1 SAMUEL 12:11 - KA BAIBL

¹¹ Bad U Trai u la phah ïa u Jerubbaal, bad u Bedan, bad u Jephthah, bad u Samuel, bad u la pyllait ïa phi na ka kti ki nongshun jong phi kylleng, bad phi la shong ha kaba suk.

Khasi CL Bible (BSI)

¹¹ Bad U Trai u phah ïa u Gideon, u Barak, u Jephthah, bad khatduh ïa nga. Uwei pa uwei na ngi, ngi la pyllait im ïa phi na ki nongshun jong phi, bad phi la ïoh shongsuk shongshngain.

1 SAMUEL 12:11 ပူးပေါင်းရင်းမြစ်များ

2 SYIEM 13:5

(U Trai te u la ai u nongpynim ha ki Israel, kumta, ki la lait na ka kti ki Syria: bad ki khun Israel ki la ïashong ha la ki ïingjaiñ, kumba mynshuwa.

1 KHRONIKL 7:17

Bad ki khun shynrang u Ulam: u Bedan. Kine ki la long ki khun shynrang u Gilead u khun u Makhir, u khun u Manasseh.

NONGBISHAR 4:6

Te ka la phah khot ïa u Barak u khun u Abinoam na Kedesh-naphtali, bad ka la ong ha u, “Hato U Trai, U Blei ki Israel, um shym la hukum, ‘To khie, kynriah sha u lum Tabor, bad ïalam bad me shiphew hajar ngut na ki khun u Naphtali bad na ki khun u Sabulon?

NONGBISHAR 6:14

U Trai te U la peit ha u, bad U la ong, “Khie leit ha kane ka bor jong me, bad pyllait ïa ki Israel na ka kti ki Midian: ngam shym la phah ma nga ïa me?”

NONGBISHAR 6:31

U Joash te u la ong ha kita baroh ba ïeng ïaleh ïa u, “Phin ïasaid na ka bynta u Baal? lane phin pynim ïa u? uta uba ïasaid na ka bynta jong u, to ai ba un ïap ha kane ka step: lada u long u blei, to ai un ïasaid na ka bynta ïa lade, namar ba don uba la pynkyllon ïa ka duwan jong u.”

NONGBISHAR 6:32

Namar kata, ha kata ka sngi u la khot “Jerubbaal” ïa u, u da ong, “Ai u Baal un ïasaid pyrshah ïa u,” namar ba u la pynkyllon ïa ka duwan jong u.

NONGBISHAR 7:1

Ynda kumta, u Jerubbaal, u Gideon keiñ, bad ki paidbah kiba lem bad u, ki la khie dang step, bad ki la pynïeng dara harud ka pukri Harod: te u paidbah ki Midian u la don shaphang shatei na ki, hajan u lum Moreh, ha ka them.

NONGBISHAR 8:29

Bad u Jerubbaal u khun u Joash u la leit shong ha la ka jong ka ïing.

NONGBISHAR 8:35

lymne kim shym la leh sbun ïa ka ïing u Jerubbaal, u Gideon keiñ, katba kum kata ka jinglehbha baroh kaba u la pyni ha ki Israel.

1 SAMUEL 3:20

Te ki Israel baroh naduh Dan haduh Beer-sheba ki la tip ba la pynskhem ïa u Samuel ban long u nongïathuhlypa jong U Trai.

1 SAMUEL 7:13

Kumta la jop ïa ki Philistia, bad kim shym wan shuh sha ka pud ki Israel: bad ka kti U Trai ka la long pyrshah ïa ki Philistia baroh ki sngi u Samuel.