1 SAMUEL 15:3 - KA BAIBL

³ To khie mynta, bad to pom ïa ki Amalek, bad to pynjot noh khoit ïa kiei kiei baroh katba ki don, bad wat pynim ïa ki; hynrei, to men pynïap ïa ki bad shynrang bad kynthei, bad khynnah bad khunlung ba dang buiñ, bad masi bad langbrot, ki ut bad ki kadda.’ ”

Khasi CL Bible (BSI)

³ Khie leit bad tur ïaleh ïa ki Amalek, bad pynjot lut khoit kat kaba ki don. Wat pynsah ei ei ruh; pynïap lut ïa ki rangbah, ki kynthei, ki khynnah bad ki khunlung; ki masi bad ki langbrot, ki ut bad ki kada baroh.”

1 SAMUEL 15:3 ပူးပေါင်းရင်းမြစ်များ

JENESIS 36:12

Bad ka Timna ka la long ka tnga ba kham poh ka jong u Eliphas u khun u Iso; bad ka la kha ïa u Amalek ha u Eliphas: kine ki la long ki khun shynrang ka Adah ka tnga u Iso.

2 SAMUEL 1:8

Bad u la kylli ïa nga, ‘Me uei?’ Te nga la ïathuh ha u, ‘Nga u nong Amalek.’

EKSODOS 17:14

U Trai u la ong ruh ha u Moses, “To thoh ïa kane ha ka kitab ban long ka jingpynkynmaw, bad to ïathuh ruh ha u Joshua: namar ngan pyndam noh khoit ïa ka jingkynmaw ïa ki Amalek napoh ka bneng.”

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

JINGKHEIÑ 24:20

Te haba u la khmih ha u Amalek, u la shim ïa la ka pharshi, bad u la ong, “U banyngkong na ki jaid bynriew u long u Amalek; hynrei, ka bakut jong u kan long ba un ïap duh noh junom.”

JINGKHEIÑ 31:17

Mynta te, namar kata, to pynïap noh ïa ki khynnah shynrang baroh, bad to pynïap noh ruh ïa ki kynthei baroh kiba la ïa-ithuh ïa u briew da kaba ki la thiah bad u shynrang.

JOSHUA 10:39

u la jop ïa ka ruh bad ïa u syiem jong ka, bad ïa ki shnong jong ka baroh; bad ki la pom ïa ki da ka syrti waitlam, bad u la pynduh khoit ïa ki mynsiem baroh kiba ha ka; um shym pynsah shuh uwei ruh: kumba u la leh ïa ka Hebron, kumta u la leh ïa ka Debir, bad ïa u syiem jong ka; kumba u la leh ïa ka Libnah ruh, bad ïa u syiem jong ka.

1 SAMUEL 14:48

Bad u leh shlur, bad u la pom ïa ki Amalek, bad u la pyllait ïa ki Israel na ki kti jong kita kiba lute ïa ki.

1 SAMUEL 15:18

U Trai te u la phah leit jingleit ïa me, bad u la ong, ‘To leit bad pynjot noh khoit ïa kita ki bapop, kita ki Amalek keiñ, bad to ïaleh pyrshah ïa ki ha ban da la pynduh noh ïa ki.’

1 SAMUEL 15:9

Hynrei, u Saul bad kita ki briew ki la ri im ïa u Agag, bad ïa ki babha tam na ki langbrot, bad na ki masi ïa kiba kham sngaid, bad ïa ki khun langbrot, bad ïa kiei kiei baroh ki babha, bad kim pynjot noh khoit ïa ki: hynrei, ïa kaei kaei baroh ka basniew bad ka bymdonkam, ïa kata ki la pynjot noh khoit.

1 SAMUEL 22:19

Bad ïa ka Nob ruh, kaba ka shnong kita ki lyngdoh, u la pynïap da ka syrti waitlam, ïa ki rangbah bad ïa ki kynthei, ïa ki khynnah bad ïa ki khunlung ba dang buiñ, ïa ki masi bad ïa ki kadda bad ïa ki langbrot, da ka syrti waitlam.

1 SAMUEL 27:9

Bad u Dabid u la pom ïa kata ka ri, bad um shym la pynsah im ïa u rangbah lymne ïa ka kynthei, bad u la shim noh ïa ki langbrot, bad ïa ki masi, bad ïa ki kadda, bad ïa ki ut, bad ki jaiñkup jaiñsem; bad u la phai noh, bad u la wan sha u Akhish.

1 SAMUEL 30:17

Bad u Dabid u la pom noh ïa ki naduh janmiet haduh kaba la noh ka sngi lashai; te ym shym la lait noh uwei na ki, hynrei, tang sawspah ngut ki samla, kiba la shong halor ki ut bad ki la phet ïap noh.