1 SAMUEL 13:6 - KA BAIBL

⁶ Haba ki rangbah Israel ki la ïohi ba ki la hap ha kaba khim, (naba u paidbah u la pisa eh,) hangta ki paidbah ki la buhrieh ïa lade ha ki krem, bad ha ki bniap, bad ha ki mawsiang, bad ha ki kut bajrong, bad ha ki thliew um.

Khasi CL Bible (BSI)

⁶ Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;

1 SAMUEL 13:6 ပူးပေါင်းရင်းမြစ်များ

2 SAMUEL 24:14

Te u Dabid u la ong ha u Gad, “Nga pisa eh: to ngin ïahap te ha ka kti U Trai: naba ki jingisynei jong u kiba khraw; te wat ai ngan hap ha ka kti u briew.”

ISAÏAH 42:22

Hynrei, ïa une u paidlang la lute noh bad la pynjot; ïa ki baroh la riam ha ki 'liewlep, bad la buhrieh ïa ki ha ki ïing byndi: ki long ïa ka jinglute, te ym don uba pyllait; ki long ïa ka jingjot, te ym don ba ong, “To pynïoh pat.”

JEREMAÏAH 41:9

Te kata ka 'liewlep, ha kaba u Ishmael u la bred ïa ki metïap baroh jong kita ki briew ïa kiba u la lah pynïap, hajan u Gedalaïah, (ka la long kata kajuh hi ïa kaba u Asa u syiem u la lah thaw namar ka jingsheptieng ïa u Baasha u syiem ki Israel,) u Ishmael u khun u Nethaniah u la pyndap ïa ka da kita ïa kiba la pynïap.

ESEKIEL 33:27

Kumne men ong ha ki, ‘Kumne u ong U Trai U Blei: Katba nga im, da shisha kita kiba ha ki jaka kynjah kin kyllon da ka waitlam, bad ïa uta uba ha madan ngan ai ha ki mrad khlaw ban bam duh, bad kita kiba ha ki kut baskhem bad ha ki krem kin ïap da ka khlam.

PHILIPPI 1:23

Hynrei, nga sngewlyngngoh ha kine baroh ar, haba nga don ka jingkwah ïa ka ban ïoh leit noh bad ban long lem bad U Khrist; naba ka long kham bha shikatdei eh:

HEBRU 11:38

(ïa kiba ka pyrthei kam bit ban ïoh), ki da ïaid sakma ha ki ri khlaw bad ki lum, bad ki krem bad ki thliew ka khyndew.

JOSHUA 8:20

Te haba kita ki nong Ai ki la kyrtiang, ki la ïohi, te ha khmih, ka tdem kata ka shnong ka la kiew sha bneng, te kim don bor shuh ban phet shane ne shawei: bad kita kiba la phet sha ri khlaw ki la phai kylla ïaleh ïa kita ki nongbeh.

NONGBISHAR 10:9

Te ki khun u Ammon ki la leit sha shiliang ka Jordan ban ïaleh ïa u Judah ruh, bad ïa u Benjamin, bad ïa ka ïing u Ephraim de; kumta, ki Israel ki la jynjar eh.

NONGBISHAR 20:41

Te ki rangbah Israel ki la phai, bad ki briew Benjamin ki la lyngngoh ngaiñ: naba ki la ïohi ba ka basniew ka la lah lap ïa ki.

NONGBISHAR 6:2

Ka kti ki Midian te ka la jop ïa ki Israel: bad na ka bynta ki Midian, ki khun Israel ki la thaw ïa lade ïa kita ki thliew kiba ha ki lum, bad ïa kita ki krem, bad ïa ki kut baskhem.

1 SAMUEL 13:15

Bad u Samuel u la ïeng, bad u la leit kiew na Gilgal sha Gibeah u Benjamin. Te u Saul u la ñiew ïa kita ki briew kiba sah ryngkat bad u, kumba hynriewspah ki rangbah.

1 SAMUEL 14:11

Bad ki la pynpaw ïa lade baroh ar ngut ha kata ka karod ki Philistia: bad kita ki Philistia ki la ong, “Ha khmih, kita ki Hebru ki mih noh na kita ki thliew ha kiba ki la buhrieh ïa lade.”

1 SAMUEL 14:22

Kumjuh ruh kita ki rangbah Israel baroh kiba la buhrieh ïa lade ha ri lum Ephraim, haba ki la ïohsngew ba ki la phet ïap ki Philistia, ki ruh ki la beh eh nadien jong ki ha kata ka thma.

1 SAMUEL 23:19

Ynda kumta, ki Siph ki la leit kiew sha u Saul ha Gibeah, ki da ong, “U Dabid um buhrieh ïa lade bad ngi ha ki kut ha ka 'law lynnong ha i lum rit Hakhilah, iba shaphang shathie na Jeshimon?

1 SAMUEL 24:3

Te ha lynti u la wan poi ha ki jingker ki langbrot, ha kaba la don ka krem; bad u Saul u la leit bsut ïa ka ban leit khyndew. Te u Dabid bad u paidbah jong u ki la ïashong rieh ha kaba kham shapoh kata ka krem;

1 SAMUEL 31:7

Te haba kita ki rangbah Israel kiba sha shiliang kata ka them, bad kita kiba sha shiliang ka Jordan, ki la ïohi ba kita ki paidïapom ki Israel ki la phet ïap, bad ba la ïap u Saul bad ki khun jong u, ki ruh ki la iehnoh noh ïa la ki shnong, bad ki la phet ïap noh; bad ki Philistia ki la ïawan bad ki la shong shnong ha ki.

1 SAMUEL 7:7

Te haba ki Philistia ki la ïohsngew ba ki Israel ki la ïalum lang ha Mispah, kita ki doloi jong ki Philistia ki la leit kiew ïaleh ïa ki Israel. Bad haba ki khun Israel ki la ïohsngew ïa kata, ki la sheptieng ïa ki Philistia.