1 SAMUEL 13:9 - KA BAIBL

⁹ Bad u Saul u la ong, “To wallam hangne ha nga ïa ka jingainguh thang bad ïa ki jingainguh pynïasuk.” Bad u la ainguh ïa kata ka jingainguh thang.

Khasi CL Bible (BSI)

⁹ Ki briew ki la sdang ban iehnoh noh ïa u Saul, kumta u ong ha ki, “Wallam ha nga ïa ki jingainguh thang bad ki jingainguh ïasyllok.”

1 SAMUEL 13:9 ပူးပေါင်းရင်းမြစ်များ

2 SAMUEL 24:25

Bad u Dabid u la tei ïa ka duwan hangta ha U Trai, bad u la ainguh da ki jingainguh thang bad da ki jingainguh pynïasuk. Kumta U Trai u la ïasuk bad ka ri, bad la pynsangeh ïa kata ka jingïapthem na Israel.

1 SYIEM 3:4

Te u syiem u la leit sha Gibeon ban kñia hangta; naba kata ka la long ka jaka bajrong kaba khraw keiñ: shi hajar ki jingainguh thang u Solomon u la kñia halor kata ka duwan.

SALM 37:7

To shongthait ha U Trai, bad ap shah slem ïa u: wat pynkhuslai ïa lade namar uta uba man bha ha la ka lynti, bad namar uta u briew uba pyndep ïa ki jingpyrkhat bymman.

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 20:22

Wat ong ma me, “Ngan siew kylliang ïa ka basniew:” to ap khmih ïa U Trai, te un pynim ïa me.

PROBERB 21:27

Ka jingkñia jong u bymman ka long ka jingijli: sa katno lei lei haba u wallam ïa ka bad ka jingmut bymman!

PROBERB 21:3

Kaba leh ïa ka hok bad ïa ka jingbishar ka long kaba kham pdiang hun ha U Trai ban ïa ka jingkñia.

ISAÏAH 66:3

“Uba pynïap ïa u masi dab u long kum uba pynïap briew; uta uba kñia ïa u khun langbrot, u long kum uba la pynkheiñ ïa ka ryndang u ksew; uta uba ai ïa ka jingainguh, u long kum uba ainguh da ka snam sniang; uta uba thang jingiwbih, u long kum uba kyrkhu ïa u bleithaw. Shisha keiñ, ki la jied ïa la ki jong ki lynti, bad ka mynsiem jong ki ka sngewbha ha ki jingijli jong ki;

DEUTERONOMI 12:5

Hynrei, phin ïawad ïa kata ka jaka, ha kaba U Trai uba U Blei jong phi un jied na ki jaid jong phi baroh, ïa ka ban buh ïa la ka kyrteng hangta, ïa ka jaka shongneh jong u keiñ, bad hangta, phin wan ruh:

DEUTERONOMI 12:6

Bad hangta, phin ïawallam ïa ki jingainguh thang jong phi, bad ïa ki jingkñia jong phi, bad ïa kiba shiphew jong phi, bad ïa ki jingainguh kyntiew ka kti jong phi, bad ïa ki jingkular skhem jong phi, bad ïa ki jingainguh basngewbha jong phi, bad ïa kiba kha nyngkong na ki masi jong phi, bad na ki langbrot jong phi ruh:

1 SAMUEL 14:18

Bad u Saul u la ong ha u Ahijah, “To wallam shane ïa ka synduk U Blei,” namar ka synduk U Blei ka la don bad ki khun Israel ha kata ka por.