1 SAMUEL 12:20 - KA BAIBL

²⁰ U Samuel te u la ong ha u paidbah, “Wat sheptieng: phi la leh shisha ïa kane ka jingbymman baroh: pynban, wat kiar noh na kaba bud ïa U Trai, hynrei, to shakri ïa U Trai da ka dohnud jong phi baroh;

Khasi CL Bible (BSI)

²⁰ U Samuel u ong ha uta u paidbah, “Wat sheptieng; la phi la leh ïa ka kam bymman, wat phai noh na U Trai, hynrei shakri ïa u da ka dohnud jong phi baroh.

1 SAMUEL 12:20 ပူးပေါင်းရင်းမြစ်များ

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

SALM 101:3

Ngan ym buh ei ei kaba thala ha khmat ki khmat jong nga: nga isih ïa ka jingleh jong kita kiba kynriang; kan ym ïoh snoh ha nga.

SALM 125:5

Hynrei, kat kiba phai noh sha la ki lynti kynriang, U Trai un ring ïa ki lem bad ki nongleh bymman. To long ka jingsuk ïa ki Israel.

SALM 40:4

Suk uta u briew uba pynlong ïa U Trai ban long ka jingshaniah jong u, bad u bymburom ïa kiba sarong, lymne ïa kiba phai noh sha ki jinglamler.

EKSODOS 23:25

Phin shakri te ïa U Trai U Blei jong phi, te un kyrkhu ïa u kpu jong me, bad ïa ka um jong me; bad ngan shim noh ïa ka jingpang napdeng jong me.

EKSODOS 32:30

Te ha kaba lashai, u Moses u la ong ha uta u paidbah, “Phi la leh ïa ka pop kaba khraw eh: mynta te ngan sa leit kiew sha U Trai; lehse nga lah ban pynlong ïa ka jingpynïasuk namar ka pop jong phi.”

JEREMAÏAH 3:1

Ki ong, “Lada u briew un pyllait noh ïa la ka tnga, bad ba kan leit noh na u, bad kan long ka jong uwei pat u briew, te un leit phai pat sha ka? yn ym pyntngit shikatdei eh ïa kata ka ri? Hynrei, pha la leh nuti bad shibun ki nongieit; pynban, to wan phai pat sha nga,” ong U Trai.

HAGGAI 2:5

‘katba kum kata ka ktien ïa kaba nga la teh jutang bad phi mynba phi la mih noh na Ijipt, bad ka mynsiem jong nga ka shong hapdeng jong phi: wat sheptieng phi.’

DEUTERONOMI 10:12

“Mynta te, ko Israel, U Trai uba U Blei jong me u kwah aïu na me, tang ba men sheptieng ïa U Trai uba U Blei jong me, bad men ïaid ha ki lynti jong u baroh, bad men ieit ïa u, bad men shakri ïa U Trai uba U Blei jong me da la ka dohnud baroh, bad da la ka mynsiem baroh,

DEUTERONOMI 11:16

To sumar ïa lade, ba ïoh yn shukor ïa ka dohnud jong phi, bad ba phi ïaphai noh lyndet, bad shakri ïa kiwei pat ki blei, bad mane ïa ki;

DEUTERONOMI 31:29

Namar nga tip, ba ynda nga la ïap, phin pynsniew khoit ïa lade, bad phin ïaphai noh lyndet na kata ka lynti ïa kaba nga la hukum ïa phi; ka jingpynsniew te kan ngat ha phi ha kita ki sngi ki bakhatduh; namar phin leh pop ha khmat U Trai, ïa ka ban pynbitar ïa u da ki kam ki kti jong phi.”

JOSHUA 23:6

Namar kata, phin long shlur bha ban sumar bad ban leh ïa baroh kaba la thoh ha Ka Kitab Ka Hukum u Moses, ba phin ym phai noh na ka sha kamon lane sha kadiang;

1 PETROS 3:16

da kaba phi ïaibat ïa ka jingïatiplem babha, ba, ha kata kaba ki ïakrenbeiñ ïa phi, yn ïoh pynsngewlehrain ïa kita kiba kren wad daw eh ïa kata ka jinglong jingim babha jong phi ha U Khrist.

1 SAMUEL 12:19

Te u paidbah baroh u la ong ha u Samuel, “To duwai na ka bynta ki shakri jong me ha U Trai uba U Blei jong me, ba ngin ym ïap: namar ngi la pynlang ha ki pop jong ngi baroh sa kane ka jingbymman, ha kaba pan syiem.”