1 SAMUEL 15:13 - KA BAIBL

¹³ Te u Samuel u la poi sha u Saul: bad u Saul u la ong ha u, “To U Trai un kyrkhu ïa me: nga la pyndep ïa kata ka hukum U Trai.”

Khasi CL Bible (BSI)

¹³ U Samuel u la leit sha u Saul, uba la khublei ïa u, da kaba ong, “U Trai u kyrkhu ïa phi, Samuel! Nga la kohnguh ïa ka hukum U Trai.”

1 SAMUEL 15:13 ပူးပေါင်းရင်းမြစ်များ

JENESIS 14:19

Te u la kyrkhu ïa u, bad u da ong, “To long ba la kyrkhu ïa u Abram na U Blei U Bahalor Tam Eh, U Trai ka bneng bad ka khyndew:

JENESIS 3:12

Te u Adam u la ïathuh, “Kata ka briew ïa kaba me la buh lok bad nga, ka long ma ka keiñ kaba la ai ha nga na uta u dieng, bad nga la kum bam.”

2 SAMUEL 2:5

Te u Dabid u la phah ki nongkit-ktien sha ki Jabesh-gilead, bad u la ong ha ki, “To long phi ïa kiba la kyrkhu na U Trai, kiba la leh ïa kane ka jingleh isynei ha u kynrad jong phi, u Saul keiñ, bad ba phi la tep ïa u.

PROBERB 27:2

Ai ba uwei pat un ïaroh ïa me, te ym ka shyntur jong me hi; u nongwei, te ym ki rmiang shyntur jong me hi.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

PROBERB 30:13

Don ka pateng bynriew, Wa katno kiba meng ki khmat jong ki! bad ïa ki irmat jong ki la khyllie.

PROBERB 31:31

To ai ha ka na u soh ki kti jong ka; bad to ai ba ki kam jong ka kin ïaroh ïa ka, ha ki khyrdop.

LOUKAS 17:10

Kumjuh ruh ma phi, ynda phi la leh ïa kiei kiei baroh kiba la hukum ïa phi, phin ong, ‘Ngi long ki shakri ba khlem dawa, naba ngi la leh tang ïa kaba dei ïa ngi ban leh.’ ”

LOUKAS 18:11

Uta u Pharisi, haba u la ïeng, u la duwai ha lade kumne: ‘A U Blei, nga nguh ïa me ba ngam long kum kiwei ki briew, kiba shim da ka bor, ki bymhok, ki baklim, lane kum une u nongkhrong ruh.

NONGBISHAR 17:2

Te u la ong ha la ka kmie, “Kita ki khatwei spah shekel rupa ïa kiba la tuh na pha shaphang kiba pha la tim, bad ba pha la kren ruh ha kaba nga la ïohsngew, ha khmih, kata ka rupa ka don ha nga: nga la shim ma nga.” Ka kmie jong u te ka la ong, “To U Trai un kyrkhu ïa u khun jong nga.”

RUTH 3:10

U te u la ong, “Ko khun, to long pha ïa kaba la kyrkhu na U Trai: namar pha la pyni kham bun ka jinglehsbun ha ka bakut ban ïa ha ka banyngkong, naba pham shym leit beh ïa ki samla shynrang ki baduk lymne ki bariewspah.

1 SAMUEL 13:10

Te haba u dang shu lah ainguh ïa kata ka jingainguh thang, ha khmih, u Samuel u la wan; bad u Saul u la mih ïa ka ban leit tan ïa u, ba un ïoh khublei ïa u.

1 SAMUEL 15:11

“Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.

1 SAMUEL 15:20

Te u Saul u la ong ha u Samuel, “Da shisha nga la kohnguh ïa ka ktien U Trai, bad nga la leit ha kata ka lynti kaba U Trai u la phah ïa nga, bad nga la wallam ïa u Agag u syiem ki Amalek, bad nga la pynjot noh khoit ïa kita ki Amalek.

1 SAMUEL 15:9

Hynrei, u Saul bad kita ki briew ki la ri im ïa u Agag, bad ïa ki babha tam na ki langbrot, bad na ki masi ïa kiba kham sngaid, bad ïa ki khun langbrot, bad ïa kiei kiei baroh ki babha, bad kim pynjot noh khoit ïa ki: hynrei, ïa kaei kaei baroh ka basniew bad ka bymdonkam, ïa kata ki la pynjot noh khoit.

1 SAMUEL 23:21

Bad u Saul u la ong, “To long phi ïa kiba la kyrkhu na U Trai; namar phi la leh isynei ïa nga.

1 SAMUEL 25:14

Te uwei na kita ki samla u la ïathuh ha ka Abigail, ka tnga u Nabal, u da ong, “Ha khmih, u Dabid u la phah ïa ki nongkit-ktien na ka ri khlaw ban khublei ïa u kynrad jong ngi; hynrei, u la krenbeiñ sat ïa ki: