1 SAMUEL 10:24 - KA BAIBL

²⁴ Bad u Samuel u la ong ha kita ki briew baroh, “Phi ïohi ïa uba u la jied U Trai, ba ym don uba kum ma u hapdeng ki briew baroh?” Te kita ki briew baroh ki la ïarisa, bad ki la ïa-ong, “To un im u syiem.”

Khasi CL Bible (BSI)

²⁴ U Samuel u ong ha uta u paidbah, “Hangne u long uta u briew uba U Trai u la jied. Ym don uba kum ma u hapdeng jong ngi.” Baroh u paidbah u risa, “To un im slem u syiem!”

1 SAMUEL 10:24 ပူးပေါင်းရင်းမြစ်များ

2 SAMUEL 16:16

Te haba u Hushai u nong Arkhi, u lok u Dabid, u la wan ha u Absalom, u Hushai u la ong ha u Absalom, “To un im u syiem, to un im u syiem.”

2 SAMUEL 21:6

to aiti hynñiew ngut ki rangbah na ki khun jong u ha ngi, te ngin phasi ïa ki ha U Trai ha Gibeah u Saul, uba la jied jong U Trai.” Bad u syiem u la ong, “Ngan aiti ïa ki.”

1 SYIEM 1:21

Ynda kumta, kan jia, ynda u syiem kynrad jong nga un thiah bad ki kpa jong u, ba ïa nga bad ïa u Solomon u khun jong nga yn ñiew ki bapop.”

1 SYIEM 1:25

Namar u la leit hiar ha kane ka sngi, bad u la pynïap ki masi bad kiba sngaid bad ki langbrot byllai, bad u la khot ïa ki khun u syiem baroh, bad ïa ki kaptan ki paidïapom, bad ïa u Abiathar lyngdoh; te ha khmih, ki ïabam ki ïadih ha khmat jong u, bad ki ïa-ong, ‘To U Blei un pynim ïa u syiem Adonijah.’

1 SYIEM 1:34

bad to u Sadok lyngdoh bad u Nathan u nongïathuhlypa kin pynsleh ïa u hangta ban long u syiem halor ki Israel: bad to put phi da ka turoi, bad to ong, ‘U Blei un pynim ïa u Solomon syiem.’

1 SYIEM 1:39

Bad u Sadok lyngdoh u la shim ka reng umphniang na Ka Tabernakl, bad u la pynsleh ïa u Solomon. Bad ki la put ïa ka turoi; bad u paidbah baroh u la ong, “U Blei un pynim ïa u Solomon syiem.”

2 SYIEM 11:12

Ynda kumta, u la pynmih noh ïa uta u khun u syiem, bad u la pynphong ïa u ka pansngiat, bad u la ai ka jingphla ha u; te haba ki la thung syiem ïa u, ki la pynsleh ïa u; bad ki la ïathab kti, bad ki la ïa-ong, “U Blei un pynim ïa u syiem.”

2 KHRONIKL 23:11

Ynda kumta, ki la pynmih ïa u khun u syiem, bad ki la pynphong ka pansngiat halor jong u, bad ki la ai ha u ïa kata ka jingphla, bad ki la thung syiem ïa u: bad u Jehoïada bad ki khun jong u ki la pynsleh ïa u; bad ki la ong, “U Blei un pynim ïa u syiem.”

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

DEUTERONOMI 17:15

men thung ïa u syiem la kumno kumno halor jong me, da uta uba U Trai uba U Blei jong me un jied: napdeng ki para jong me keiñ, men thung ïa u syiem halor jong me: kam dei ïa me ban thung da u nongwei halor jong me, u bymlong u para jong me.

1 SAMUEL 11:15

Bad u paidbah baroh u la leit sha Gilgal; bad hangta ki la pynlong syiem ïa u Saul ha khmat U Trai ha Gilgal; bad hangta ki la kñia ki jingkñia da ki jingainguh pynïasuk ha khmat U Trai; bad hangta u Saul bad ki rangbah Israel baroh ki la leh kmen shikatdei.

1 SAMUEL 12:1

Bad u Samuel u la ong ha ki Israel baroh, “Ha khmih, nga la sngap ïa ka ktien jong phi ha kiei kiei baroh ba phi la ong ha nga, bad nga la thung syiem halor jong phi.

1 SAMUEL 12:13

Mynta te, khmih ïa u syiem ïa uba phi la jied, bad ïa uba phi la pan: bad ha khmih, U Trai u la buh syiem halor jong phi.

1 SAMUEL 9:2

Bad u la don u khun, uba kyrteng “u Saul”, u samla uba itynnad bad babhabriew: bad na ki khun Israel ym shym la don uwei uba kham bhabriew ban ïa u; u la long uba ka rynïeng ba uno uno na kita ki briew u kot tang ha tyrpeng.