u la ïambriew namar u Saul: bad U Trai u la kylla-ka-bamut ïa kaba u la thung syiem ïa u Saul halor ki Israel.

1 SAMUEL 16:15

Bad ki shakri u Saul ki la ïa-ong ha u, “Ha khmih, pleng u mynsiem bymman na U Blei u pynsheptieng ïa me.

1 SAMUEL 16:23

Te haba uta u mynsiem bymman uba na U Blei u la wan ha u Saul, kumta u Dabid u la shim ïa ka duitara, bad u la tem da la ka kti: te kumta, la pynshait ïa u Saul, bad la pynbha ïa u, bad uta u mynsiem bymman u la kynriah noh na u.

1 SAMUEL 17:12

Te u Dabid u la long u khun jong u nong Ephrath na Bethlehem Judah, uba kyrteng u Jesse; bad u la don phra ngut ki khun shynrang: te ha ki sngi u Saul, ïa une u briew la ñiew riewtymmen hapdeng ki briew.

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”