1 SAMUEL 12:22 - KA BAIBL

²² Naba U Trai un ym kyntait ïa la ki briew na ka bynta ka kyrteng kaba khraw jong u: namar U Trai u la ibit ban pynlong ïa phi u paidbah ha u hi.

Khasi CL Bible (BSI)

²² U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.

1 SAMUEL 12:22 ပူးပေါင်းရင်းမြစ်များ

1 SYIEM 6:13

Bad ngan shong hapdeng ki khun Israel, bad ngan ym iehnoh ïa u paidbah jong nga ki khun Israel.”

1 SYIEM 8:57

To U Trai uba U Blei jong ngi un long lem bad ngi, kumba u la long bad ki kpa jong ngi: to wat ai un iehnoh ïa ngi, lymne lyndet ïa ngi:

2 SYIEM 14:27

Te U Trai um shym ong ba un pyndam noh ïa ka kyrteng ki Israel napoh ka bneng: hynrei, u la pynim ïa ki da ka kti u Jeroboam u khun u Joash.

2 SYIEM 21:14

Bad ngan bred noh ïa kaba dang sah na ka ri kynti jong nga, bad ngan ai noh ïa ki ha ka kti ki nongshun jong ki: bad kin jia long ka jingïaknieh bad ka jinglute ha ki nongshun jong ki baroh;

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

2 KHRONIKL 15:2

bad u la leit mih noh ban tan ïa u Asa, bad u la ong ha u, “Ko Asa, bad phi baroh ki Judah bad ki Benjamin, to sngew ïa nga: U Trai u long ryngkat bad phi, katba phi long ryngkat bad u; bad lada phin wad ïa u, phin shem ïa u; hynrei, lada phin kyntait ïa u, u ruh un kyntait ïa phi.

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

SALM 106:8

Pynban, u la pynim ïa ki na ka bynta ka kyrteng jong u, ba un ïoh pynbna ïa ka borbah jong u.

SALM 94:14

Naba U Trai un ym kyntait ïa la ki briew, lymne un ym iehnoh ïa la ka jingïoh kynti.

EKSODOS 32:12

Balei ba kita ki Ijipt kin ïoh kren, da kaba ong, ‘Khnang ïa ka ban tyllep u la ïalam noh ïa ki, ban pynïap ïa ki ha ki lum, bad ban pynjot noh khoit keiñ ïa ki na khmat ka pyrthei?’ To phai noh na ka jingbitar ba-itieng jong me, to kylla noh ruh na kane ka basniew pyrshah ïa u paidlang jong me.

ISAÏAH 37:35

“Namar ngan da ïa kane ka nongbah ban pynim ïa ka, na ka bynta jong nga hi, bad na ka bynta u Dabid u shakri jong nga.”

ISAÏAH 41:17

Ki baduk bad ki bakyrduh ki wad um te ym don, bad u thylliej jong ki u tyrkhong da ka jingsliang; nga U Trai ngan shahshkor ïa ki, nga U Blei ki Israel ngan ym iehnoh ïa ki.

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

ISAÏAH 43:25

“Nga, ma nga hi, nga long uta uba pyndam noh ïa ki jingryngkang jong me na ka bynta ïa lade hi; bad ngan ym kynmaw ïa ki pop jong me.

ISAÏAH 43:7

ïa uwei uwei baroh ba la khot da ka kyrteng jong nga, bad ba nga la pynlong na ka bynta ka burom jong nga; nga la thaw dur ïa u; shisha keiñ, nga la pynlong ïa u.”

ISAÏAH 48:11

Na ka bynta ïa lade, na ka bynta ïa lade, ngan leh ïa ka; namar kumno yn pynsang ïa ka kyrteng jong nga? Te ngan ym ai la ka burom ha uwei pat.”

ISAÏAH 49:15

“Hato ka briew ka lah ban klet ïa la i khun ba dang buiñ, ba kan ym isynei ïa i khun ka kpoh jong ka? Shisha, kine ki lah ban klet, pynban nga, ngan ym klet ïa pha.

ISAÏAH 63:8

Namar u la ong, “Shisha, ki long ki briew jong nga, ki khun ki ban ym leh shukor:” kumta u la long U Nongpynim jong ki.

JEREMAÏAH 14:21

Wat isih ïa ngi, na ka bynta ka kyrteng jong me; wat pynjahburom ïa ka khet ka burom jong me: to kynmaw, to wat pynkheiñ ïa la ka jutang bad ngi.

JEREMAÏAH 14:7

“La ki jingleh bymhok jong ngi ki sakhi pyrshah ïa ngi, to leh ma me na ka bynta ka kyrteng jong me, A Trai; namar ki jingkylla dien jong ngi ki la bun; ngi la leh pop ïa me.

JEREMAÏAH 14:9

Balei ba me long kum u briew uba lyngngoh, kum u rangbah bakhlaiñ u bym lah pynim? La kumta ruh me, A Trai, me don hapdeng jong ngi, bad la khot ïa ngi da ka kyrteng jong me; wat iehnoh ïa ngi.”

