1 SAMUEL 12:23 - KA BAIBL

²³ Ma nga ruh, ngan nai ba ngan leh pop pyrshah ïa U Trai da kaba wai noh ban duwai na ka bynta jong phi: hynrei, ngan hikai ha phi ïa kata ka lynti ka babha bad kaba dei.

Khasi CL Bible (BSI)

²³ Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.

1 SAMUEL 12:23 ပူးပေါင်းရင်းမြစ်များ

1 SYIEM 8:36

te to sngew ma me ha bneng, bad to map ïa ka pop ki shakri jong me, bad ka jong ki briew jong me ki Israel, haba me hikai ïa ki, ïa ka lynti ka babha ha kaba ki dei ban ïaid; bad to phah ruh ïa u slap ha ka ri jong me, kaba me la ai ha ki briew jong me ban long ka ri kynti.

2 KHRONIKL 6:27

te to sngap ma me na bneng, bad to map ïa ka pop ki shakri jong me, bad ïa ka jong ki briew jong me ki Israel, haba me hikai ïa ki, ïa ka lynti babha ha kaba ki dei ban ïaid; bad to phah ïa u slap ha la ka ri, kaba me la ai ha la ki briew ban long ka ri kynti.

SALM 122:6

To duwai na ka bynta ka jingsuk ka Jerusalem: “Kiba ieit ïa pha kin roi.

SALM 34:11

Ale, phi ki khun, to sngap ïa nga: ngan hikai ha phi ïa ka jingsheptieng U Trai.

SALM 34:12

Uei uta u briew uba kwah ïa ka jingim, bad uba ieit ban ïoh bun sngi, ba un ïohi ïa ka babha?

EKSODOS 32:30

Te ha kaba lashai, u Moses u la ong ha uta u paidbah, “Phi la leh ïa ka pop kaba khraw eh: mynta te ngan sa leit kiew sha U Trai; lehse nga lah ban pynlong ïa ka jingpynïasuk namar ka pop jong phi.”

PROBERB 4:11

Nga la hikai ïa me ha ka lynti ka jingstad; nga la ïalam ïa me ha ki lynti ka jingbeit.

EKLESIASTIS 12:10

U Nongïathuhkhana u la wad ban shem ïa ki ktien basngewtynnad, bad kata kaba la thoh ha ka hok, ki ktien ka jingshisha keiñ.

ISAÏAH 30:21

bad ki shkor jong me kin ïohsngew ïa ka ktien hadien jong me, ka da ong, “Kane ka long ka lynti, to ïaid phi ha ka;” haba phi phai sha kamon, bad haba phi phai sha kadiang.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 27:18

Hynrei, lada ki long ki nongïathuhlypa, bad lada ka ktien U Trai ka don ha ki, to mynta kin ïasaid ha U Trai ki paid, ba kita ki khiew ki pliang kiba sah ha ka ïing U Trai, bad ha ka ïing u syiem ka Judah, bad ha Jerusalem, kin ym leit sha Babilon.”

JEREMAÏAH 42:4

Ynda kumta, u Jeremaïah u nongïathuhlypa u la ong ha ki, “Nga la shahshkor ïa phi; ha khmih, ngan duwai ha U Trai U Blei jong phi katba kum ki ktien jong phi: te ïa kaei kaei ba U Trai un phai ktien ïa phi ngan pynpaw ïa ka ha phi, ngan ym buhrieh ei ei na phi.”

JEREMAÏAH 6:16

Kumne u ong U Trai, “To ïeng phi ha ki lynti bad to khmih, bad kylli shaphang ki lynti ïaid ki barim, ha kaba don kata ka lynti babha, bad to ïaid ha ka, bad phin shem kaba jahthait ïa ki mynsiem jong phi: hynrei, ki la ong, ‘Ngin ym ïaid ha ka.’

KI KAM 12:5

Namar kata, la pynsah ïa u Petros ha kata ka ïing byndi, hynrei, la pynlong ka jingduwai bashitrhem da ka balang ha U Blei na ka bynta jong u.

KI KAM 20:20

kumno ba ngam shym la pep ban ïathuh ha phi ïa kiei kiei baroh kiba pynmyntoi, bad ban hikai ïa phi ha kaba paw, bad ha ki ïing ki ïing,

Ka Shithi U Paul Sha Ki Nong Rom 1:9

Namar U Blei u long u sakhi jong nga, ïa uba nga shakri ha ka mynsiem jong nga ha ka gospel ka jong U Khun jong u, ba khlem da pud nga pynlong ka jingkynmaw shaphang jong phi,

1 KORINTH 9:16

Namar lada nga ïalap ïa ka gospel, ym don ka daw ka jinglehkmen ïa nga; namar ïa kata, ngam banse ban leh; A kordit ïa nga lada ngam ïalap ïa ka gospel!

KOLOSSAI 1:28

ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu;

KOLOSSAI 1:9

Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

1 THESSALONI 3:10

da kaba duwai shikatdei eh mynmiet bad mynsngi keiñ, ba ngin ïohi ïa ka khmat jong phi, bad ban pynjanai ïa kata kaba duna ha ka jingngeit jong phi?

2 TIMOTHI 1:3

Nga ainguh ïa U Blei, ïa uba nga shakri na la ki kpa tymmen da ka jingïatiplem bakhuid, ba nga don ka jingkynmaw kaba khlem da pud keiñ shaphang jong me ha ki jingduwai jong nga mynmiet bad mynsngi,

1 SAMUEL 12:19

Te u paidbah baroh u la ong ha u Samuel, “To duwai na ka bynta ki shakri jong me ha U Trai uba U Blei jong me, ba ngin ym ïap: namar ngi la pynlang ha ki pop jong ngi baroh sa kane ka jingbymman, ha kaba pan syiem.”

1 SAMUEL 8:6

Te kane ka ktien ka la pynsngewsih ïa u Samuel, haba ki la ong, “To ai da u syiem ban bishar ïa ngi.” Bad u Samuel u la duwai ha U Trai.