1 SAMUEL 11:13 - KA BAIBL

¹³ Te u Saul u la ong, “Yn ym pynïap ïano ïano ha kane ka sngi: naba ha kane ka sngi, U Trai u la pynlong ka jingpynim ha Israel.”

Khasi CL Bible (BSI)

¹³ Hynrei u Saul u ong, “Ym dei ban pynïap ïano ïano ha kane ka sngi, naba kane ka dei ka sngi ba U Trai u la pyllait im ïa ki Israel.”

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Te u Dabid u la ïathuh, “Nga donkam aïu bad phi, phi ki khun ka Seruïah, ba phin long ki nongïaleh pyrshah ïa nga ha kane ka sngi? hato yn pynïap ïa uno uno ha Israel ha kane ka sngi? namar nga tip ne em ba ha kane ka sngi nga long u syiem halor ki Israel?”

2 SAMUEL 19:23

Bad u syiem u la ong ha u Shimei, “Men ym ïap.” Bad u syiem u la smai ha u.

2 SAMUEL 23:10

u la ïeng, bad u la shoh ïa ki Philistia, haduh ba la thait ka kti jong u, bad ka kti jong u ka la dait skhem ha ka waitlam: te U Trai u la pynlong ïa ka jingjop kaba khraw ha kata ka sngi; bad u paidbah u leit phai hadien jong u tang ban shu lute.

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

EKSODOS 14:30

Kumta, U Trai u la pyllait noh ïa ki Israel ha kata ka sngi na ka kti ki Ijipt; bad ki Israel ki la ïohi ïa kita ki Ijipt ba ki la ïap harud ka duriaw.

ISAÏAH 59:16

U la ïohi ruh ba ym shym la don u briew, bad U la sngewkyndit ba ym shym la don u riewsaid: namar kata, ka ksang'ti jong U hi ka la pyllait im ïa u; bad ka hok jong U ka la kyrshan ïa u.

1 KORINTH 15:10

Hynrei, da ka jingaiei U Blei nga long kane kaba nga long: bad kata ka jingaiei jong u kaba la ai ha nga, kam shym la long lehnohei keiñ; hynrei, nga la trei minot kham tam shikatdei ban ïa ki baroh: te pynban ym ma nga, hynrei, kata ka jingaiei U Blei keiñ, kaba la don lem bad nga.

1 SAMUEL 10:27

Hynrei, don ki khun u Belial kiba la ïa-ong, “Kumno une un pynim ïa ngi?” Bad ki la beiñ ïa u, bad kim shym wallam ka jingai sngewbha ïa u. Hynrei, u, u la leh kum bym ïohsngew.

1 SAMUEL 14:45

Te kita ki briew ki la ong ha u Saul, “Hato un ïap u Jonathan, uba la pynlong ka jingpynim kaba khraw kat kane ha Israel? Kan ym long kumta, em: katba im U Trai, in ym hap iwei na ki 'ñiuh khlieh jong u ha ka khyndew; namar u la trei ryngkat bad U Blei ha kane ka sngi.” Kumta, kita ki briew ki la pynim ïa u Jonathan, ba um shym ïap.

1 SAMUEL 19:5

namar u la kheiñduh ïa la ka jingim, bad u la pynïap ïa uta u Philistia, bad U Trai u la pynlong ïa ka jinglait im bakhraw ïa ki Israel baroh; te me la ïohi ïa kata bad me la shadkmen; na ka balei te men leh pop ïa ka snam kaba lui lui, da kaba pynïap ïa u Dabid khlem daw?”