1 SAMUEL 12:2 - KA BAIBL

² Te mynta, ha khmih, u syiem u ïaid ha khmat jong phi: nga te nga la tymmen bad nga la phuh 'ñiuhlieh; bad ha khmih, ki khun jong nga ki don bad phi: bad nga la ïaid ha khmat jong phi naduh ba nga dang samla haduh kane ka sngi.

Khasi CL Bible (BSI)

² bad mynta une u syiem un ïalam ïa phi. Nga te nga la tymmen bad phuh 'ñiuhlieh, hynrei ki khun shynrang jong nga ki don bad phi. Nga la long u nongïalam jong phi naduh ba nga dang samla haduh mynta.

1 SAMUEL 12:2 ပူးပေါင်းရင်းမြစ်များ

SALM 71:18

Bad haba nga la tymmen ruh bad nga phuh 'ñiuhlieh, A U Blei, wat iehnoh ïa nga; tad ynda nga la pynbna ïa ka ksang'ti jong me ha ka pateng bynriew ka ban sa wan, ïa ka bor jong me ha uwei uwei baroh u ban sa wan.

JINGKHEIÑ 27:17

u ban leit shabar ha shuwa jong ki, bad u ban wan shapoh ha shuwa jong ki, bad uba lah ban ïalam shabar ïa ki, bad uba lah ban ïalam shapoh ïa ki; ba u paidlang jong U Trai un ym long kum ki langbrot ki bymdon u nongsharai.”

2 TIMOTHI 4:6

Namar ïa nga la theh noh lypa kum ka jingainguh dih, bad kata ka por ka jingleit noh jong nga ka la jan.

JOSHUA 23:1

Te kham slem, ynda U Trai u la ai ka jingshongthait ïa ki Israel na ki nongshun jong ki baroh kylleng sawdong, u Joshua u la man tymmen bad u la hiar arsut ka rta;

JOSHUA 23:2

bad u Joshua u la phah khot ïa ki Israel baroh, ïa ki tymmen basan keiñ jong ki bad ïa ki rangbah jong ki, bad ïa ki nongbishar jong ki bad ïa ki nongkam jong ki, bad u la ong ha ki, “Nga la tymmen bad nga la hiar arsut ka rta:

2 PETROS 1:14

haba tip ba kata kaba buh noh ïa kane ka ïingtrep jong nga ka la jan eh, kat kumba U Trai jong ngi U Jisu Khrist u la pyni ha nga.

1 SAMUEL 2:22

Te u Eli u la tymmen eh; bad u la ïohsngew baroh ba ki khun jong u ki la leh ha ki Israel baroh, kumno ba ki la ju thiah ruh bad kita ki kynthei kiba ju shakri ha ka jingkhang Ka Tabernakl ka jingïaseng.

1 SAMUEL 2:29

Balei te phi ïuhbeiñ ïa ka jingkñia jong nga bad ïa ka jingainguh jong nga, kiba nga la hukum ban long ha ka jaka shong jong nga: ba me kham pyndonburom ruh ïa la ki khun ban ïa nga, phi da pynsngaid ïa lade da kita ki jingainguh baroh ki babha tam ki jong ki briew jong nga ki Israel?’

1 SAMUEL 3:10

Bad U Trai u la wan, bad U la ïeng, bad U la khot kumba mynshuwa, “Samuel, Samuel.” Te u Samuel u la ong, “To kren; naba u shakri jong me u ïohsngew.”

1 SAMUEL 3:13

Namar nga la ong ha u hi ba ngan bishar pynrem junom ïa ka ïing jong u, namar kata ka jingbymman kaba u tip ma u, naba ki khun jong u ki la pynlong ka jingtim ïa lade, u te um shym la khang ïa ki.

1 SAMUEL 3:16

Te u Eli u la khot ïa u Samuel, bad u la ong, “Ko Samuel, u khun jong nga,” u ruh u la ong, “Nga hangne.”

1 SAMUEL 8:1

Te haba u Samuel u la tymmen, u la thung ïa la ki khun ba kin long nongbishar halor ki Israel.

1 SAMUEL 8:20

ba ngi ruh ngin ïoh long kum kita ki jaid bynriew baroh; u syiem jong ngi un bishar ïa ngi, bad un mih shabar ha shuwa jong ngi, bad un ïaleh ïa ki jingïaleh thma jong ngi.”

1 SAMUEL 8:3

Te kita ki khun jong u kim shym ïaid ha ki lynti jong u, hynrei, ki la phai noh sha ka jinglalot, bad ki la bamsap, bad ki la pynbakla ïa ka jingbishar ruh.

1 SAMUEL 8:5

bad ki la ïa-ong ha u, “Ha khmih, ma me, me la tymmen, bad ki khun jong me kim ïaid ha ki lynti jong me: mynta te to thung da u syiem halor jong ngi ban bishar ïa ngi kum ki jaid bynriew baroh.”