1 SAMUEL 15:1 - KA BAIBL

¹ Te u Samuel u la ong ha u Saul, “U Trai u la phah ïa nga ban pynsleh ïa me ban long syiem halor u paidbah jong u, halor ki Israel keiñ: mynta te, to men sngap ïa ka jingsawa ki ktien U Trai.

Khasi CL Bible (BSI)

¹ U Samuel u ong ha u Saul, “Dei ïa nga ba U Trai u la phah ban pynsleh ïa phi ban long u syiem jong ki briew jong u, ki Israel. Mynta, sngap ïa kaba U Trai u ong.

1 SAMUEL 15:1 ပူးပေါင်းရင်းမြစ်များ

2 SYIEM 7:1

Te u Elisha u la ong, “To sngew phi ïa ka ktien U Trai: ‘Kumne ong U Trai, Lashai kum ha kane ka por, shi shang u 'purew ni yn die shi shekel, bad ar shang u Barli shi shekel, ha ka khyrdop Samaria.’ ”

1 SAMUEL 10:1

Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

1 SAMUEL 12:14

Lada phin sheptieng ïa U Trai, bad shakri ïa u, bad sngap ïa ka ktien jong u, bad phin ym ïaleh pyrshah ïa ka hukum U Trai, kumta ma phi bad uta u syiem ruh uba synshar halor jong phi phin long ki nongbud ïa U Trai uba U Blei jong phi:

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.

1 SAMUEL 9:15

Te U Trai, shi sngi mynshuwa kaba poi u Saul, U la lah ïathuh ha ka shkor u Samuel, U da ong,

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”