1 SAMUEL 12:12 - KA BAIBL

¹² Bad haba phi la ïohi ba u Nahash u syiem ki khun u Ammon u wan ïaleh ïa phi, phi la ong ha nga, ‘Em, hynrei, u syiem un synshar halor jong ngi:’ haba U Trai uba U Blei jong phi u la long u syiem jong phi ruh.

Khasi CL Bible (BSI)

¹² Hynrei haba phi ïohi ba u Nahash u syiem Ammon u wan tur pyrshah ïa phi, phi la kyntait ïa U Trai kum u syiem jong phi bad phi ong ha nga, ‘Ngi kwah syiem ban synshar ïa ngi.’

1 SAMUEL 12:12 ပူးပေါင်းရင်းမြစ်များ

JENESIS 17:7

Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.

SALM 74:12

Pynban, U Blei u long U Syiem jong nga naduh mynno mynno, uba trei ïa ka jingpynim hapdeng ka khyndew.

ISAÏAH 33:22

Namar U Trai u long u nongbishar jong ngi, U Trai u long u nongthaw aiñ jong ngi, U Trai u long u syiem jong ngi; u un pynim ïa ngi.

JEREMAÏAH 40:11

Kumjuh haba ki Jiw baroh kiba la don ha Moab, bad hapdeng ki khun u Ammon, bad ha Edom, bad kiba la don ha ki ri baroh, ki la ïohsngew ba u syiem ka Babilon u la iehnoh ïa kiba sah na Judah, bad ba u la buh halor jong ki ïa u Gedalaïah u khun u Ahikam, u khun u Shaphan;

HOSIA 13:10

Hangno u syiem jong me mynta, ba un pynim ïa me ha ki nongbah jong me baroh? bad hangno ki nongbishar jong me, kiba me la ong, ‘Ai syiem bad nongsynshar ïa nga?’

JINGKHEIÑ 23:21

Um ïohi ïa ka pop ha u Jakob, bad um ïohi ruh ïa ka jingpalat ha u Israel: U Trai U Blei jong u, U don ryngkat bad u, bad ka jingrisa u syiem ka hapdeng jong ki.

NONGBISHAR 8:23

U Gideon te u ong ha ki, “Ngan ym synshar halor jong phi, lymne u khun jong nga un ym synshar halor jong phi: U Trai keiñ un synshar halor jong phi.”

NONGBISHAR 9:18

phi te phi la ïeng ïaleh ïa ka ïing u kpa jong nga ha kane ka sngi, bad phi la pynïap halor uwei u maw, ïa ki khun shynrang jong u hynñiewphew ngut ki rangbah, bad phi la pynlong syiem halor ki nong Shekhem ïa u Abimelekh, u khun ka shakri jong u, namar ba u long u para jong phi;)

1 SAMUEL 10:19

phi te ha kane ka sngi phi la kyntait ïa U Blei jong phi, uba ma u hi u ju pynim ïa phi na ki jingjynjar jong phi baroh bad na ki jingkhuslai jong phi baroh; bad phi la ong ha u, ‘Em, hynrei, men thung syiem halor jong ngi.’ Mynta te namar kata, to ïeng ha khmat U Trai ha la ki jaid ki jaid, bad ha la ki hajar hajar.”

1 SAMUEL 8:3

Te kita ki khun jong u kim shym ïaid ha ki lynti jong u, hynrei, ki la phai noh sha ka jinglalot, bad ki la bamsap, bad ki la pynbakla ïa ka jingbishar ruh.