1 SAMUEL 14:18 - KA BAIBL

¹⁸ Bad u Saul u la ong ha u Ahijah, “To wallam shane ïa ka synduk U Blei,” namar ka synduk U Blei ka la don bad ki khun Israel ha kata ka por.

Khasi CL Bible (BSI)

¹⁸ “Wallam hangne ïa ka Ephod,” u Saul u ong ha u Ahijah u lyngdoh. (Ha kata ka sngi u Ahijah u dang rah ïa ka ha khmat ki paid Israel.)

1 SAMUEL 14:18 ပူးပေါင်းရင်းမြစ်များ

2 SAMUEL 11:11

Bad u Uriah u la ong ha u Dabid, “Kata ka Synduk ka Jutang, bad ki Israel, bad ki Judah, ki ïashong ha ka ïingtrep; bad u kynrad jong nga u Joab, bad ki shakri u kynrad jong nga, ki ïashong dara shabar ha madan; nga kumno ngan leit sha la ïing, ban bam bad ban dih, bad ban thiah bad la ka tnga? Katba me im, bad katba ka im ka mynsiem jong me, ngan ym leh kum ïa kane ka kam.”

JINGKHEIÑ 27:21

Te un ïeng ha khmat u Eleasar lyngdoh, u ban ïakylli na ka bynta jong u, katba kum ka jingbishar ki Urim ha khmat U Trai: da ka ktien jong u, kin ïamih noh shabar, bad da ka ktien jong u, kin ïawan shapoh, ma u, bad ki khun Israel baroh ryngkat bad u, bad u paidlang baroh ruh de.”

NONGBISHAR 20:18

Te ki khun Israel ki la ïaïeng, bad ki la ïaleit kiew sha Bethel, bad ki la ïakylli na U Blei; ki la ong ruh, “Uno u ban leit kiew nyngkong na ka bynta jong ngi ban ïaleh thma ïa ki khun u Benjamin?” U Trai te u la ong, “U Judah un leit kiew nyngkong.”

NONGBISHAR 20:23

(Te ki khun Israel ki la ïaleit kiew bad ki la ïam ha khmat U Trai ha ban da la janmiet; bad ki ïakylli ïa U Trai, ki da ong, “Ngan leit kiew pat ban ïaleh thma ïa ki khun u Benjamin u para jong nga?” U Trai te u la ong, “Leit kiew ban ïaleh ïa u.”)

1 SAMUEL 14:17

Ynda kumta, u Saul u la ong ha kita ki briew kiba bad u, “To ñiew mynta, bad to khmih uei uba la leit noh na ngi.” Te haba ki la ñiew, ha khmih, u Jonathan bad uta u nongrah atiar jong u kim don hangta.

1 SAMUEL 14:36

Te u Saul u la ong, “To ngin ïahiar nadien kine ki Philistia mynmiet, bad ngin lute ïa ki haduh ba kan da shai mynstep, bad ngin ym pynsah uwei ruh na ki.” Ki te ki la ong, “To leh ïa kaba me ibit.” Te uta u lyngdoh u la ong, “To ngin ïaleit hajan shane sha U Blei.”

1 SAMUEL 23:9

Te u Dabid u la tip ba u Saul u la shetbuit sniew pyrshah ïa u; bad u la ong ha u Abiathar u lyngdoh, “To wallam shane ïa kata ka ephod.”

1 SAMUEL 5:2

Bad ki Philistia, haba ki la shim ïa ka synduk U Blei, ki la wallam ïa ka hapoh ka ïing u Dagon, bad ki la buh ïa ka hajan u Dagon.

1 SAMUEL 7:1

Te ki rangbah Kiriath-jearim ki la wan, bad ki la wallam noh artet ïa ka synduk U Trai, bad ki la wallam ïa ka ha ka ïing u Abinadab ha uta u lum, bad ki la pynkyntang ïa u Eleasar u khun jong u ïa ka ban sumar ïa ka synduk U Trai.