1 SAMUEL 13:7 - KA BAIBL

⁷ Bad na ki Hebru don kiba la leit sha shiliang ka Jordan sha ka ri Gad bad Gilead; u Saul te u dang sah ha Gilgal, bad kita ki paidbah baroh ki la bud ïa u ki da kyiuh that that.

Khasi CL Bible (BSI)

⁷ kiwei pat ki jam ïa ka wah Jordan sha ki ri Gad bad Gilead. U Saul u dang don ha Gilgal, bad ki briew kiba bad u ki la khynñiuh da ka jingsheptieng.

1 SAMUEL 13:7 ပူးပေါင်းရင်းမြစ်များ

LEBITIKOS 26:17

Bad ngan buh ïa la ka khmat pyrshah ïa phi, bad phin kyllon ïap ruh ha khmat ki nongshun jong phi: kita kiba isih ïa phi kin leh bor halor jong phi; bad phin phet ïap noh haba ym don ba beh ïa phi.

DEUTERONOMI 20:8

Kita ki rangbah ruh kin nang kren shuh ha uta u paidbah, bad kin ong, ‘Don mano uba pud pud bad uba sngewsyier dohnud? to un leit phai pat sha la ïing, ba ïoh ka dohnud ki para jong u kan jem noh kum ka dohnud jong u hi.’

DEUTERONOMI 28:25

“U Trai un pynkyllon ïa me ha khmat ki nongshun jong me: tang da kawei ka lynti men leit ïaleh ïa ki, hynrei, men phet ïap na khmat jong ki da ki hynñiew lynti: bad un pynsakma ïa me sha ki hima ka pyrthei baroh.

DEUTERONOMI 3:12

“Te ïa kane ka ri, ngi la ïoh ha kata ka por; naduh Aroer, kaba harud ka wah Arnon, bad ïa shiteng u lum Gilead ruh, bad ïa ki nongbah jong u, nga la ai ha ki Reuben, bad ha ki Gad:

JOSHUA 13:11

bad ka Gilead, bad ka pud ki Geshur bad ki Maakath, bad u lum Hermon baroh, bad ka Bashan baroh haduh Salekah;

JOSHUA 13:8

Lem bad u, ki Reuben bad ki Gad ki la ïoh ïa la ka ri kynti, kaba u Moses u la ai ha ki, sha shiliang ka Jordan shaphang mihngi, kumba u Moses u shakri U Trai u la ai ha ki;

NONGBISHAR 7:3

Namar kata te, to khie pynbna ha ki shkor u paidbah, da ong, ‘Uno uno uba sheptieng bad ba khaw-eit, to un phai bad leit wan noh na u lum Gilead.’ ” Kumta la phai noh na u paidbah arphew ar hajar; bad shiphew hajar ki la sah.

1 SAMUEL 13:8

Te u la ap hynñiew sngi, haduh kata ka por ba la buh da u Samuel; hynrei, u Samuel um pat poi sha Gilgal, bad kita ki paidbah ki la ïasakma noh na u.

1 SAMUEL 17:11

Haba u Saul bad ki Israel baroh ki la ïohsngew ïa kita ki ktien jong uta u Philistia, ki la khaw-eit, bad ki la sheptieng shikatdei.

1 SAMUEL 31:7

Te haba kita ki rangbah Israel kiba sha shiliang kata ka them, bad kita kiba sha shiliang ka Jordan, ki la ïohi ba kita ki paidïapom ki Israel ki la phet ïap, bad ba la ïap u Saul bad ki khun jong u, ki ruh ki la iehnoh noh ïa la ki shnong, bad ki la phet ïap noh; bad ki Philistia ki la ïawan bad ki la shong shnong ha ki.