1 SAMUEL 13:19 - KA BAIBL

¹⁹ Te ha ka ri Israel baroh ym shym don kamar: namar ki Philistia ki la ong, “Ïoh ba kine ki Hebru kin thaw ha ki, ki waitlam lane ki sum”:

Khasi CL Bible (BSI)

¹⁹ Ym shym la don ki kamar ha Israel, namar ki Philistia ki la kut jingmut ban ym ailad ïa ki Hebru ban shna ïa ki waitlam ne ki sum.

1 SAMUEL 13:19 ပူးပေါင်းရင်းမြစ်များ

2 SYIEM 24:14

Bad u la ring mraw ïa ka Jerusalem baroh, bad ïa ki rangbah baroh, bad ïa ki riewkhlaiñ bashlur baroh, shiphew hajar ki mraw keiñ, bad ïa ki nongthaw jingthaw bad ki kamar baroh; ym don ba sah shuh, sa tang ki baduk tam na ki briew ka ri.

ISAÏAH 54:16

Ha khmih, nga la pynlong ïa u kamar uba pyrsad ïa ka ding rnga, bad uba sei ka tiar ïa la ka kam; bad nga la thaw ïa u nongpynjot ban pynjot.

JEREMAÏAH 24:1

U Trai u la pyni ïa nga, te, ha khmih, ar shang ki soh Dumbur ba la buh ha khmat ka templ U Trai; hadien kaba u Nebukhadressar u syiem ka Babilon u la ring mraw ïa u Jekonaïah u khun u Jehoïakim, u syiem ka Judah, bad ïa ki rangbah Judah, lem bad ki nongtrei stad bad ki bania, na Jerusalem, bad ba u la ïalam ïa ki sha Babilon.

JEREMAÏAH 29:2

(hadien ba u Jekonaïah u syiem, bad ka kmie u syiem, bad ki ïunok, bad ki rangbah Judah bad ka Jerusalem, bad ki nongtrei stad, bad ki bania, ki la leit noh na Jerusalem;)

NONGBISHAR 5:8

Ki la shim da ki blei thymmai; hangta te la don thma ha ki khyrdop: la ju ïohi mo ïa ka stieh lane ïa u sum hapdeng ki sawphew hajar ngut ha Israel?

1 SAMUEL 13:20

hynrei, ki Israel baroh ki la ju leit hiar sha ki Philistia, ïa ka ban pynnep uwei uwei ïa la u phar, bad ïa la u nar lyngkor, bad ïa la u sdie, bad ïa la u mohkhiew;