1 SAMUEL 12:5 - KA BAIBL

⁵ Bad u la ong ha ki, “U Trai u long sakhi pyrshah ïa phi, bad uba la sleh jong U, u long sakhi ha kane ka sngi, ba phim shym la shem ei ei ha ka kti jong nga.” Ki ruh ki la ong, “U long sakhi keiñ.”

Khasi CL Bible (BSI)

⁵ U Samuel u ong ha ki, “U Trai bad u Syiem uba u la jied ki long ki sakhi mynta ka sngi ba phi la shem ba nga long uba lui lui.” “Ho-oid, U Trai u long u sakhi jong ngi,” ki jubab.

1 SAMUEL 12:5 ပူးပေါင်းရင်းမြစ်များ

JENESIS 31:50

Lada men pynshitom ïa ki khun kynthei jong nga, lane lada men shim da kiwei pat ki tnga nalor ki khun kynthei jong nga, ym don mano mano ruh bad ngi ban long sakhi ïa kata; to khmih, U Blei u long u sakhi hapdeng jong nga bad jong me.”

Ka Kitab U Job 16:19

Wat mynta ruh, ha khmih, u sakhi jong nga u don ha bneng, bad uta uba bahkhlieh ïa nga u sha jrong.

Ka Kitab U Job 42:7

Te ka la jia, ynda U Trai u la lah kren ïa kine ki ktien ha u Job, ba U Trai u la ong ha u Eliphas u nong Teman, “Ka jingbitar jong nga ka la meh pyrshah ïa me, bad pyrshah ïa ki ar ngut ki lok jong me: naba phim shym kren ïa kata kaba dei shaphang jong nga, kumba u la leh u shakri jong nga u Job.

SALM 17:3

Me la tynjuh ïa ka dohnud jong nga; me la wan-i ïa nga mynmiet; me la tynjuh ïit ïa nga, te mem shem ei ei; nga la thmu khnang ba ka shyntur jong nga kan ym palat.

EKSODOS 22:4

Lada la shem shisha ha ka kti jong u ïa kata ka jingtuh ba dang im, la ka long u masi, ne ka kadda, ne ka langbrot; un pynburia ar shah.

ÏOANNIS 18:38

U Pilat u kylli ïa U, “Ka long aïu ka jingshisha?” Te ynda u la lah ong ïa kane, u la mih noh shabar sha kita ki Jiw pat, bad u la ong ha ki, “Nga ngam shem ka jingpalat satia ha U.

KI KAM 23:9

Te la mih ka jingkhynwin jlang; bad haba la ïaïeng joit ki nongthoh kiba na ka liang ki Pharisi, ki la ïa-pyneh noh, ki da ong, “Ngim shem ka basniew ei ei ruh ha une u briew; hynrei, yn leh kumno lada ka mynsiem ka la kren ha u, lane u angel?”

KI KAM 24:16

Ha kane, nga hi ruh nga pynmlien ïa lade, ban ïoh khlem da pud ka jingïatiplem ba khlem pynthut sha U Blei bad sha ki briew.

KI KAM 24:20

Lane kine hi to kin ïathuh, lada ki la shem ei ei ka bymdei katba nga la ïeng ha khmat ka dorbar,

1 KORINTH 4:4

Namar ngam tip ei ei pyrshah ïa lade; pynban, ngan ym ksan na kata; hynrei, uta uba bishar ïa nga long U Trai keiñ.

2 KORINTH 1:12

Namar ka jingkmen jong ngi ka long kane keiñ, ka jingphla ka jingïatiplem jong ngi, ba ha ka jingkhuid bad ha ka jingsngur bariewblei, ym ha ka jingstad bakynja doh, hynrei, ha ka jingaiei U Blei, ngi la pynïaid ïa lade ha ka pyrthei, bad kham bun eh sha phi.

1 SAMUEL 12:4

Ki te ki la ong, “Mem shym la shukor ïa ngi, lymne banbeiñ ïa ngi, lymne mem shym la shim ei ei na kti jongno jongno ruh.”

1 SAMUEL 26:9

Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”