SNGEWSYNEI 5:20

Balei ba me klet ïa ngi junom, bad me lyndet ïa ngi slem katne katne?

ESEKIEL 20:14

Hynrei, nga la leh na ka bynta la ka kyrteng, ba yn ym pyntngit ïa ka ha khmat kita ki jaid bynriew, kiba ha khmat jong ki nga la pynmih noh ïa ki.

ESEKIEL 20:9

Hynrei, nga la leh na ka bynta la ka kyrteng, ba yn ym pyntngit ïa ka ha khmat ki jaid bynriew, hapdeng kiba ki la don, kiba ha khmat jong ki nga la pynpaw ïa lade ha ki, ha kaba wallam noh ïa ki na ka ri Ijipt.

MALAKHI 1:2

“Nga la ieit ïa phi,” ong U Trai. “Pynban, phi ong, ‘Ha kaei me la ieit ïa ngi?’ Hato u Esau um shym ïadei shipara bad u Jakob?” ong U Trai: “pynban, ïa u Jakob nga la ieit;

MATHAÏOS 11:26

shisha, ko Kpa, naba kumta ka la ibit ha khmat jong me.

ÏOANNIS 15:16

Phi, phim shym la jied ïa nga, hynrei, nga, nga la jied ïa phi, bad nga la thung ïa phi, ba phi phin ïoh ïai-leit bad sei soh, bad ba u soh jong phi un ïoh ïaineh; ba kaei kaei ruh ba phin pan na uta U Kpa ha ka kyrteng jong nga, un ai ha phi.

Ka Shithi U Paul Sha Ki Nong Rom 11:1

Nga kylli te: U Blei u la kyntait noh khoit ïa uta u paidlang jong u? Em, kam long kumta! Namar nga ruh, nga long u kynja Israel, na u symbai u Abraham, na ka jaid Benjamin.

Ka Shithi U Paul Sha Ki Nong Rom 11:29

Namar kita ki jingaiei bad kata ka jingkhot U Blei ki long ba khlem jingkylla-ka-bamut.

1 KORINTH 4:7

Namar uei ba pynpher ïa me? bad me don aïu ïa kaba mem shym la pdiang? te lada me la pdiang, hato balei me leh sarong kumba mem shym la pdiang?

EPHESOS 1:12

khnang ba ngin ïoh long ka jingïaroh ïa ka burom jong u, ma ngi keiñ kiba la kyrmen ha U Khrist mynshuwa;

EPHESOS 1:6

ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit,

DEUTERONOMI 14:2

Namar me long u paidlang u bakyntang ha U Trai uba U Blei jong me, U Trai ruh u la jied ïa me, ban long u paidlang ba dei la u jong hi, nalor kita ki jaid bynriew baroh kiba don ha ka pyrthei.

DEUTERONOMI 31:17

Ynda kumta, ka jingbitar jong nga kan meh lep pyrshah ïa ki ha kata ka sngi, bad ngan iehnoh ïa ki, bad ngan buhrieh ïa la ka khmat na ki, bad yn bam duh noh khoit ïa ki, bad bun ki jingsniew, bad ki jingjynjar kin ïangat ha ki, ba kumta kin da ïa-ong ha kata ka sngi, ‘Hato kine ki jingsniew kim shym la ngat ha ngi naba U Blei jong ngi um don shuh hapdeng jong ngi?’

DEUTERONOMI 31:6

To long kiba khlaiñ bad kiba shlur, wat sngewkyiuh, lymne wat sheptieng ïa ki: namar U Trai uba U Blei jong me, ma u hi u leit ryngkat bad me; un ym iehnoh ïa me, lymne kyntait noh ïa me.”

DEUTERONOMI 31:8

Namar U Trai da lade hi, u leit ha shuwa jong me; un long ryngkat bad me, un ym iehnoh ïa me, lymne kyntait noh ïa me; wat sheptieng te, lymne wat khaw-eit.”

DEUTERONOMI 7:6

“Naba me long u paidlang bakyntang ïa U Trai uba U Blei jong me: uta U Trai uba U Blei jong me u la jied ïa me, ïa ka ban long u paidlang bakyrpang ïa u hi keiñ, nalor ki kynja bynriew baroh kiba ha khmat ka pyrthei.

DEUTERONOMI 9:5

Ym namar ka hok jong me, lane namar ka jinglong beit ka dohnud jong me, ba me leit ban ïoh ïa ka ri jong ki: hynrei, namar ka jingsniew keiñ jong kine ki jaid bynriew, U Trai uba U Blei jong me u beh noh ïa ki na khmat jong me, bad khnang ba un ïoh pyndep ïa kata ka ktien ïa kaba U Trai u la smai ha ki kpa jong me, ha u Abraham, u Isaak, bad u Jakob.

PHILIPPI 1:6

ba nga da ngeit skhem ïa kane hi, ba uta uba la sdang ha phi ïa ka jingleh babha un pynjanai ïa ka haduh ka sngi U Jisu Khrist:

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JOSHUA 7:9

Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u: