1 SAMUEL 15:11 - KA BAIBL

¹¹ “Nga la kylla-ka-bamut ïa kaba nga la thung syiem ïa u Saul: namar u phai dien noh na kaba bud ïa nga, bad um shym pyndep ïa ki hukum jong nga.” Te u Samuel u la sngewsih eh; bad u la lynñiar ha U Trai baroh shi miet.

Khasi CL Bible (BSI)

¹¹ “Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.

1 SAMUEL 15:11 ပူးပေါင်းရင်းမြစ်များ

JENESIS 6:6

Bad U Trai u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

JENESIS 6:7

Te U Trai u la ong, “Ngan pyndam noh ïa u briew ïa uba nga la thaw na khmat ka khyndew; naduh u briew haduh u mrad, bad haduh u kynja bapar, bad ïa ki sim bneng; naba nga kylla-ka-bamut ba nga la thaw ïa ki.”

2 SAMUEL 24:16

Te haba uta u angel u la kner ïa la ka kti sha Jerusalem ïa ka ban pynjot ïa ka, U Trai u la kylla-ka-bamut shaphang kane ka jingpynsniew, bad u la ong ha uta u angel uba pynjot ïa u paidbah, “Keiñ noh katto; to pynsangeh ïa la ka kti.” Te uta u angel U Trai u la don hajan ka kyntem u Araunah u nong Jebus.

1 SYIEM 11:9

Bad U Trai u la bitar ïa u Solomon, namar ba ka dohnud jong u ka la phai noh na U Trai, U Blei jong ki Israel, uba la paw ar sien ha u,

1 KHRONIKL 10:13

Kumta, u Saul u la ïap namar ka jingpalat jong u kaba u la leh ïa U Trai, na ka bynta kata ka ktien jong U Trai, kaba um shym la sumar; bad namar ba u la ïakylli jingpyrkhat ruh na kawei ka nongkren byrtong, ban ïakylli na ka,

1 KHRONIKL 21:15

Bad U Blei u la phah ïa u angel sha Jerusalem ban pynjot ïa ka: bad haba un sa pynjot noh, U Trai u la khmih, bad u la kylla-ka-bamut shaphang kane ka jingpynsniew, bad u la ong ha u angel uba pynjot, “Keiñ noh katto; to pynsangeh ïa la ka kti.” Bad u angel U Trai u la ïeng hajan ka kyntem u Ornan u nong Jebus.

Ka Kitab U Job 34:27

namar ba ki la phai noh na kaba bud ïa u, bad ba kim ñiew satia ïa ki lynti jong u:

SALM 109:4

Namar ka jingieit jong nga, ki long ki nongïaleh ïa nga: hynrei, nga, nga shu ïaiduwai.

SALM 110:4

U Trai u la smai, bad un ym kylla-ka-bamut, “Me, me long u lyngdoh bymjukut ha ka rukom u Melkhisedek.”

SALM 119:136

Ki wah um ki tuid na ki khmat jong nga, namar ba kim sumar ïa ki aiñ jong me.

SALM 125:5

Hynrei, kat kiba phai noh sha la ki lynti kynriang, U Trai un ring ïa ki lem bad ki nongleh bymman. To long ka jingsuk ïa ki Israel.

SALM 36:3

Ki ktien ka shyntur jong u ki long ka jingbymhok bad ka jingshukor: u la wai noh ban long stad bad ban leh bha.

SALM 78:41

Bad ki la phai pat bad ki la pynshoi ïa U Blei, bad ki la kynshuiñ ïa U Bakhuid jong ki Israel.

SALM 78:57

hynrei, ki la phai dien noh, bad ki la ïashet kylla kum ki kpa jong ki: ki la kyndat noh bak kum ka 'tieh kyndat khnam.

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 32:14

Ynda kumta, U Trai u la kylla noh na kata ka basniew ïa kaba u la thmu ban leh ha u paidlang jong u.

JEREMAÏAH 11:10

Ki la kylla pat ha ki jingleh bymhok ki kpa tymmen jong ki, ki bym treh ban sngew ïa ki ktien jong nga; bad ki la leit bud ïa kiwei pat ki blei ban shakri ïa ki: ka ïing Israel bad ka ïing Judah ki la pynkheiñ ïa ka jutang jong nga kaba nga la ïateh bad ki kpa jong ki.”

JEREMAÏAH 13:17

Hynrei, lada phin ym sngap ïa kane, ka mynsiem jong nga kan ïam ha kaba rieh namar ka jingsarong jong phi; bad ki khmat jong nga kin ïam sat, bad kin tuid da ki jingjaw ummat, namar ba la ring mraw ïa ka kynhun U Trai.

