1 SAMUEL 11:1 - KA BAIBL

¹ Ynda kumta, u Nahash u nong Ammon u la leit kiew, bad u la sher dara ïaleh pyrshah ïa ki Jabesh-gilead: te ki nong Jabesh-gilead ki la ïa-ong ha u Nahash, “To pynlong ka jutang bad ngi, te ngin shakri ïa me.”

Khasi CL Bible (BSI)

¹ Kumba shi bnai hadien kata, u Nahash u syiem Ammon u ïalam ïa la ka kynhun shipai pyrshah ïa ka shnong Jabesh kaba ha ri Gilead bad u kerkut ïa ka. Ki rangbah jong ka Jabesh ki ong ha u Nahash, “Ïateh jutang bad ngi, bad ngin pdiang ïa phi kum u nongsynshar jong ngi.”

1 SAMUEL 11:1 ပူးပေါင်းရင်းမြစ်များ

JENESIS 26:28

Ki te ki la ïathuh, “Shisha ngi la ïohi ba U Trai u long ryngkat bad me: te ngi la ïa-ong, ‘Mynta to ai ba kan long ka jingsmai hapdeng jong ngi, hapdeng jong ngi bad me keiñ, to ïa ngin ïathaw ka jutang bad me,

2 SAMUEL 10:1

Hadien kane te, u syiem ki khun u Ammon u la ïap, bad u Hanun u khun jong u, u la synshar ha ka jaka jong u.

2 SAMUEL 10:2

Te u Dabid u la ong, “Ngan leh bha ïa u Hanun u khun u Nahash, kumjuh kumba u kpa jong u, u la leh bha ïa nga ruh.” Kumta, u Dabid u la phah ha la ki shakri ïa ka ban pyntngen ïa u shaphang u kpa jong u. Bad ki shakri u Dabid ki la poi sha ka ri ki khun u Ammon.

2 SAMUEL 17:27

Te haba u Dabid u la wan sha Mahanaim, u Shobi u khun u Nahash na Rabbah jong ki Ammon, bad u Makhir u khun u Ammiel na Lo-debar, bad u Barsillai u nong Gilead na Rogelim,

2 SAMUEL 2:5

Te u Dabid u la phah ki nongkit-ktien sha ki Jabesh-gilead, bad u la ong ha ki, “To long phi ïa kiba la kyrkhu na U Trai, kiba la leh ïa kane ka jingleh isynei ha u kynrad jong phi, u Saul keiñ, bad ba phi la tep ïa u.

1 SYIEM 20:34

Te u Benhadad u la ong ha u, “Ïa kita ki shnong kiba u kpa jong nga u la knieh na u kpa jong me ngan ai pat; bad men thaw lynti shnong ïa lade ha Damaskos, kumba u kpa jong nga u la thaw ha Samaria.” “Ma nga te,” ong u Ahab, “ngan pyllait ïa me da kane ka jingïakut.” Kumta, ynda u la thaw jutang bad u, u la pyllait ïa u.

1 KHRONIKL 10:11

Te haba baroh ki Jabesh-gilead ki la ïohsngew ïa kata baroh kaba ki Philistia ki la leh ïa u Saul,

1 KHRONIKL 10:12

baroh ki riewshlur ki la ïeng bad ki la shim noh ïa ka met u Saul, bad ïa ki met ki khun jong u, bad ki la wallam ïa ki sha Jabesh, bad ki la tep ïa ki shyieng jong ki hapoh u dieng Sning ha Jabesh, bad ki la ïashah jingit hynñiew sngi.

Ka Kitab U Job 41:4

Un pynlong ka jutang bad me, ba men shim shakri ïa u ha la ka rta?

EKSODOS 23:32

Men ym pynlong ïa ka jutang bad ki, lymne bad ki blei jong ki.

ISAÏAH 36:16

Wat sngap ïa u Hesekaïah: namar kumne ong u syiem ka Assyria: “To ïasuk bad nga, bad to wan mih noh sha nga; bad to bam phi uwei uwei baroh na la u dieng Waiñ, bad uwei uwei baroh na la u dieng Dumbur, bad to dih phi uwei uwei baroh ïa ki um na la ka jong ka pipa.

JEREMAÏAH 40:11

Kumjuh haba ki Jiw baroh kiba la don ha Moab, bad hapdeng ki khun u Ammon, bad ha Edom, bad kiba la don ha ki ri baroh, ki la ïohsngew ba u syiem ka Babilon u la iehnoh ïa kiba sah na Judah, bad ba u la buh halor jong ki ïa u Gedalaïah u khun u Ahikam, u khun u Shaphan;

JEREMAÏAH 40:14

bad ki la ong ha u, “Me tip ne em ba u Baalis u syiem ki khun u Ammon u la phah ïa u Ishmael u khun u Nethaniah ban shim noh ïa ka jingim jong me?” Hynrei, u Gedalaïah u khun u Ahikam um shym la ngeit ïa ki.

ESEKIEL 17:13

bad u la shim ïa uba na u symbai syiem, bad u la pynlong ka jutang bad u; bad u la pynsmai ruh ïa u, bad u la shim noh ïa kiba don bor na ka ri:

DEUTERONOMI 23:3

“U Ammon, lane u Moab, un ym ïoh rung sha ka jingïaseng U Trai; haduh ka bashiphew pateng jong ki ruh, kin ym ïoh rung sha ka jingïaseng U Trai ha la ka rta:

NONGBISHAR 10:7

Te ka jingbitar U Trai ka la meh lep ïa ki Israel, bad u la die ïa ki ha ka kti ki Philistia, bad ha ka kti ki khun u Ammon.

NONGBISHAR 11:4

Te ynda katto katne, ki khun u Ammon ki la pynlong thma bad ki Israel.

NONGBISHAR 21:8

Te ki la ong, “Uei uba don na ki jaid Israel u bym shym wan kiew sha U Trai ha Mispah?” Te, ha khmih, ym shym don ba wan uwei na Jabesh-gilead sha ka dara ha u paidlang.

1 SAMUEL 12:12

Bad haba phi la ïohi ba u Nahash u syiem ki khun u Ammon u wan ïaleh ïa phi, phi la ong ha nga, ‘Em, hynrei, u syiem un synshar halor jong ngi:’ haba U Trai uba U Blei jong phi u la long u syiem jong phi ruh.

1 SAMUEL 14:47

Te haba u Saul u la shimti ïa ka jinglong syiem halor ki Israel, u la ïaleh thma ïa la ki nongshun baroh kylleng, ïa ki Moab, bad ïa ki khun u Ammon, bad ïa ka Edom, bad ïa ki syiem Sobah, bad ïa ki Philistia de: bad shano shano ba u la phai la ka khmat, u la jop.