1 SAMUEL 13:5 - KA BAIBL

⁵ Bad ki Philistia ki la ïalum lang ban ïaleh thma ïa ki Israel, laiphew hajar ki kali ïapom, bad hynriew hajar ki shipai bashong kulai, bad u paidbah byllien kat u shyiap uba harud ha duriaw: bad ki la wan kiew bad ki la ïasher dara ha Mikhmash, shaphang mihngi na Beth-aben.

Khasi CL Bible (BSI)

⁵ Ki Philistia ki ïalumlang ban ïaleh ïa ki Israel; ki don laiphew hajar tylli ki kali thma, hynriew hajar ngut ki shipai shong kulai, bad ki shipai kiba bun kat u shyiap harud duriaw. Ki leit sha Mikhmash, kaba sha mihngi na Bethaben bad ki sher dara hangta.

1 SAMUEL 13:5 ပူးပေါင်းရင်းမြစ်များ

JENESIS 22:17

bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u;

2 SAMUEL 17:11

Hynrei, nga pyni buit ban lum khar paid ïa ki Israel baroh phar sha me, naduh Dan haduh Beer-sheba, u paidbah babun kat u shyiap uba harud ka duriaw; bad ba men leit ma me ruh da la ka met sha ka thma.

1 SYIEM 20:27

Ïa ki khun Israel ruh la ïalum lang, bad la taïar jingbam ïa ki, bad ki la mih ban ïaleh ïa ki: ki khun Israel te ki la shong dara ha khmat jong ki kum ar tylli ki kynhun barit ki khun blang; hynrei, ki Syria ki la pyndap ïa ka ri.

2 KHRONIKL 1:9

Te, A Trai uba U Blei, to ai ba ka jingkular jong me ha u Dabid u kpa jong nga kan long kaba la pynskhem: naba me la pynlong syiem ïa nga halor u paidlang uba kum ka 'dewmet ka khyndew ha ka jingbun paid.

ISAÏAH 10:28

U la wan sha Aiath, u la ïaid lyngba ïa ka Migron; ha Mikhmash u buh ïa la ki jingbuh:

ISAÏAH 48:19

u symbai jong me ruh un da la long kum u shyiap, bad ki khun ka kpoh jong me kum u mawria jong ka: ïa ka kyrteng jong u yn ym da la ot noh lymne pynjot na khmat jong nga.”

JEREMAÏAH 15:8

Ki riewkynthei jong ki, ki la nang kham bun ïa u shyiap ki duriaw: nga la pynwan halor jong ki pyrshah ïa ki kmie jong kita ki samla, ïa u nonglute ha kaba shiteng sngi: ïa ka jingkhuslai bad ka jingshyrkhei nga la pynhap kyndit halor jong ka.

HOSIA 10:5

Kiba shong ha ka Samaria kin sheptieng namar ki khun masi ka Beth-aben: namar u paidlang jong u un ïam bynñiaw halor jong u, ki lyngdoh jong u ruh kiba la shadkmen halor jong u, na ka bynta ka burom jong u, namar ka la leit noh na u.

HOSIA 4:15

“La me, Israel, me leh nuti, hynrei, wat ai ba ka Judah kan leh palat; wat wan phi sha Gilgal ruh, lymne wat kiew sha Beth-aben, lymne wat smai, ‘Katba im U Trai.’

HOSIA 5:8

“Put ïa ka turoi ha Gibeah, bad ïa ka ronsing ha Ramah: pyrta maham ha Beth-aben; hadien jong me, ko Benjamin.

Ka Shithi U Paul Sha Ki Nong Rom 9:27

Hynrei, u Isaïah u pyrta noh shaphang ki Israel: “La ka jingkheiñ ki khun Israel ka da long kat u shyiap ka duriaw; tang ïa ita i bynta ba dang pynsah, yn ri pynim:

JOSHUA 11:4

Te ki la mih noh, ma ki bad baroh ki paidïapom jong ki ryngkat bad ki, shibun ki briew, kat u shyiap uba harud duriaw ha ka jingbun lem bad ki kulai bad ki kali shibun eh.

JOSHUA 18:12

Bad ka pud jong ki shaphang shatei ka la long na ka Jordan; bad ka pud ka la kiew harud Jerikho shaphang shatei, bad ka la kiew sha ka ri lum shaphang sepngi; bad ki bakut jong ka ki la long ha ka ri khlaw Beth-aben.

JOSHUA 7:2

Bad u Joshua u la phah briew na Jerikho sha Ai, kaba hajan Beth-aben, shaphang mihngi na Bethel, bad u la kren ha ki, u da ong, “To leit kiew bad jngoh ïa ka ri.” Te kita ki briew ki la leit kiew bad ki la jngoh ïa ka Ai.

NONGBISHAR 7:12

Ki Midian te bad ki Amalek bad ki khun mihngi ki la ïathiah ter lter ha ka them ha ka jingkheiñ kum ki puit; bad ki ut jong ki ym lah ñiew shuh, byllien kum u shyiap harud duriaw.

1 SAMUEL 13:11

Bad u Samuel u la ong, “Me la leh aïu?” Bad u Saul u la ïathuh, “Namar ba nga la ïohi ba ki briew ki la sakma na nga, bad ba mem wan ha kita ki sngi ba la buh, bad ba ki Philistia ki la ïalum lang ha Mikhmash;

1 SAMUEL 13:2

u Saul u la jied ha u, lai hajar ngut na ki Israel: ar hajar ki la don bad u Saul ha Mikhmash bad ha u lum Bethel, bad shi hajar bad u Jonathan ha Gibeah u Benjamin: te kita kiwei na u paidbah u la phah uwei uwei sha la ka jong ka jong ka ïingjaiñ.

1 SAMUEL 14:23

Kumta U Trai u la pynim ïa ki Israel ha kata ka sngi: bad kata ka jingïaleh thma ka la ïaid sha shiliang haduh Beth-aben.

1 SAMUEL 14:52

Bad la don ka jingïaleh thma kaba jur bad ki Philistia baroh ki sngi jong u Saul; bad haba u Saul u ïohi ïa uno uno u rangbah uba khlaiñ bad uba shlur u la ju shim ïa u ha lade.

1 SAMUEL 17:1

Te ki Philistia ki la lum lang ïa la ki paidïapom ïa ka ban ïaleh thma, bad ki la ïalum lang ha Shokhoh, kaba ha Judah, bad ki la ïasher dara hapdeng Shokhoh bad Asekah, ha Ephes-dammim.

1 SAMUEL 7:13

Kumta la jop ïa ki Philistia, bad kim shym wan shuh sha ka pud ki Israel: bad ka kti U Trai ka la long pyrshah ïa ki Philistia baroh ki sngi u Samuel.