1 SAMUEL 13:18 - KA BAIBL

¹⁸ bad kawei pat ka kynhun ka la phai sha ka lynti Beth-horon: bad kata kawei ka kynhun ka la phai sha lynti jong kata ka pud kaba hiar arsut sha ka them Seboim shaphang ka ri khlaw keiñ.

Khasi CL Bible (BSI)

¹⁸ kawei ka leit shaphang Beth Horon, bad kawei pat ka leit shaphang ka khappud na kaba lah ban ïohi ïa ka Them Seboim bad ïa ka ri khlaw.

1 SAMUEL 13:18 ပူးပေါင်းရင်းမြစ်များ

JENESIS 10:19

Bad ka pud ka jong ki Kanaan ka la long naduh ka Sidon, haba me ïaid shaphang ka Gerar, haduh ka Gasa; haba me leit shaphang Sodom, bad Gomorra, bad Admah, bad Seboim, wat haduh ka Lasha.

JENESIS 14:2

ba kine ki la ïaleh thma bad u Bera u syiem ka Sodom, bad u Birsha u syiem ka Gomorra, u Shinab u syiem ka Admah, bad u Shemeber u syiem ki Seboim, bad u syiem ka Bela ruh de, kaba long ka shnong Soar.

1 KHRONIKL 6:68

bad ïa ka Jokmeam bad la ki rudnong, bad ïa ka Beth-horon bad la ki rudnong;

2 KHRONIKL 8:5

U la tei ruh ïa ka Beth-horon ba haneng, bad ïa ka Beth-horon ba harum, ki nongbah ba la ker kut da ki kynroh, ki khyrdop, bad ki dieng jingkhang;

NEHEMAÏAH 11:34

Hadid, Seboim, Neballat;

HOSIA 11:8

“Kumno ngan iehnoh ïa me, Ephraim? kumno ngan pyllait ïa me, Israel? kumno ngan pynlong ïa me kum ka Admah? kumno ngan buh ïa me kum ka Seboim? ïa ka dohnud jong nga la pynkylla hapoh jong nga, ïa ki jingsngewsynei jong nga la pynmeh lang.

JOSHUA 10:10

Bad U Trai u la pynjot ïa ki ha khmat ki Israel, bad u la pynïap ïa ki da ka jingpynïap bakhraw ha Gibeon, u la beh ïa ki ruh ha ka lynti ka thiep Beth-horon, bad u la pynïap ïa ki haduh Asekah, bad haduh Makkedah.

JOSHUA 10:11

Ka la jia ruh, katba ki la phet ïap na khmat ki Israel, haba ki la don ha ka jur Beth-horon, ba U Trai u la pynhap ki maw bakhraw halor jong ki na bneng haduh Asekah, bad ki la ïap: ki la long ruh kham bun kiba la ïap da u phria ban ïa kita ba ki khun Israel ki la pynïap da ka waitlam.

JOSHUA 16:3

bad ka la hiar shaphang sepngi sha ki phang ki Japhlet sha khap ka Beth-horon kaba harum, bad haduh ka Geser; bad ki bakut jong ka ki la don ha ka duriaw.

JOSHUA 16:5

Bad ka pud ki khun u Ephraim kat kum ka ïing jong ki ka la long kumne: ka pud ka ri kynti jong ki shaphang mihngi ka la long ka Ataroth-addar, haduh Beth-horon kaba shaneng;

1 SAMUEL 14:15

Bad la don ka jingkyiuh ha ka jaka shong dara, ha lyngkha, bad hapdeng ki briew baroh; kata ka karod, bad kita ki nonglute, ki ruh ki la kyiuh: bad ka khyndew ruh ka la khynñiuh; kumta ka la long ka jingkyiuh ka bakhraw eh.