1 SAMUEL 15:22 - KA BAIBL

²² Te u Samuel u la ong, “U Trai u sngewbha ma ha ki jingainguh thang bad ha ki jingkñia kumba ha kaba kohnguh ïa ka ktien U Trai? Ha khmih, kaba kohnguh ka kham bha ban ïa ka jingkñia, bad kaba shahshkor ban ïa ka khleiñ ki 'lang sohmoh.

Khasi CL Bible (BSI)

²² Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.

1 SAMUEL 15:22 ပူးပေါင်းရင်းမြစ်များ

JENESIS 4:4

Bad u Abel ruh, u la wallam na kiba la kha nyngkong ka kynhun jong u, bad na kiba kham sngaid na ki ruh. Te U Trai u la khmih hun ha u Abel bad ha ka jingainguh jong u:

EKSODOS 19:5

Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

PROBERB 21:3

Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

EKLESIASTIS 5:1

Sumar ïa la ka sla'jat haba me leit ha ka ïing U Blei; namar kaba leit hajan ban sngap, ka long kham bha ban ïa ka ban ai ka jingainguh kiba bieit: namar ki kim tip ba ki leh sniew.

JEREMAÏAH 11:4

kaba nga la hukum ïa ki kpa jong phi ha ka sngi kaba nga la wallam noh ïa ki na ka ri Ijipt, na ka lawar ding kaba da u nar,” nga da ong, “To kohnguh ïa ka ktien jong nga, bad to leh ïa ki, kat kum ïa baroh kaba nga hukum ïa phi: kumta phin long ki briew jong nga, bad nga ruh ngan long U Blei jong phi:

JEREMAÏAH 11:7

Naba nga la phla jur ha ki kpa jong phi ha ka sngi ba nga la wallam artet ïa ki na ka ri Ijipt, bad haduh kane ka sngi, nga da khie dang step bad nga da phla, nga da ong, ‘To kohnguh ïa ka ktien jong nga.’

JEREMAÏAH 26:13

Namar kata te, to pynbha ïa ki lynti jong phi bad ïa ki jingleh jong phi, bad to kohnguh ïa ka ktien U Trai U Blei jong phi; te U Trai un kylla-ka-bamut na kata ka jingsniew kaba u la kren pyrshah ïa phi.

HOSIA 6:6

Namar nga mon ïa ka jingisynei, te ym ïa ka jingkñia, bad ka jingtip ïa U Blei ban ïa ka jingainguh thang.

HOSIA 8:13

Te shaphang ki jingkñia ki jingainguh jong nga, ki kñia doh bad ki bam ïa ka; hynrei, U Trai um pdiang ïa ki: mynta, un kynmaw ïa ka jingleh bymhok jong ki, bad un wan-i ïa ki pop jong ki; kin leit phai sha Ijipt.

MATHAÏOS 12:7

Hynrei, lada phi la lah tip kaei kane, ‘Ïa ka jingisynei nga mon, te ym ïa ka jingkñia,’ phin ym da la pynrem ïa kita kiba khlem pop.

MATHAÏOS 23:23

“Kordit ïa phi, ki nongthoh bad ki Pharisi kiba arsap! naba phi ai ïa kaba shiphew na ka pudina, bad na ka dill, bad na ka kummin, bad phi iehnoh te ïa kita kiei kiei kiba kham khia ki jong ka hukum, ïa ka hok, bad ïa ka jingisynei, bad ïa ka jingngeit; ka la dei keiñ ïa phi ban leh ïa kine, bad ban ym iehnoh ïa kita kiwei.

MATHAÏOS 5:24

to iehnoh hangta ïa ka jingai jong me ha khmat ka duwan, to khie leit noh ruh, ba men ïasuk shuwa bad uta u paralok jong me, ynda kumta te, men sa wan ainguh ïa ka jingai jong me.

MATHAÏOS 9:13

hynrei, khie leit ma phi to hikai kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”

MARKOS 12:33

bad ban ieit ïa u da ka dohnud baroh, bad da ka jingmut baroh, bad da ka mynsiem baroh, bad da ka bor baroh, bad ban ieit ïa la u paramarjan kumba ïa lade, ka long kham kor ïa ki jingainguh thang bad ïa ki jingkñia baroh.”

1 SAMUEL 13:12

namar kata, nga la ong, ‘Mynta kine ki Philistia kin wan hiar ha nga sha Gilgal, bad nga ruh ngam shym ïoh kyrpad ïa ka jingisynei U Trai:’ namar kata, nga la nud, bad nga la ainguh ïa ka jingainguh thang.”

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.