1 SAMUEL 14:12 - KA BAIBL

¹² Bad kita ki briew kiba na kata ka karod ki la ïathuh ha u Jonathan bad ha uta uba rah ïa ki atiar jong u, bad ki la ong, “Wan kiew artet sha ngi, te ngin pyni ei ei ha phi.” Bad u Jonathan u la ong ha la u nongrah atiar, “Ale, bud ïa nga artet: namar U Trai u la aiti noh ïa ki ha ka kti ki Israel.”

Khasi CL Bible (BSI)

¹² Nangta ki pyrta ïa u Jonathan bad ïa uta u samla, “Ale shane! Ngi don ei ei ban ong ïa phi!” U Jonathan u ong ïa uta u samla, “Bud ïa nga. U Trai u la ai ha ki Israel ka jingjop halor jong ki.”

1 SAMUEL 14:12 ပူးပေါင်းရင်းမြစ်များ

JENESIS 24:42

“Te nga la wan poi sha kane ka pukri mynta ka sngi, bad nga la ong, ‘A Trai uba U Blei u Abraham u kynrad jong nga, lada mynta me pynpoi bha ïa ka lynti ha kaba nga ïaid:

JENESIS 24:48

Bad nga la nguh la ka khlieh, bad nga la mane ïa U Trai, bad nga la kyrkhu ïa U Trai uba U Blei u Abraham u kynrad jong nga, uba la ïalam ïa nga ha ka lynti kaba dei khnang ba ngan shim ïa ka khunruid u kynrad jong nga ïa u khun jong u.

2 SAMUEL 5:24

Te haba me ïohsngew ka jingsawa kum ka jingïaid ha ki kliar jong kita ki dieng Bekaim, hangta te men pynkhih ïa lade: namar haba kumta, U Trai un leit mih ha shuwa jong me ïa ka ban shoh pynïap ïa u paid jong ki Philistia.”

2 SYIEM 14:8

Ynda kumta, u Amasaïah u la phah ki nonglam-ktien ha u Jehoash, u khun u Jehoahas u khun u Jehu, u syiem ki Israel, u da ong, “Ale, ngin thaw ïakhmih markhmat.”

NONGBISHAR 4:14

Te ka Deborah ka la ong ha u Barak, “Ïeng joit; naba kane ka long kata ka sngi ba U Trai u la ai noh ïa u Sisera ha ka kti jong me: hato U Trai um shym la leit ha shuwa jong me?” Kumta, u Barak u la leit hiar na u lum Tabor, bad shiphew hajar ki rangbah ki ïabud ïa u.

NONGBISHAR 7:14

U lok jong u te u la ïathuh bad u la ong, “Kane kam long ei ei, hynrei, tang ka waitlam u Gideon u khun u Joash, u rangbah na Israel: ha ka kti jong u, U Blei u la ai noh ïa ki Midian, bad ïa u paidïapom baroh.”

NONGBISHAR 7:15

Te ka la long, haba u Gideon u la ïohsngew ïa ka jingïathuh ïa kata ka jingphohsniew, bad ïa ka jingbatai jong ka, u la mane dem; bad u la leit phai pat sha ka dara jong ki Israel, bad u la ong, “Ïeng; naba U Trai u la ai noh ha ka kti jong phi ïa u paidïapom ki Midian.”

NONGBISHAR 9:54

Te u la khot kyrkieh ïa uta u samla uba rah ïa ki atiar jong u, bad u la ong ïa u, “To sei ïa ka waitlam, to pynïap ïa nga, ba ki briew kin ym ong shaphang jong nga, ‘Ka kynthei ka la pynïap ïa u.’ ” Te uta u samla jong u, u la dung lyngba ïa u, bad u la ïap.

1 SAMUEL 14:10

Hynrei, lada kin ong kumne, ‘To wan kiew sha ngi’; kumta ngin leit kiew: namar U Trai u la aiti noh ïa ki ha ka kti jong ngi: bad kane kan long ka dak ïa ngi.”

1 SAMUEL 14:13

Bad u Jonathan u la par artet da la ki kti bad da la ki kjat, bad uta uba rah ïa ki atiar jong u, u bud na shadien: bad ki la kyllon ïap ha khmat u Jonathan; bad uta uba rah ïa ki atiar u la pynïap na shadien jong u.