1 SAMUEL 11:11 - KA BAIBL

¹¹ Te ha kaba lashai, u Saul u la pynlong lai kynhun ïa u paidbah; bad ki la wan hapdeng kata ka jaka shong dara ha ka jingap kaba mynstep, bad ki la pom ïa ki Ammon haduh kaba la shit ka sngi: te ïa kita kiba sah la pynsaphred, ba kumta ym don na ki kiba la sah ryngkat ar ngut.

Khasi CL Bible (BSI)

¹¹ Ha kata ka miet u Saul u pynbynta ïa u paidïapom jong u ha ki lai kynhun, bad ynda mynstep ki tur sha ka jaka shong dara ki nongshun bad tur ïaleh ïa ki Ammon. Ha ka por shiteng sngi ki la lah pynïap ïa ki. Kiba lait im ki phet ïap, marwei marwei ha la ka lynti.

1 SAMUEL 11:11 ပူးပေါင်းရင်းမြစ်များ

JENESIS 22:14

Bad u Abraham u la khot kyrteng ïa kata ka jaka, “Jehobah-jireh”: kumba la dang ong haduh kane ka sngi, “Ha u lum U Trai yn sa ïohi hi.”

2 SAMUEL 18:2

Bad u Dabid u la phah lai bynta ïa u paidbah, shi bynta hapoh ka kti u Joab, bad shi bynta hapoh ka kti u Abishai u khun ka Seruïah, u para u Joab, bad shi bynta hapoh ka kti u Ittai u nong Gitt. Bad u syiem u la ong ïa u paidbah, “Shisha nga ruh ngan mih lem bad phi.”

SALM 46:1

U Blei u long ka jaka rieh bad ka bor jong ngi, ka jingïarap bahajan eh ha ka jynjar.

EKSODOS 14:24

Ka la jia ruh ha ka jingap mynstep, ba U Trai u la khmih ha u paidïapom ki Ijipt lyngba uta u rishot ding bad lyoh, te u la pynkhihwin ruh ïa u paidïapom ki Ijipt.

MATHAÏOS 7:2

Naba da ka jingbishar ba phi bishar, yn bishar ïa phi: bad da ka jingthew ba phi thew, yn thew pat ïa phi.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

NONGBISHAR 1:7

U Adoni-besek te u la ong, “Hynñiewphew ki syiem, ba la ot noh ïa ki 'ti kmie bad ïa ki 'jat kmie jong ki, ki la ju khar ïa la ka jingbam hapoh ka miej jong nga: kumba nga la leh, kumta U Blei u la leh kylliang ïa nga.” Te ki la wallam ïa u sha Jerusalem, bad hangta u la ïap.

NONGBISHAR 4:16

Hynrei, u Barak u la beh ïa kita ki kali, bad ïa uta u paidïapom haduh ka Harosheth ki Jentil: bad uta u paidïapom jong u Sisera baroh u la kyllon da ka syrti waitlam; uwei ruh ym shym pynsah shuh.

NONGBISHAR 7:16

Bad u la pynïabynta lai kynhun ïa kita ki laispah ki rangbah, bad u la pynbat ki turoi ha ki kti jong ki baroh, bad ki khra suda, bad ki jingtbeh de hapoh kita ki khra.

NONGBISHAR 7:20

Bad kita ki lai kynhun ki la put ïa ki turoi, bad ki la pynpait ruh ïa kita ki khra, bad ki la bat ïa kita ki jingtbeh ha ki kti kadiang jong ki, bad ïa ki turoi ha ki kti kamon jong ki ban put da ki: bad ki la pyrta, “Ka waitlam U Trai bad ka jong u Gideon.”

NONGBISHAR 9:43

U te u la shim ïa ki paidbah, bad u la ïabynta lai kynhun ïa ki, bad ki la ïa-ap thap ha lyngkha; bad u la khmih, te ha khmih, ki briew ki la ïamih na shnong; bad u la ïeng ïaleh ïa ki, bad u la jop ïa ki.

1 SAMUEL 11:2

Te u Nahash u nong Ammon u la ong ha ki, “Ngan pynlong ïa ka bad phi da kumne, ba ngan ïoh khlaw noh ïa ka khmat kamon jong phi baroh; bad ngan buh ïa kane ba kan long kaba jahburom halor ki Israel baroh.”

1 SAMUEL 14:47

Te haba u Saul u la shimti ïa ka jinglong syiem halor ki Israel, u la ïaleh thma ïa la ki nongshun baroh kylleng, ïa ki Moab, bad ïa ki khun u Ammon, bad ïa ka Edom, bad ïa ki syiem Sobah, bad ïa ki Philistia de: bad shano shano ba u la phai la ka khmat, u la jop.