1 SAMUEL 11:6 - KA BAIBL

⁶ Te U Mynsiem U Blei u la wan jur ha u Saul haba u la ïohsngew ïa kita ki ktien, bad ka jingbitar jong u ka la meh shikatdei.

Khasi CL Bible (BSI)

⁶ Haba u Saul u ïohsngew ïa kane, U Mynsiem jong U Blei u wan ha u da ka bor, bad u bitar lep.

1 SAMUEL 11:6 ပူးပေါင်းရင်းမြစ်များ

EKSODOS 32:19

Ka la jia te, katba u la wan hajan ka jaka shong dara, u la ïohi ïa uta u khun masi bad ïa kata ka jingshad; te ka jingbitar u Moses ka la khie buk, bad u la bred noh dak ïa kita ki maw lyngkniap na ka kti jong u, bad u la lympat ïa ki ha trai uta u lum.

JINGKHEIÑ 12:3

Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei.

MARKOS 3:5

Te ynda U la khmih sawdong ha ki da ka jingbitar, ba U da sngewsih namar kaba eh ka dohnud jong ki, U ong ha uta u briew, “To kner noh ïa la ka kti.” Te u la kner noh, bad la pynkhiah bha ïa kata ka kti jong u.

EPHESOS 4:26

To bitar, hynrei, wat leh pop: to wat ai ba ka sngi kan sep noh ha ka jingkhih bitar jong phi:

NONGBISHAR 11:29

Hamar kata, U Mynsiem U Trai u la wan ha u Jephthah, bad u la ïaid lyngba ïa ka Gilead bad ïa ka Manasseh, bad u la ïaid lyngba ïa ka Mispeh jong ka Gilead, bad na ka Mispeh jong ka Gilead u la ïaid sha shiliang sha ki khun u Ammon.

NONGBISHAR 13:25

Bad U Mynsiem U Trai u la sdang ban pynskuiñ ïa u ha Mahaneh-dan, hapdeng ka Sorah bad ka Eshtaol.

NONGBISHAR 14:6

Te U Mynsiem U Trai u la wan borbah halor jong u, bad u la kad ïa u kumba kad ïa i khun blang, te um shym don ei ei ha ka kti jong u: hynrei, um shym la ïathuh ïa u kpa lane ïa ka kmie ïa kaba u la leh.

NONGBISHAR 15:14

Ynda u la poi sha Lehi, ki Philistia ki la ïarisa, haba ki la ïakynduh bad u: te U Mynsiem U Trai u la wan borbah halor jong u, bad kita ki tyllai kiba ha ki kti jong u ki la long kum u 'saihon ba la thang ha ka ding, bad ki jingkhum jong u ki la hap noh na ki kti jong u.

NONGBISHAR 3:10

U Mynsiem U Trai te u la wan ha u, bad u la bishar ïa ki Israel; bad u la mih ha ka thma, U Trai te u la ai noh ïa u Kushan-rishathaim u syiem ka Mesopotamia ha ka kti jong u: bad ka kti jong u ka la jop ïa u Kushan-rishathaim.

NONGBISHAR 6:34

Hynrei, U Mynsiem U Trai u la wan ha u Gideon; bad u la put ka turoi; te ki Abieser ki la ïalang hadien jong u.

1 SAMUEL 10:10

Te haba ki la poi shata sha uta u lum, ha khmih, u paidbah ki nongïathuhlypa ki la ïashem bad u; bad U Mynsiem U Blei u la wan jur ha u ruh, bad u la ïathuhlypa hapdeng jong ki.

1 SAMUEL 10:6

bad U Mynsiem U Trai un wan jur ha me, bad ma me hi ruh men ïathuhlypa lem bad ki, bad yn pynkylla kum uwei pat u briew ïa me.

1 SAMUEL 16:13

Te u Samuel u la shim ïa kata ka reng umphniang, bad u la pynsleh ïa u hapdeng kita ki hynmen jong u: bad U Mynsiem U Trai u la wan jur ha u Dabid naduh kata ka sngi. Ynda kumta, u Samuel u la khie, bad u la leit sha Ramah.

1 SAMUEL 16:14

Hynrei, U Mynsiem U Trai u la kynriah noh na u Saul, bad u mynsiem bymman na U Trai u la pynsheptieng ïa u.