JEREMAÏAH 34:16

hynrei, phi la kylla bad phi la pyntngit ïa ka kyrteng jong nga, bad phi la wallam pat uwei uwei baroh ïa la u mraw, bad uwei uwei baroh ïa la ka mraw, kiba phi la pyllait katba ki mon; bad phi la pyndem ïa ki, ban long ki mraw shynrang bad ki mraw kynthei ïa phi.’ ”

JEREMAÏAH 9:1

A ba ka khlieh jong nga kan da la long ki um, bad ki khmat jong nga ka pukri ki ummat, ba ngan da ïoh ïam synñia sngi na ka bynta kiba la shah pynïap jong ka khun ki briew jong nga!

JEREMAÏAH 9:18

bad to kin pynkloi noh, bad pynmih noh ka jingïambriew ïa ngi, ba ki khmat jong ngi kin tuid da ki jingjaw ummat, bad ba kin pynmih um buk ki irmat jong ngi.

ESEKIEL 18:24

“Hynrei, haba u bahok u phai noh na ka hok jong u, bad u leh ïa ka jingbymhok, bad u leh ruh ïa ki jingijli baroh kat kumba leh u bymman, hato un im? Yn ym kynmaw shuh ïa kawei na ki kam hok jong u kiba u la leh: ha kata ka jingpalat kaba u la leh palat, bad ha kata ka pop ba u la leh pop, ha kita keiñ un ïap.

AMOS 7:3

U Trai u la kylla-ka-bamut shaphang kane: “Kan ym long keiñ,” ong U Trai.

JONAH 3:10

Bad U Blei u la ïohi ïa ki jingleh jong ki, ba ki la phai noh na la ka lynti basniew; bad U Blei u la kylla-ka-bamut na kata ka jingsniew, kaba u la ong ba un leh ïa ki; te um shym leh ïa ka.

JONAH 4:2

Bad u la duwai ha U Trai, bad u la ong, “Nga kyrpad ïa me, A Trai, kane kam shym long ka ktien jong nga, mynba nga dang don ha la ka ri? Namar kata, nga la pynkloi ban phet noh sha Tarshish: naba nga la tip keiñ ba me long U Blei uba aiei, bad uba dap ka jingisynei lem, uba tud ïa ka ban bitar, bad uba kynrei ha ka jingisynei, bad me kylla-ka-bamut namar ka jingsniew.

SEPHANAÏAH 1:6

bad ïa kita kiba phai noh na kaba bud ïa U Trai; bad ïa kita ki bym shym wad ïa U Trai, lymne ïakylli shaphang jong u.”

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

MATHAÏOS 5:44

Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi;

LOUKAS 6:12

Ka la jia ruh ha kita ki sngi, ba u la leit noh sha u lum ban duwai; u la sah ruh baroh shi miet ha ka jingduwai ha U Blei.

HEBRU 10:38

Hynrei, uta u bahok jong nga un ïai-im da ka jingngeit; hynrei, lada un kynran da dien, ka mynsiem jong nga kam sngewbha shuh ïa u.”

JOSHUA 22:16

“Kumne u ong u paidbah U Trai baroh, ‘Ka jingryngkang kaba kumno kane kaba phi la leh pyrshah ïa U Blei ki Israel, ban phai noh ha kane ka sngi na kaba bud ïa U Trai, ha kaba phi la tei ka duwan ha phi, ïa ka ban ïaleh pyrshah ïa U Trai ha kane ka sngi?

1 SAMUEL 12:23

Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.

1 SAMUEL 15:10

Te ka ktien U Trai ka la wan ha u Samuel, ka da ong,

1 SAMUEL 15:3

To khie mynta, bad to pom ïa ki Amalek, bad to pynjot noh khoit ïa kiei kiei baroh katba ki don, bad wat pynim ïa ki; hynrei, to men pynïap ïa ki bad shynrang bad kynthei, bad khynnah bad khunlung ba dang buiñ, bad masi bad langbrot, ki ut bad ki kadda.’ ”

1 SAMUEL 15:35

Te u Samuel um shym wan shuh ban khmih ïa u Saul haduh ka sngi ka jingïap jong u; pynban, u Samuel u la ïambriew namar u Saul: bad U Trai u la kylla-ka-bamut ïa kaba u la thung syiem ïa u Saul halor ki Israel.

1 SAMUEL 15:9

Hynrei, u Saul bad kita ki briew ki la ri im ïa u Agag, bad ïa ki babha tam na ki langbrot, bad na ki masi ïa kiba kham sngaid, bad ïa ki khun langbrot, bad ïa kiei kiei baroh ki babha, bad kim pynjot noh khoit ïa ki: hynrei, ïa kaei kaei baroh ka basniew bad ka bymdonkam, ïa kata ki la pynjot noh khoit.

1 SAMUEL 16:1

Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 8:6

Te kane ka ktien ka la pynsngewsih ïa u Samuel, haba ki la ong, “To ai da u syiem ban bishar ïa ngi.” Bad u Samuel u la duwai ha U Trai.