1 SAMUEL 10:5 - KA BAIBL

⁵ Hadien kata, men poi sha u lum U Blei, ha kaba don ka karod ki Philistia: te ynda me la poi shata sha ka shnong, men ïashem bad u paidbah ki nongïathuhlypa ki da hiar na kata ka jaka jrong, ki da don ruh ha shuwa jong ki ka bela, bad ka kanjari, bad ka sharati, bad ka duitara de; ba ki dang ïathuhlypa:

Khasi CL Bible (BSI)

⁵ Nangta men leit kiew sha u Lum jong U Blei ha Gibeah, ha kaba don ka jaka sher dara jong ki Philistia. Ha ka jaka rung shapoh shnong, men ïakynduh ïa ka kynhun ki nongïathuhlypa kiba dang wan hiar na ka duwan kaba ha uta u lum, ki da tem da put ïa ki duitara, ki ksing, ki sharati, bad ki kanjari. Kin sa ïashad bad ïarisa.

1 SAMUEL 10:5 ပူးပေါင်းရင်းမြစ်များ

1 SYIEM 18:29

Te haba la palat shiteng sngi ruh, ki la ïathuhlypa haduh ka por ainguh ïa ka jingkñia la janmiet; hynrei, ym shym la don ktien ei ei, lymne uno uno ba jubab, lymne uno uno ba suidñiew.

2 SYIEM 2:15

Te ynda ki khun ki nongïathuhlypa kiba ha Jerikho marpyrshah ïa u ki la ïohi ïa u, ki la ong, “Ka mynsiem u Elijah ka sah ha u Elisha.” Bad ki la wan ïashem bad u, bad ki la dem ngon ha khmat jong u.

2 SYIEM 2:3

Te ki khun ki nongïathuhlypa kiba ha Bethel ki la ïawan ha u Elisha, bad ki la ong ha u, “Me tip ba U Trai un rah noh na me ïa u kynrad jong me ha kane ka sngi?” Te u la ong, “Ho-oid, nga tip ïa kata; phi to sngap jar.”

2 SYIEM 2:5

Bad ki khun ki nongïathuhlypa kiba ha Jerikho ki la ïawan hajan u Elisha, bad ki la ong ha u, “Me tip ba U Trai un rah noh ïa u kynrad jong me na me ha kane ka sngi?” U te u la ïathuh, “Ho-oid, nga tip ïa kata; phi to sngap jar.”

2 SYIEM 2:7

Bad sanphew ngut ki rangbah na ki khun u nongïathuhlypa ki la leit, bad ki ïeng marpyrshah ïa ki na sha jngai: ki te baroh ar ngut ki la ïeng harud ka Jordan.

2 SYIEM 3:15

Hynrei, to wallam ha nga uwei u nongtem.” Te haba uta u nongtem u la tem, ka kti U Trai ka la wan ha u.

2 SYIEM 4:38

Te u Elisha u la wan poi pat sha Gilgal: bad la don ka 'nemsniew ha ka ri: bad ki khun ki nongïathuhlypa ki la dang ïashong ha khmat jong u: u la ong te ha la u shakri, “Tiew u khiew heh, bad shet syrwa jhur ïa ki khun ki nongïathuhlypa.”

2 SYIEM 6:1

Te ki khun ki nongïathuhlypa ki la ong ha u Elisha, “Ha khmih te, kane ka jaka ba ngi shong ha khmat jong me ka khim eh ïa ngi.

1 KHRONIKL 11:16

Bad u Dabid ha kata ka por u don hapoh kata ka kut, bad ka karod ki Philistia ka la don ha Bethlehem ha kata ka por.

1 KHRONIKL 13:8

Bad u Dabid bad ki Israel baroh ki la tem jingtem ha khmat U Blei da ka bor jong ki baroh: da ki jingrwai, bad da ki duitara, bad da ki nebel, bad da ki kanjari, bad da ki ksing padiah, bad da ki ronsing.

1 KHRONIKL 16:42

bad lem bad ki, u Heman bad u Jeduthun lem bad ki turoi bad ki 'sing padiah na ka bynta kita ki ban pynsawa jam, bad ki jingtem ïa ki jingrwai jong U Blei: bad ïa ki khun u Jeduthun ban long ha ka khyrdop.

1 KHRONIKL 16:5

U Asaph u rangbah, bad uba bud ha u, u Sekharaïah, u Jeiel, bad u Shemiramoth, bad u Jehiel, bad u Mattithiah, bad u Eliab, bad u Benaïah, bad u Obed-edom, bad u Jeiel, lem bad ki nebel bad ki duitara; bad u Asaph lem bad ki 'sing padiah, u da pynsawa jam;

SALM 49:4

Ngan pyndem ïa la ka shkor sha ka pharshi: ngan batai ïa la ka phawar ha ka duitara.

SALM 92:3

ha ka jingtem kaba shiphew ksai, bad ha ka nebel; ha ka duitara da kaba pyrkhat.

1 KORINTH 14:1

To ïabeh phi sha kane ka jingieit; la kumta ruh, to da kwah hir hir ruh ïa kita ki jingai bakynja mynsiem, hynrei, kham tam ba phin ïoh ïathuhlypa.

1 SAMUEL 10:10

Te haba ki la poi shata sha uta u lum, ha khmih, u paidbah ki nongïathuhlypa ki la ïashem bad u; bad U Mynsiem U Blei u la wan jur ha u ruh, bad u la ïathuhlypa hapdeng jong ki.

1 SAMUEL 10:4

te kin khublei ïa me, bad kin ïa-ai ïa me ar tylli ki kpu; ma me ruh men shim ïa ki na ka kti jong ki.

1 SAMUEL 13:2

u Saul u la jied ha u, lai hajar ngut na ki Israel: ar hajar ki la don bad u Saul ha Mikhmash bad ha u lum Bethel, bad shi hajar bad u Jonathan ha Gibeah u Benjamin: te kita kiwei na u paidbah u la phah uwei uwei sha la ka jong ka jong ka ïingjaiñ.

1 SAMUEL 13:3

Bad u Jonathan u la pom ïa ka karod ki Philistia kaba ha Geba, te ki Philistia ki la ïohsngew ïa kata. Bad u Saul u la put da ka ronsing kylleng ka ri baroh, da kaba ong, “To kin ïohsngew ki Hebru.”

1 SAMUEL 19:20

Bad u Saul u la phah briew ban kem ïa u Dabid: te haba kita ki la ïohi ïa uta u paidbah ki nongïathuhlypa ba ki ïathuhlypa, bad ba u Samuel u la ïeng kum u rangbah jong ki, U Mynsiem U Blei u la wan ha kita ki briew jong u Saul, ba kumta ki hi ruh ki la ïathuhlypa.

1 SAMUEL 9:12

Te ki la ïathuh ïa ki, bad ki la ong, “U don; ha khmih, u ha pyrshah jong phi: to da pynkloi, namar ha kane ka sngi u la wan sha shnong; naba u paidbah u don ka jingkñia mynta ka sngi ha ka jaka jrong: