1 SAMUEL 14:6 - KA BAIBL

⁶ Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”

Khasi CL Bible (BSI)

⁶ U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 14:6 ပူးပေါင်းရင်းမြစ်များ

2 SAMUEL 1:20

To wat ïathuh ïa kane ha Gath, wat pynbna ha ki lynti shnong ka Ashkelon; ïoh kin kmen ki khun kynthei ki Philistia, ïoh kin kyrkoh ki khun kynthei jong kita ïa ki bym shym la otsher.

2 SAMUEL 16:12

Lehse U Trai un khmih ïa kane ka pop ba la leh ha nga, bad un ai U Trai ïa nga da ka babha namar ka jingtim jong u ïa nga ha kane ka sngi.”

2 SYIEM 19:4

Lehse U Trai U Blei jong me un sngew ïa ki ktien u Rabshakeh baroh, uba u syiem ka Assyria u kynrad jong u, u la phah ban krenbeiñ ïa U Blei u ba-im, bad un sneng ïa kita ki ktien kiba U Trai U Blei jong me u la ïohsngew: namar kata, to pynkyntiew noh ïa la ka jingduwai na ka bynta kita kiba dang sah ïa kiba la iehnoh.’ ”

2 KHRONIKL 14:10

Te u Asa u la leit ban ïashem ïa u, bad ki la khreh riang ïa ka thma ha ka them Sephathah ha Mareshah.

2 KHRONIKL 14:11

Bad u Asa u la khot kyrpad ha U Trai U Blei jong u, bad u la ong, “A Trai, ym don shuh nalor jong me u ban ïarap, hapdeng u badonbor bad u bymdonbor: to ïarap ïa ngi, A Trai U Blei jong ngi; namar ngi shaniah ha me, bad ha ka kyrteng jong me ngi wan ïaleh ïa une u paidbah. A Trai, me long U Blei jong ngi; wat ai ïa u briew ban jop ïa me.”

SALM 135:6

U Trai u la leh ïa kaei kaei baroh, kaba u la mon, ha bneng bad ha ka khyndew, ha ki duriaw bad ha ki jingjylliew baroh.

JEREMAÏAH 9:23

Kumne u ong U Trai, “Wat ai ba u riewstad un sarong ha la ka jingstad, lymne u bakhrawbor un ym sarong ha la ka bor, u riewspah to un ym sarong ha ki spah jong u:

JEREMAÏAH 9:25

“Ha khmih, ki sngi kin wan,” ong U Trai, “ha kiba ngan pynshitom ïa kita baroh ba la otsher ha la ka jingbym-otsher;

JEREMAÏAH 9:26

ïa ka Ijipt, bad ïa ka Judah, bad ïa ka Edom, bad ïa ki khun u Ammon, bad ïa ka Moab, bad ïa baroh kat kiba khap ïa ki dong u shñiuh jong ki, kiba shong ha ri khlaw: naba ki jaid bynriew baroh ki long kiba khlem otsher, bad ka ïing Israel baroh ki long ki bym shym la otsher la ka dohnud.”

AMOS 5:15

To shun ïa ka basniew, bad ieit ïa ka babha, bad to pynïeng ïa ka jingbishar ha ka khyrdop: lehse U Trai, U Blei ki paid, un leh isynei ïa kiba sah jong u Joseph.

SEPHANAÏAH 2:3

To wad ïa U Trai, phi baroh kiba lui lui jong ka khyndew, kiba la leh ïa ka jingbishar jong u; to wad ïa ka hok, wad ïa ka jinglui lui: lehse yn buhrieh ïa phi ha kata ka sngi ka jingbitar U Trai.

SEKHARAÏAH 4:6

Ynda kumta, u la ïathuh bad u la kren, u da ong, “Kane ka long ka ktien U Trai ha u Serubbabel, ka da ong, ‘Ym da u paidïapom, lymne da ka bor, hynrei, da U Mynsiem jong nga,’ ” ong U Trai ki paid.

JINGKHEIÑ 10:32

Bad kan long, lada men leit lem bad ngi, ho-oid keiñ kan long ruh, ba ïa kaei kaei ka babha ba U Trai un leh ïa ngi, ïa kata kajuh hi ngi ruh ngin leh ïa me.”

JINGKHEIÑ 31:4

Phin phah shi hajar hajar shi jaid, na ki jaid Israel baroh, sha kata ka jaka thma.”

MATHAÏOS 19:26

U Jisu te haba u la khmih ïa ki u la ong ha ki, “Da ki briew kata ka bym lah, hynrei, da U Blei kiei kiei baroh ki long kiba lah.”

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

DEUTERONOMI 32:30

Kumno uwei un beh ïa ki shi hajar, bad ar ngut kin ïa-pynphet ïap ïa ki shiphew hajar, lymda U Mawsiang jong ki u la die noh ïa ki, bad U Trai u la aiti noh ïa ki?

PHILIPPI 3:3

Namar ngi keiñ, ngi long kata ka jingotsher, kiba mane da U Mynsiem U Blei, bad kiba leh kmen ha U Khrist Jisu, bad ki bymshaniah ha ka doh.

JOSHUA 14:12

Mynta namar kata, to ai ha nga ïa une u lum, shaphang uba u la kren U Trai, myn ha kata ka sngi; namar me la ïohsngew ha kata ka sngi kumno ba ki Anak ki la don hangta, bad ba ki nongbah kiba khraw bad ba la ker kynroh: toi U Trai un don ryngkat bad nga, ba ngan beh noh ïa ki, kumba U Trai u la ong.”

NONGBISHAR 15:18

Te u la sliang thrang eh, bad u la kyrpad ïa U Trai, u la ong, “Me la ai ïa kane ka jingpyllait bakhraw da ka kti u shakri jong me: mynta te ngan ïap da kaba sliang, bad ngan hap ha ka kti jong kiba khlem otsher?”

1 SAMUEL 14:5

Ka ranab jong uwei ka la don shaphang shatei ha marpyrshah ka Mikhmash, bad ka jong uta uwei na shathie ha marpyrshah ka Geba.

1 SAMUEL 14:7

Te uta uba rah ïa ki atiar jong u, u la ong ha u, “To leh ïa kiei kiei baroh katba don ha ka dohnud jong me; to phai, ha khmih nga don ryngkat bad me katba mon ka dohnud jong me.”

1 SAMUEL 17:26

Te u Dabid u la kren ha kita ki briew kiba ïeng hajan jong u, u da ong, “Yn leh aïu ïa uta u briew u ban pynïap ïa une u Philistia, bad u ban pynduh noh ïa kane kaba jahburom na Israel? naba uei une u Philistia uba khlem otsher, ba u beiñ ïa ki paidïapom jong U Blei u ba-im?”

1 SAMUEL 17:36

Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”

1 SAMUEL 17:46

Ha kane ka sngi keiñ U Trai un aiti ïa me ha ka kti jong nga; te ngan shoh ïa me, bad ngan shim noh ïa ka khlieh jong me na me; bad ha kane ka sngi ngan ai noh ïa ki metïap ki paid ki Philistia ha ki sim ka suiñ, bad ha ki mrad khlaw ka khyndew; ba ka pyrthei baroh kan ïoh tip ba U Blei u don ha Israel.

1 SAMUEL 17:47

Bad une u paidbah baroh un ïoh tip ba U Trai um pynim da ka waitlam lymne da u sum: namar ka jingïaleh thma ka long ka jong U Trai, bad un aiti noh ïa phi ha ka kti jong ngi.”

1 SAMUEL 31:4

Ynda kumta, u Saul u la ong ha uta uba rah ïa ki atiar jong u, “To sei ïa la ka waitlam, bad to dung peib'la ïa nga da ka; ïoh kine ïa ki bym shym la otsher kin wan bad dung peib'la ïa nga, bad ba kin lehbeiñ ïa nga.” Hynrei, uta u nongrah atiar jong u um treh, namar ba u la sheptieng eh. Namar kata, u Saul u la shim ïa la ka waitlam, bad u la hap halor jong ka.