1 SAMUEL 15:8 - KA BAIBL

⁸ Bad u la kem im ïa u Agag u syiem ki Amalek, bad u la pynïap noh khoit ïa kita ki briew baroh da ka syrti waitlam.

Khasi CL Bible (BSI)

⁸ u la kem im ïa u Agag, u syiem Amalek bad u la pynïap ïa ki briew baroh.

1 SAMUEL 15:8 ပူးပေါင်းရင်းမြစ်များ

2 SAMUEL 8:12

kaba na ki Syria, bad na ki Moab, bad na ki khun u Ammon, bad na ki Philistia, bad na ki Amalek, bad na kata ka jinglute kaba na u Hadadeser, u khun u Rehob, u syiem ka Sobah.

1 SYIEM 20:30

Hynrei, kita kiwei ki la phet ïap sha Aphek, shapoh ka shnong; bad ka kynroh ka la twa halor arphew hynñiew hajar ngut kiba dang sah. U Benhadad te u la phet ïap, bad u la wan sha shnong, sha ka kamra kaba kham shapoh.

1 KHRONIKL 4:43

Bad ki la pom ïa kiba dang sah na ki Amalek kiba la lait, bad ki la shong hangta, haduh kane ka sngi.

ESTHER 3:1

Hadien kine kiei kiei ruh, u Ahasueros syiem u la kyntiew burom ïa u Haman u khun u Hammedatha u nong Agag, bad u la kyntiew ïa u, bad u la buh ïa ka jingshong jong u halor ki rangbah baroh kiba la don lem bad u.

LEBITIKOS 27:29

Yn ym lah ban siewspah ïa uno uno u mrad ba la pynkyntang, ïa uba u briew un pynkyntang; to pynïap noh ïa u.

JINGKHEIÑ 24:7

Un theh ki um na ki khiew jong u baroh, bad u symbai jong u un long ha bun ki um, bad u syiem jong u un long kham ha khlieh ïa u Agag, bad yn pynkyntiew ïa ka hima jong u.

JOSHUA 10:39

u la jop ïa ka ruh bad ïa u syiem jong ka, bad ïa ki shnong jong ka baroh; bad ki la pom ïa ki da ka syrti waitlam, bad u la pynduh khoit ïa ki mynsiem baroh kiba ha ka; um shym pynsah shuh uwei ruh: kumba u la leh ïa ka Hebron, kumta u la leh ïa ka Debir, bad ïa u syiem jong ka; kumba u la leh ïa ka Libnah ruh, bad ïa u syiem jong ka.

JOSHUA 11:12

Ïa ki shnong jong kita ki syiem baroh, bad ïa ki syiem jong ki baroh ruh, u Joshua u la jop, bad u la pom ïa ki da ka syrti waitlam, bad u la pynduh khoit ïa ki; kumba u Moses u shakri U Trai u la hukum.

JOSHUA 8:23

Ïa u syiem ka Ai ruh la kem im, bad ki la wallam ïa u ha u Joshua.

1 SAMUEL 15:20

Te u Saul u la ong ha u Samuel, “Da shisha nga la kohnguh ïa ka ktien U Trai, bad nga la leit ha kata ka lynti kaba U Trai u la phah ïa nga, bad nga la wallam ïa u Agag u syiem ki Amalek, bad nga la pynjot noh khoit ïa kita ki Amalek.

1 SAMUEL 15:3

To khie mynta, bad to pom ïa ki Amalek, bad to pynjot noh khoit ïa kiei kiei baroh katba ki don, bad wat pynim ïa ki; hynrei, to men pynïap ïa ki bad shynrang bad kynthei, bad khynnah bad khunlung ba dang buiñ, bad masi bad langbrot, ki ut bad ki kadda.’ ”

1 SAMUEL 22:19

Bad ïa ka Nob ruh, kaba ka shnong kita ki lyngdoh, u la pynïap da ka syrti waitlam, ïa ki rangbah bad ïa ki kynthei, ïa ki khynnah bad ïa ki khunlung ba dang buiñ, ïa ki masi bad ïa ki kadda bad ïa ki langbrot, da ka syrti waitlam.

1 SAMUEL 30:1

Te hamar kaba u Dabid bad u paidbah jong u ki la ïawan poi sha Siklag ha ka sngi ka balai, ki Amalek ki la lah hiar thma sha ka phang shathie, bad ha Siklag, bad ki la jop ïa ka Siklag, bad ki la thang ïa ka da ka ding;