1 SAMUEL 11:7 - KA BAIBL

⁷ Bad u la shim shi jur ki masi dab, bad u la ot lyngkhot ïa ki, bad u la phah ïa ki ha ki phang ka Israel baroh da ka kti ki nonglam-ktien, u da ong, “Jar u ban ym wan mih hadien u Saul bad hadien u Samuel, kumta yn leh ha ki masi dab jong u.” Te ka jingsheptieng U Trai ka la hap ha u paidbah, bad ki la wan mih ryntih.

Khasi CL Bible (BSI)

⁷ U shim shi jur ki masi lur, u ot lyngkhot lyngkhai ïa ki bad u phah ïa ki nonglamktien ban leit rah ïa kita ki lyngkhot kylleng ka ri Israel ryngkat bad kane ka jingmaham: “Kat u bym bud ïa u Saul bad u Samuel sha ka thma, kumne yn leh ïa ki masi lur jong u.” Te ki paid Israel ki sheptieng her ïa kaei ba un leh U Trai, bad baroh khlem lait uwei ruh, ki ïawan mih ryntih lang baroh.

1 SAMUEL 11:7 ပူးပေါင်းရင်းမြစ်များ

JENESIS 35:5

Bad ki la ïa nang leit noh: bad ka jingsheptieng ïa U Blei ka la ngat ha kita ki nongbah kiba la don baroh sawdong ïa ki, katba kim shym la ïabeh nadien ki khun shynrang u Jakob.

2 KHRONIKL 14:14

Bad ki la pom ïa kita ki shnong baroh sawdong ïa ka Gerar; namar ka jingsheptieng ïa U Trai ka la ngat ha ki: bad ki la lute ïa kita ki shnong baroh; namar la don shibun bah ka jinglute ha ki.

2 KHRONIKL 17:10

Bad ka jingsheptieng U Trai ka la hap ha baroh ki hima ki ri kiba baroh sawdong ka Judah, kumta, kim shym ïaleh thma ïa u Jehoshaphat.

2 KHRONIKL 19:7

Namar kata te, to ka jingsheptieng U Trai kan don ha phi; to sumar bha bad leh ïa ka: namar bad U Trai U Blei jong ngi ym don ka jingbymhok, lymne ka jingñiew shiliang khmat, lymne kaba bamsap.”

ISAÏAH 8:13

U Trai ki paid keiñ, ïa uta phin pynkyntang; bad to un long uta ka jingsheptieng jong phi, bad to un long ka jingsngewkyiuh jong phi.

NONGBISHAR 19:29

Te ynda u la wan poi ha la ïing, u la shim ïa ka tari, bad u la bat ïa la ka tnga kliar, bad u la bynta ïa ka katba kum ki shyieng jong ka khat-ar dkhot, bad u la phah ïa ka sha ki phang ki Israel baroh.

NONGBISHAR 20:1

Ynda kumta, ki khun Israel baroh ki la mih noh, bad u paidlang u la ïalum lang kum kawei, naduh Dan haduh Beer-sheba, lem bad ka ri Gilead, sha U Trai ha Mispah.