1 SAMUEL 10:11 - KA BAIBL

¹¹ Te baroh kiba ju ithuh ïa u mynshuwa ki la ïohi, te ha khmih, u ïathuhlypa hapdeng kita ki nongïathuhlypa, te kita ki briew ki la ïakren paralok, “Kaei kane kaba la wan jia ïa u khun u Kish? Pleng u Saul ruh u don hapdeng ki nongïathuhlypa?”

Khasi CL Bible (BSI)

¹¹ Ki briew kiba ithuh ïa u mynshuwa haba ki ïohi ïa u ba u leh ïa kane ki ïakylli para ma ki, “Kaei kane kaba la wan jia ïa u khun jong u Kish? Hato, u Saul ruh u la long nongïathuhlypa?”

1 SAMUEL 10:11 ပူးပေါင်းရင်းမြစ်များ

AMOS 7:14

Ynda kumta, u Amos u la ïathuh, bad u la ong ha u Amasaïah, “Ngam shym long u nongïathuhlypa, lymne u khun u nongïathuhlypa; hynrei, nga la long uba sumar jingri, bad u nongtrei brisoh Dumbur:

AMOS 7:15

te U Trai u la shim noh ïa nga na kaba sharai ïa ka kynhun, bad U Trai u la ong ha nga, ‘Khie leit, ïathuhlypa ha ki Israel ki briew jong nga.’

ÏOANNIS 7:15

Ki Jiw te ki la ïasngewkyndit ki da ong, “Kumno une u la nang ïa ki jingstad, u bym ju la ïoh hikai ruh?”

KI KAM 3:10

bad ki la ithuh ïa u, ba u la long uta uba ju shong ban ïoh ka jingai isynei ha kata ka khyrdop “Ka Baitynnad” jong ka templ; te ki la dap da ka jingsngewphylla, bad da ka jingsngewlyngngoh ïa kata ba la jia ha u.

KI KAM 4:13

Te haba ki la khmih thuh ïa kata ka jingshlur jong u Petros bad u Ïoannis, bad ki la sngewthuh ruh ba ki long ki briew kiba khlem jinghikai bad kiba bieit, ki la ïasngewphylla; hynrei, ki la ithuh ïa ki, ba ki la ju don lem bad U Jisu.

KI KAM 9:21

Baroh te kiba la ïohsngew ïa u, ki la sngewkyndit, bad ki la ïa-ong, “Une um dei uta uba la pynjot ha Jerusalem ïa kita kiba la ju khot kyrpad ha kane ka Kyrteng? Bad u la wan hangne ruh ïa kane khnang, ba un ïoh ïalam noh ïa ki ba la khum ha khmat ki rangbah lyngdoh.”

1 SAMUEL 19:24

Bad u ruh u la loit noh ïa la ki jaiñ, bad u la ïathuhlypa ruh ha khmat u Samuel, bad u la thiah lyngkhuit baroh kata ka sngi bad baroh kata ka miet. Namar kata, ki la ju ong, “U Saul ruh pleng u don hapdeng ki nongïathuhlypa?”