1 SAMUEL 15:12 - KA BAIBL

¹² Te haba u Samuel u la khie dang step ïa ka ban ïashem bad u Saul kum lashai, te la ïathuh ha u Samuel da kaba ong, “U Saul u la leit sha Karmel, bad ha khmih, u la thung mawbynna ïa lade, bad u la ïaid kylleng, bad u la nang leit, bad u la leit hiar sha Gilgal.”

Khasi CL Bible (BSI)

¹² Dang step phyrngab ha ka step kaba bud u leit wad ïa u Saul. U ïohsngew ba u Saul u la leit sha ka nongrit Karmel, ha kaba u la tei mot ïa lade, bad nangta u la leit sha Gilgal.

1 SAMUEL 15:12 ပူးပေါင်းရင်းမြစ်များ

JENESIS 21:14

Ynda kumta, u Abraham u la khie dang step eh, bad u la shim ïa u kpu, bad ïa ka um shi lywa snieh, u la ai ruh ïa ki ha ka Hagar, u da buh ïa ki ha ka tyrpeng jong ka, bad ïa uta u khynnah ruh, bad u la phah noh ïa ka: ka ruh ka la leit noh, bad ka la ïaid sakma ha ka ri khlaw Beer-sheba.

2 SAMUEL 18:18

Te u Absalom mynba u dang im u la shim bad u la pynïeng uta u mawbynna ïa lade uba ha ka them u syiem: naba u la ong, “Ngam don khun shynrang u ban pynlong jingkynmaw ïa ka kyrteng jong nga”: bad u la kyrteng ïa uta u mawbynna ha la ka jong ka kyrteng. Te haduh kane ka sngi, ki khot ïa uta, “u Maw u Absalom”.

2 SAMUEL 23:35

u Hesro u nong Karmel, u Paarai u nong Arbit;

1 SYIEM 18:42

Kumta u Ahab u leit kiew ban bam ban dih. U Elijah ruh u la leit kiew sha khlieh u lum Karmel; bad u la dem ïa lade ha khyndew bad u la buh ïa la ka khmat hapdeng ki khohsiew jong u.

2 KHRONIKL 26:10

Bad u la tei ruh ïa ki ïing phira ha ka ri khlaw, bad u la tih shibun ki pukri: naba u la don shibun ki jingri, ha ka ri them bad ha ka ri madan; bad u la don ki nongrep bad ki nongsumar brisoh Waiñ ha ki lum bad ha ki lyngkha basei soh; naba u sngewbha ïa ka jingrep.

JOSHUA 15:55

Ka Maon, ka Karmel, bad ka Siph, bad ka Juttah;

1 SAMUEL 13:12

namar kata, nga la ong, ‘Mynta kine ki Philistia kin wan hiar ha nga sha Gilgal, bad nga ruh ngam shym ïoh kyrpad ïa ka jingisynei U Trai:’ namar kata, nga la nud, bad nga la ainguh ïa ka jingainguh thang.”

1 SAMUEL 13:15

Bad u Samuel u la ïeng, bad u la leit kiew na Gilgal sha Gibeah u Benjamin. Te u Saul u la ñiew ïa kita ki briew kiba sah ryngkat bad u, kumba hynriewspah ki rangbah.

1 SAMUEL 17:20

Te u Dabid u la khie dang step, bad u la iehnoh ïa kita ki langbrot bad u nongsumar, bad u la shim, bad u la leit, kumba la hukum u Jesse ïa u; te u la poi sha kata ka jaka shong dara, katba ki paidïapom ki dang ïaleit mih sha kata ka jaka ïaleh, bad ki da ïarisa ban sa ïaleh.

1 SAMUEL 25:2

Te la don uwei u briew ha Maon, uba la don la ki spah jong u ha Karmel; te uta u briew u la khraw bor eh, bad u la don lai hajar ki langbrot, bad shi hajar ki blang: te u la dang ot shñiuh ïa la ki langbrot ha Karmel.

1 SAMUEL 7:12

Te u Samuel u la shim ïa u maw, bad u la pynïeng ïa u hapdeng ka Mispah bad ka Shen, bad u la khot kyrteng ïa u, “U Ebeneser”, u da ong, “Haduh kane U Trai u la ïarap ïa ngi.”