1 SAMUEL 15:30 - KA BAIBL

³⁰ Ynda kumta, u la ong, “Nga la leh pop: pynban, nga kyrpad ïa me, to burom ïa nga mynta, ha khmat ki tymmen basan ki paidbah jong nga, bad ha khmat ki Israel, bad to wan phai bad nga ba ngan ïoh mane ïa U Trai uba U Blei jong me.”

Khasi CL Bible (BSI)

³⁰ “Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”

1 SAMUEL 15:30 ပူးပေါင်းရင်းမြစ်များ

2 SAMUEL 12:13

Te u Dabid u la ong ha u Nathan, “Nga la leh pop ïa U Trai.” U Nathan te u la ïathuh ha u Dabid, “U Trai ruh u la pyndam noh ïa kata ka pop jong me; men ym ïap keiñ.

EKSODOS 9:27

Te u Pharaoh u la phah khot ïa u Moses bad ïa u Aaron, bad u la ong ha ki, “Ha kane shi sien nga la leh pop: U Trai u long u bahok, ma nga te bad ki briew jong nga ngi long ki bymman.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

HABAKKUK 2:4

“Ha khmih, ka mynsiem jong u ka at meng, kam long kaba beit hapoh jong u: hynrei, u bahok un ïoh im da la ka jingngeit.

ÏOANNIS 12:43

Naba ki la ïa-ieit ïa ka jingïaroh jong ki briew kham tam ban ïa ka jingïaroh ka jong U Blei.

ÏOANNIS 5:44

Kumno phi lah ban ngeit, phi kiba ïakhmih burom paralok hi, bad phim ïawad ïa kata ka burom kaba na U Blei uba tang ma u hi?

2 TIMOTHI 3:5

kiba don ka dur ka jingriewblei, hynrei, kiba la len ïa ka bor jong ka; na kine ruh to phai noh.

1 SAMUEL 15:31

Kumta, u Samuel u la phai pat hadien u Saul; bad u Saul u la mane ïa U Trai.

1 SAMUEL 26:21

Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”